للصفار لازم دكتور لا تتأخري حرام صحة بنتك امانه

لازم تروحين لدكتور عشان الصفار لاااااااااااااازم وان شاء الله ماتتعذب ولا شي وشي طبيعي المواليد ينامون بس انتي لاتنتظرينها تصحى انتي من نفسك عطيها كل ساعتين ونص او ثلاث ساعات اقرصي اذانها او فكي المهاد وحركيها

يوم كنت بالنفاس بنتي كانت تجيها ايام تنام

تنام 8 ساعات متواصله او اكثر

اول انا افرح انها نايمه ارتاح منها

بس امي قالت مايصلح كذا تجوع بقوه

الافضل كل ساعتين ترضعينها حتى لو نايمه تصحينها

بالنسبه لصفار رضعيها موية محلاة بسكر نبات
يوميا أو مرتين باليوم عادي مامنه شر إن شاءالله
والصفار يجي طبيعي مع الأطفال وينزل سبحان الله مع البول أحيانا ..
وماتشوف شر بنوتك ..

بالنسبه للرضاعه
صار معي تفس الشي وسالت المسؤله عن الرضاعه بالمستشفى
قالت اذا كان نايم ماراح يرضع انتي شوفي الوقت وصحي طفلك
لاعبيه والمسي وجهه واذانه لين يقوم حتى قالت لي لو ماقام امسحي وجهه بمنديل رطب او غيري الحقاظ حتى لو نظيف

اما الصفار
الطبيب يحدد نوع العلاج اذا كان بنسبه عاليه لازم معالجة ضوئيه
اذا خفيف بيعطيك محلول الجلكوز
الجلكوز موجود بالصيدليه انا اعطي طفلي 30 ملم مرتين يوميا
وعرضيه للشمس بالصباح قبل مايصير الجو حار

وماتشوف شر ان شاء الله