Analysis Services



السلام عليكم ورحمة الله وبركاته

اخواااتى الغااليات على قلبي بصراحه اعجز عن الشكر اقسم بالله انى سعيده جدا

بكم وادعوا الله لكن بالستر والتوفيق والرزق الحلال فقد لقيت تفاعلكن وردكن لي

في موضوعي الذي نزلته من كم يوم الذي شجعنى ان اغامر واتعلم فن عمل الفطاير

وبالفعل اتعلمت للعجن وطلعت العجينه روعه وكل شي تمام لكن عند الحشو احتار

وش الحشو اللي اعمله لهذي العجينه وبذات عجينة هند عساها للجنه يارب وغفر الله

لوالديها وجعلهم في الفردوس الاعلى منها ادعوا لها وهى لاتعلم بان يرزقها الله من فضله

عملت العجينه وضبطت معاي ولكنى اجهل عمل اشكال جميلة ومرتبه



وكذلك اجهل الحشوات البيتزا عملت حشوه من بصل وفلفل رومى وزعتر وكاتشب ومايونيز

وطلعت روعه لكن باقي العجين شسوى فيه وش الفرق اذا بغيت فطاير مالحه او حلوه

ابي طريقه للف العجين باشكال حلوه

وحشوات مالحه وحلوه لانى اعمل بيتزا وتبقى كمية كبيره من العجين سويت فيه فطاير

وطلعت مو حلوه لانى ما اعرف الحشوات



وبالنسبه للخبز كم تبقى في الفرن وفي الاعلى او الاسفل وكم درجه حرارة الفرن

لان البيتزا احيانا تطلع ياسبه شوى ..؟؟؟ ابي بالصور كيف الفهم واطلعهم تفتح النفس

ياليت تكملون جميلكم معاي وتردون على ... عارفه انى زودتها شوى لكن اتحملونى

ربي لايضيع من احسن عملا ومالكم منى غير الدعوه الصادقه وبذات عن الافطار اذا

زينت سفرتى برمضان وتذكرتكم وتذكرت مساعدتكم لي ادعي لكم من كل قلبي

بالستر والغنى والعفاف



اختكم قهوووه
17-06-1429 هـ, 05:23 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يا عمري انا مثلك تمام
ما اقدر اشكل حبتين بنفس الشكل ولا حتى نفس المقاس
ما ساعدني الا القطاعات اللي تجي على اشكال عشان اسوي الفطاير اللي بدون حشو
يعني بس تحطي خلطة على الوجه
وفي اللي زي المكبس عشان السمبوسك وكده برضو كويسة تنفعك اذا تبغي الحشوة داخلية

بس اكتر من كده ما اقدر افيدك باي شي
هذا يادوب اللي اقول لك عليه وبعين قوية
17-06-1429 هـ, 05:31 مساءً
 
للرفع
17-06-1429 هـ, 05:35 مساءً
 
فطاير الجبن اخلطي جبنه بيضاء مع جبن كيري وشوي بقدونس
وممكن تسوين زعتر مع زيت زيتون وتفردين العجينه كبيره شوي وتدهنينها زعتر ثم تلفينها زي السينبون وتدهنين الوجه بيض وبعد النضج تقطعينها دوائر يطلع شكلها روعه
17-06-1429 هـ, 06:29 مساءً
 
فيه اشكال كثيره للفطاير منها البيتزا تقدرين تسوينها دوائر صغار او صينيه كبيره
او بيتزا السينابون اللي هي ملفوفه
وعندك الكروسان سهله افردي العجينه دائريه وقطعيها ثمان مثلثات مثل تقطيع بيتزا المطاعم
وحطي الحشوه في طرفها ولفيها ونوعي في حشواتها ممكن جبنه سائله او كيري او مثلثات
او جبنه مالحه مع سماق او جبنه مالحه مع زعتر او جبنة مالحه مع بقدونس وشبت
وممكن كذلك لبنه او زعتر وزيت زيتون
وممكن تشكلينها مثل فطاءر السبانخ تقطعينها دوائر وتحطين لحشوه في النصف وتشكلينها مثلثه
وتحشينها سبانخ او دجاج مكشن مع خضار مبشور
وممكن تسوين كور وتحشينها تونه مكشنه او دجاج مكشن مع خضار او لحم مفروم اوجبنه
وممكن كذلك انصاف دوائر وتحشينها لحمه مفرومه او جبنه او دجاج او بيض مسلوق ومبشور مع جبنه مبشورة
وممكن تسوين فطاير النقانق تقطعين العجينه مستطيلات وبعد ماتحمرين النقانق تحطينها على العجينه
وتلفينها وتقطعينها ثلاثه او اربعه اجزاء وتخبزينها
وكذلك النقانق ممكن تقطعينها صغار وتكشنينها مع بصل وفلفل اخضر وطماط وصلصه بعدين تحشين بها العجينه
وتشكلينه حسب رغبتك
وفيه طريقه سهله انك تفردين قطعه من العجينه في صينيه دائريه او مستطيله وتدهنينها بخليط الزعتر والزيت
اوخلطه في الخلاط جبنه ومايونيز وبقدونس وبيضه اخلطيها وصبيها على الصينيبه ودخليها الفرن
بعدين قطعيها مثلثات او مربعات
وممكن تسوينها قوارب وتحشينها لبنه او جبنه سائله او سبانخ او لحم مفروم
وكذلك ممكن تسوينها صفيحة لحم كشني اللحمه ببصل وملح وفلفل بعدين اضيفي عليها ملعقتين طحينه
وافرديها على العجينه في صينيه دائريه ودخليها الفرن
وراجعي مواضيعي تحصلين موضوعين للفطاير بالخطوات يمكن تفيدك
17-06-1429 هـ, 06:51 مساءً
 


الساعة الآن 12:01 .