الاخت sweeting يمكن بنتج تعاني من بعض اعراض التاخر الدراسي او مشكله معينه تخفيها عنج وهذا هو سبب عدم التركيز والانتباه
حاولي تعرفين المشكله او مثل ما تقولين انها دايما تصدم بالجدار وغيرها من المشاكل الي ذكرتيها فاحتمال البنت تعاني من سوء التوافق مع زميلاتها يمكن مسببين لها مشاكل معينه مثل الاستهزاء من سلوكها وهذا الشي منعكس على نفسيتها
وهذا الشيء عادي بس انتي لازم توقفين معاها لانها مرحله انتقاليه جديده عليها وهي دخول المدرسه والاختلاط بناس جدد
اما مشكله الدراسه والاملاء الي ذكرتيها فحاولي تنمين عندها الحفظ وتنويع في اساليب التدريس
حتى ما تتملل
والابتعاد عن التدليل الزائد لان التدليل الزائد احيانا يكون نغمه ما هو في صالح التنشئه السليمه
واذا بغيتي اي شيء ممكن تراسليني بالخاص

:( حبيبتى sweeting ..... شيك على الحديد بالدم عند بنتك وشوفى نسبته ، كل الأعراض هذه ألى ذكرتيها عند بنتك مع بنتى وبنفس العمر والأعراض وحزنت حزن شديد عليها ، والسبب كله الأنيميا نقص الحديد بالدم ، بعمل تشتيت للذهن وعدم التوازن والأحساس الدائم بالتعب ، وعدم التركيز عليك بالعسل الأسود ( عسل القصب السكر ) ملعقة شاي صباحا ويوميا قبل ما تروح المدرسة .
والله يشفيها ويشفى بنتى معاها اللهم أمييين .

اختي...احياناً يكون عند الطفل فقر دم و يسبب لهم ضعف تركيز في الدراسه.....

نحلل الحاله بالتتدريج/
* اول هناك فرق بين الروضه والمدرسه في كل شي وهذا معروف عند الكل (يعني نقله من الدلع وعدم الصرامه الى الجد واتقان ما يعطى لتلميذ) .
* ثانيا مثل ما ذكرت بعض الاخوات 6كلمات كثير عليها بنسبه لبنت بالصف الاول ابتدائي .
* بعدين لاترهقين بنتك بالمذكره ( فيه فتره للعب)
* لازم تقعدين وتسوالفين معاه وتسألينها ( مين صديقاتك هل تحبين المدرسه ويش الي تحبينه ويش الي تكرهينه يعني اكثري معاه الكلام من دون ما تحس انك تستدرجينها يعني جلست اصحاب من كلامك فهمت انك قريبه من بنتك يعني ماراح تتعبين )
* ترفع قدرات الطالب بالتالي كل ما تلقينه قولي لها انت اذكى بنت في العالم انا اثق انك بتاخذين الدرجه
الكامله ( واقعدي ارفعي من معنوياتما حتى لو ما عطت) احذري ان غلطت توبخينها (ترى هذا رفع المعنويات جربتها مع بنات كسلانات حيل واعطوني نتيجه خيال)
* بين وقت وثاني روحي المدرسه عشان تحس فيك وانك معاها في كل مكان
* لرفع الادراك اعرض عليه اكثر من حاجه وخبيها عنها وقولي لها هل تذكرين الي شفتيه
* اعرضيها على دكتور العيون
*فيه كتاب لطارق السويدان كيف تعرفين ان ابنك ذكي انصحك فيه( مااذكر اسمه من زمان قاريته)
اخير الله يحفظك انت وبنتك:27:

أختي :
عادي بتصور مافيش مشكلة ابني بالصف الأول ولما دخل الأول كان خمس سنين بالضبط وكنت أحزن عليه من كم الدراسة اللي عنده كتير كتير كتب كبيرة وكلها بالإنجليزي .

وصار مشتت وتلخبط ولكن بعد 4 شهور تعالي شوفيه !!! ما بقول الأول ولا التاني ولا التالت بالصف لكن المدرسات مستغربات منه وتطوره .

بتعرفي ملاحظتي : سفر الشغالة بصراحة خلى كل ولادي بصحة أفضل وابني زادت درجاته ما بقول كانت تسوي سحر او أي شي .
لكن كانت تتسلط عليه تنرفزه يعني ابني يشرب حليب فوق 7 مرات باليوم بدال الماء حليب وهي ما تسمح له بغيابي يقوم يعصب عليها ويتهاوشوا تخيلي كذا مرة باليوم بتصيب الولد بالشلل الفكري والعاطفي .

الحمد لله رجعنا احرار ببيوتنا لك الحمد والفضل يا ربي