السلام عليكم - حبايب
حياكم ربي جميعا
طبعا الكل مبسوط بالاجازة وينتظرها بكل شوق
حبيباتي فيه كثير مننا يطلع من بيته بالاجازة لمده قد تتجاوز الشهر خاصه السنه هذي الاجازة طويله
وفيه البعض الاخر يرحل كل الاجازة وخاصه اللي موضفين بعيد عن اهلهم
يالغاليات قبل تطلعي من بيتك حرام تتركيه بدون عنايه خاصه لذلك ايش رايك اقولك بعض النقاط
1- قومي بتنظيف بيتك نظافه عامه ودقيقه لانك ماراح ترتاحين نفسيا في الاجازة وبيتك غير نظيف
2- الاسبوع اللي يسبق رحيلك حاولي تستهلكي كل ماهو موجود بالثلاجه (ولا تنسين اذا رحلتي تنظفيها وتخليها فارغه ) والمواد الغذائية الثانيه كذلك
3- اذا كنتي تعانين من الغبار سدي جميع المنافذ وخاصة الابواب ومن الممكن تستخدمي فوط لهذه المهمه
4- فتحات المجلى وغرف التصريف لا تخليها مفتوحه خوفا من الحشرات والروائح
5- الكنب والمجالس والاسره من الممكن تستغلي الشراشف وتغطيها حفاظا عليها من الغبار
6 - تاكدي من صنابير المياه وحكميها جيدا كذلك لا تنسي الغاز
7- ختاما اذا طلعتي قولي (استودعتك الله الذي لا تضيع ودائعه )
هذي بعض النصائح اللي اتمنى من الله ان تحوز على رضاكم وتكونوا استفدتوا منها
ولاباس من فتح النقاش بيننا واضافة المزيد من خبرات عضواتنا الغاليات
وسلمتم
