السلام عليكم..

كيفكم أخواتي
بغيت منكم طلب لعمل مرقة الباميه الثخينه..
من زمان وزوجي نفسه فيها. وأنا ماقصرت سويته له كم مره لكن ماتطلع ثخينه تصير سائله مره..لحد ماقالي اذا المرقه ماتصير ثخينه لعد تسوينها مانبيها

ليتكم تساعدوني ياللي تعرفون

سبحان الله وبحمده سبحان الله العظيم
بصراحه ودي أخدمك لكن ماأعرف الطريقه بالضبطلكن في جاره لنا سودانيه تصلحها تطلع جنان والكل مخبول عليها حاولت أصلح زيها لكن مانفعت الطريقه لما سألتها قالت أكثر كمية البصل وهذا اللي عندي وإن شاء الله البنات يفيدوك
اقتباس مشاركة  (نسمه عطر)
السلام عليكم..

كيفكم أخواتي
بغيت منكم طلب لعمل مرقة الباميه الثخينه..
من زمان وزوجي نفسه فيها. وأنا ماقصرت سويته له كم مره لكن ماتطلع ثخينه تصير سائله مره..لحد ماقالي اذا المرقه ماتصير ثخينه لعد تسوينها مانبيها

ليتكم تساعدوني ياللي تعرفون
وعليكم السلام ورحمة الله وبركاته

حبيبتي راح أقولك طريقة طبخي للبامية وهي الطريقة العراقية

1- نغسل اللحم ونحطه بالجدرونحط معاه 3 روس ثوم ( يعني كمية كبيرة) ونسكر الجدر ونخليه شوي بعدها نقلبه مع الثوم لما ينحمس طبعا بالدهن اللي ينزل من اللحم

2- نخلط كمية من الطماط بس لازم يكون أحمر وراوي بالخلاط ونحطه على اللحم

3- لما يستوي الطماط نحط المعجون بعدها نحط الماي المغلي

ملاحظة لا تحطين الماي على الطماط على طول خلي صلصة الطماط تغلي ولما تحسين إستوى الطماط حطي الماي

4- قبل ربع ساعة من إستواء اللحم بالكامل نحط البامية ونقلبها بالمرق بس أول مرة بعدها نسكر الجدر ونخليها من ربع ساعة لنص ساعة بدون تحريك بس نضيف ماي مغلي لو احتاج الأمر

وهذا كل شيء

طبعا اللي تقرأ الوصفة راح تضحك علي بس اللي عرفته من أمي أهل العراق ما يحطون بهار أو بصل مع مرق البامية وما يخلطون معاه أي نوع من أنواع الخضار حتى ما يروح طعم البامية

أنا كنت شاكة أمي تضحك علي لأني آكل البامية ما أتوقع إنها بدون بهارات بس لما طبختها لريلي وأهله إنهبلوا عليها طبعا أنا ما قدرت لازم أحط فلفل أخضر حار لأني ما أستطعم الأكل بدون فلفل

وسلامتكم



اللهم إني أستودعك ما في رحمي
بنات هذي أول مرة أرد بطريقة طبخ

أتمنى تجربونها وتعجبكم

و راح أطبخها وأصورها لكم خطوة بخطوة



اللهم إني أستودعك ما في رحمي
انا ماحب مرق الباميه مويه احبها ثخينه
ومررررررررره تطلع لذيذه
حطي بصل كثير مقطع جوانح وحمريها بزيت الين تصير شوي بونيه مو كثير
بعدين حطي اللحمه وقلبيها وحطي ملعقه كزبره ناشفه
وقلبي شوي بعدين حطي عليها 2طماطم مخلوطه با الخلاط وقلبي وبعدين زيدي مويه
وخلي اللحمه لين تستوي انا اسويها بقدر الضغط وذا ستوا افتح القدر وانقله لقدر عادي وحط معجون طماطم وملح وحط الباميا وليمون اسود وخليه لين يستوي انا اخليه يطول لاني احب الباميا ذايبه شوي مو كثير وقبل ما قدمها اجيب تاوه وحط زيت وحمر شوي ثوم وحط كزبره خضرا وقلبها بسرعه وحطها مع الباميا وخليها تغلي معها غلوتين وبس با العافيه
يارب تعجبكم ودعيلي ان عجبتك

الله يازمن أول


الساعة الآن 02:20 .