للرفع
19-06-1429 هـ, 03:36 صباحاً
 

انا احط مع القهوه وانا احمسها شيبه لان طعمها لذيذ

وللمعولميه اذا حمست القهوه غامقه ممكن تحطين نص فنجال

واذا الحمسه فاتحه لازم فنجال كامل وهذه الطريقه المعروفه
19-06-1429 هـ, 05:25 صباحاً
 
السلام عليكم
الكل مد لك دلته أو ترمسه أو زمزمية قهوته
إذاً ماله داعي أمدلك أنا هع هع أمزح ..
***
**
*
المهم إنتِ طلبت من كل وحده قهوتها جنان تكتب طريقتها ..
وأنا حقيقه شايفه بنفسي حبتين ههههههه مغروره ..

المهم نجي للمفيد ..
القهوه لازم تكون نوع جيد أنا مثلاً قهوتي هرري
آخذ الكيس بكبره وأحمسه حمسة غامقه شويه
أقرّب لونها شويّه ..
أقدر أقول لونها للعودي أقرب ..
أحياناً أوديها للطحان كلها يطحنها ..
وأحياناً جزء مطحون والباقي حب ..
المهم في كلا الحالتين تكون القهوه في الفريزر ـ
وطريقة فرزنتي لها ..
إني أوزع القهوه بأكياس نايلون
وأدخلها في برطمانات زجاجيه كبار تقريباً 3 أشتريتهم من إيكيا
وآخذ حاجتي في برطمان صغير وأخليه قريب عندي في الثلاجه ـ
وطريقتي في إعداد القهوه كالتالي /
عادة الزمزميّه الكبير ه تحتاج لفنجان من القهوه
والزمزميّه الصغيره نصف الفنجان
نغلي الماء ونضع 3 أكواب في إبريق على النار
ونضع حبات العويدي تقريباً خمس أو أربع
ونضع فنجان قهوه
ونتركها تطبخ على نار معتدله لمدة 10 أو 7 دقايق كفايه عليها ـ
بعد كذا نضع ملعقة صغيره من الهيل المطحون وشوية زعفران في وسط الزمزميه أو ( دلة القهوه )
بعدها نضع المشخله الصغيره على فوهة الزمزميه( أو دلة القهوه)
ونسكب القهوه بهدوء وإن إحتاجت ماء نضيف ماء مغلي مباشرة إلى الزمزميّه ..
ثم نقدمها مع الحلو والتمر ـ
**
*
ودمتي سالمه غانمه ..
تراي جايبه الجهده في شرح طريقتي ..
الله يجعل لي فيها أجر لكل من استفادت ـ
19-06-1429 هـ, 06:24 صباحاً
 
يعطيم الف عااااااااافيه يابنات وماقصرتواا بس وشهي العويدي؟؟؟
19-06-1429 هـ, 02:31 مساءً
 
العويدي =المسماار
19-06-1429 هـ, 03:21 مساءً
 


الساعة الآن 06:04 .