بصراحه يا بنات انا شريت قدر ضغط عشان اسوي السحور بسرعه بس ما اعرف اسوي فيه الا رز بلحم او رز بدجاج ما فيه اكلات غير تسوى فيه

هلا اختي اسبكتي :
انا من عشاق قدر الضغط واحب كل شي فيه توفير للوقت .
المهم :
انا اسوي فيه ورق العنب يطلع روعه .................... اذا بغيتي الطريقه قوليلي.
وبعد اسوي فيه مقلقل اللحم والدجاج ................. ناكله مع الخبز .


واذا تذكرت شي راح ارجع .
شكرا عيوني حب الرمان تعبتك معاي :24:

ياليت ولو بعذبك معاي تعطيني كل اكلاتك اللي بقدر الضغط وخصوصا ورق العنب لاني من عشاقه ومشكووووووووووووووووووووووره:2 6:
هلا اسبكتي ........
لا تعب ولا شي انا بالخدمة ........ شوفي :
طريقة ورق العنب اسوي كمية واحطه بالفريزر في علب بلاستيك
ولما احتاجه اطلع الكميه اللي ابيها .
- اقطع حلقات بطاطس واصفه في قاعدة قدر الضغط ، ثم اصف ورق العنب بشكل دائري
ان حبيتي دور ولا دورين حسب الحاجه ،
- اجيب كشنه بصل مع طماطم + مكعب ماجي + ماء + فنجال من الخل
اخلطهم مع بعض واحطهم على القدر ، وازود الماء لحد ما يتغطى ورق العنب ، واحط عليه صحن صين يثقله .
اسكر القدر واولع عليه ، ولما يبدا يفور اقصر عليه مرة ، واحسب بساعة الفرن
نص ساعة بالضبط .

وبالعافيه .


الساعة الآن 09:30 .