كل يوم وزوجي تهزيئ ويرمي الفنجال وش ذا القهوة ومدري ايش شكله شايف له شوفه المهم كنت والله اسويها زينه الحين وانا اعترف انها مقبوله بس ابي مساعده ممكن تعطوني اسم بن زين ودرجه التحميص حقه وطريقه عملها تكفون
18-06-1429 هـ, 06:30 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمة الله وبركاته

أشوف ان البن الزين عند بارنيز لكن عني أنا أحب اجهز البن بنفسي...أحمصه في البيت لدرجه اللي ابغاها
وقيل ماأفي عن احط حبتين مستكة ....ولمن يبرد أحطه في علبة وأطحن كميه بسيطة منه حق مرتين أوثلاثة
جربي وشوفي كيف ريحة القهوة تشعشع في بيتك
18-06-1429 هـ, 09:11 صباحاً
 
اف اف اف يرمي الفنجال في وجهك معليش تراه فنجال قهوة لا راح ولا جا


شوفي يا قلبي
انا اسويه واطحنه بنفسي
اول شي اصفيه من الحجر والشوائب اغسلها زين ما زين واخليها تنشف فوق الثلاجة واحمصها بس مو لما تغمق يصير لونها حلو عشان ما تمرر

اطحن قليل على قد 3-4 مرات يعني كل تقريبا ثلاث ايام اطحن شوي هو والهيل و

وطريقتي فيها اغلي موية واحط البن عليها
واخليها على نار هادية ربع ساعة
اكون مجهزة الترمس فيه الخلطة الجاهزة اسمها زاد الشويعر صغيرة صح بس تقعد عندي لان القهوة ما تحتاج منها كثير نص ملعقة صغيرة تلقينة عند العطارين
واحط فيه الهيل ملعقتين صغار وبس
وازل القهوة عليه
مع تمر سكرية يا سلام
18-06-1429 هـ, 02:53 مساءً
 
افضل بـُـن يا غالية هو البــُن اليمني المزروع خاصة في مدينة ( المخا ) وهو اغلى انواع البن في العالم .. وبالمناسبة ( الموكا) مشروب القهوة الراقي سمي بهذا الاسم تيمناً بمدينة ( المخا ) اليمنية مسقط رأس هذا البن النادر لروعته

يليه البن الهراري اللي هو الحبشي


كيف تعملين القهوة هذا يرجع إلى مسألة ذوق وكل منطقة لها طريقة معينة .. ولكن التحميص اهم شيء لا يكون خفيف مرة مايكون فيه طعم ولا يكون غامق يكون قوي ... الوسط زين تقريبا اغمق بدرجتين من حبة القمح
18-06-1429 هـ, 04:11 مساءً
 
البن الزين هو اللي بالخيشه
اسمه باشنفر
اذا غسلتي القهوه وترمتيا بصحن كبير تنشف
احمسيها في الصاج او بوسط الفرن اتركيها بعد كل خمس دقايق حركيها
الين توصل للون المطلوب واذا غامقه شوي احسن
وطريقتي في اعدادها
اذا غلت المويه((تقريبا 2او3علب ماء صحه ))ضيفي لها فنجال قهوه بن اذا كنت مغمقتها
واكثر اذا كانت افتح
واتركيها تغلي ثم وطي النار وخليها تطبخ ربع اوثلث ساعه
طفيها واضيفي لترمس القهوه مقدار ملعقة الكريمه هيل مطحون وزعفران
وقدميها وان شاء الله النتيجه ترضيك
ويصير ما يستغني عن طعم قهوتك ياحلوه
وعند لك فكره اذا كان يحب قهوة احد من قرابتكم واذا اللي بينكم عادي لو تعطينها قهوة تحمسها لك او انك تخلينها توريك طريقتها بالحمس
وبالتوفيق
واذا في استفسار ارسليلي ع الخاص لان يمكن ما ارجع للموضوع
18-06-1429 هـ, 04:29 مساءً
 


الساعة الآن 04:33 .