انا عن نفسي كل الي بالبيت كبار ما شاء الله وما عندي صغار وانا ما احب شي مفرزن

مثل السمبوسه الي افرزن الرقاق

وطبخي برمضان يادوب سمبوسه وشوربه وخبزه

اما زوجي ففطوره برمضان فول وتميس والعيال سارووو مثل ابوهم

وتسير السمبوسه والشوربه والفطاير بعد التراويح والحمد لله

اللهم بلغنا رمضــــــــــــــان جميعا
واعنا على صيامه وقيامه
29-07-1429 هـ, 10:51 صباحاً
 
خواتي عندي اقتراحات وصح اني مب معرسه ولا اشتغل في المطبخ في رمضان
بس عندي أفكار أتمنى انها تساعدكن ومقدما مبروووووووووووك عليكن الشهر الكريم


اقتباس مشاركة  (القمر الحالم)
مشكلتي زوجي يحب الاكل المقلي ينقلى و على طول السفرة
وانا احب اخلص قلي و بعدين اسبح و اصلي
طبعاً ما احب الشغالة تقلي عني
و كل رمضان هاذي مشكلتنا
اختي تقدرين تقلين الأكل قبل الفطور بفترة وبعدين تسبحين وتصلين
وبعدين تسخنين الأكل في الفرن......حطيه في صينية فرن وغطيها
بألمنيوم........

واذا ما قدرتي ، تقدرين تسبحين وتصلين وعقب البسي جلابيه تناسب
المطبخ ولفي شعرج عدل بشيله عشان ما تدخل ريحة القلي فيه
وعقب اغسلي ويهج وادهني جسمج ببودي لوشن أو كريم معطر

وبالنسبه للأخوات اللي يشتكن من تنظيف الصحون والمواعين عندي اقتراح:

هاتي



وصبي فيه ماي وشوية صابون مواعين وحطي الصحون والمواعين الوصخه اللي أحجامها مناسبه
ووقفت الغسيل ما بتتعبين وايد......مجرد تمررين الاسفنجه على الصحن عشان تتأكدين ان
بقايا الاكل كلها راحت

واللي تضطر انها تطبخ فترات طويله، تحاول انها يوم تسوي أطباق في الفرن، ما تطبخ أطباق ثانيه
على الفرن ، لأن المطبخ بيكون حاااااااااااار حتى مع وجود المكيف،،،،،


بالنسبه للسلطات:

مثل عقب صلاة الظهر قطعي مقادير السلطه، ماعدا الطماط، وحطي هالمقادير في الثلاجه بدون
ما تضيفين ليمون أو ملح عشان ما تذبل، والطماط قطعيه آخر شي لأنه يطلع ماي ويخلي باقي
المقادين تذبل خصوصا الخضروات الورقيه مثل البقدونس والخس


واللي زوجها ما يحب التفريز:

سوي كمية بسيطه جدا قبل رمضان وبدون ما يعرف زوجج، خليه ياكل منها ويحكم بعدين
يمكن يعجبه الطعم ويوافق بس أهم شي انج تطلعين السمبوسه من الفريزر من الصبح
وحطيها عقب ما يذوب عنها الثلج في الثلاجه لين وقت القلي


الطبخ عموما:

اذا انتي ما تشتغلين ممكن تقطعين البصل والثوم واللحم والدياي أو السمك الصبح وتخلينه في الثلاجه
أما بالنسبه للزوجه العامله ممكن من الليل تجهزين هالسوالف....واللحوم، عقب التنظيف حطي لها
شويه فلفل اسود وليمون وحطيها في الثلاجه

قرري شو بتطبخين الصبح أو في الليل عشان تنضمنين وجود المقادير وما تستوي خلافات بينج
وبين زوجج يوم تطلبين منه المقادير بسرعه وما يكون عندج او عنده وقت


اذا عجبتج وصفة يديده ما جربتيها من قبل، حاولي تسوينها في الأجازه عشان تكونين مرتاحه وراااااايقه
لأن أغلبية الحريم يعصبن يوم يجربن وصفة يديده مب واثقين من نجاحها ولا تسوين اعلان في البيت عن
هالوصفه عشان ما تلقين طنازه من زوجج او حتى كتاكيتج

الحلويات:

احسن شي الحلى البارد اللي تقدرين تسوينه من الليل وخصوصا ان رمضان هالسنه بيكون حار نسبيا
خصوصا في النص الأول
واللقيمات تقدرين تسوينها قبل أذان المغرب بفترة وتحطينها في حرارة عشان ما يبرد بسرعه

الشوربات:

سوي كمية تناسب يومين أو أكثر وحطيها في الثلاجه، ويوم بتسخنين، تقدرين تضيفين لها شوية ماي
وماجي عشان تبين كأنها فرش، اهم شي تطلعينها قبل التسخين بفترة مناسبه (لين ما تستوي الشوربه
بدرجه حرارة المطبخ، وبعدين سخنيها)

ووووووووووووووووووهذا اللي تذكرته لين الحين


الله يبلغنا جميعا الشهر الكريم واحنا وأهلنا جميعا في أحسن حال
29-07-1429 هـ, 10:59 صباحاً
 
الحمد لله فيه شغاله السمبوسه الفها عند السحور ولقيمات اعجنها عند السحوريبقالى الشوربه ولقلى ولقهوه
29-07-1429 هـ, 11:06 صباحاً
 


الساعة الآن 11:05 .