ابغي مساعدتكم فس هذا الشهر الفضيل
ولا تنسوني خواتي اللي في المنتدي
ا بغي طريقة السويسرول اللي معه قرفة ضروري بكرة السبت
فاهمين قصدي وابغها الطريقة بالتفصيل الممل
وجزاكم الله خيرا

تقصدين السنمون ؟




السنمون

المقادير :
3 اكواب طحين ابيض
ربع كوب زيت
بيضه
ملعقه كبيرة خميرة فوريه
ملعقه بيكنق باودر
كوب سكر
نص كوب حليب بودر
ماء للعجن


الحشو
زبدة طريه
- قرفه -
سكر بني او سكر عادي ناعم
- وتقدرين تضيفين زبيب او جوز


الصوص :

نص كوب سكر بودرة
ملعقة كبيرة زبدة
ملعقتان حليب بودرة
ملعقة صغيرة فانيلا
تخلطين المقادير مع بعض وبيصير الصوص عندك جاهز
طريقه ثانيه للصوص البعض يسوي الصوص من جبنه فيلادلفياا مع حليب نستله المحلى المركز يخلطونهم مع بعض بحيث يصير القوام غلييظ


الطريقه :
- تخلطين المقادير الجافه اولا ثم تضيفين لهاا الزيت والبيضه وتفركين المقادير وبعدين تضيفين ماء العجن ( تقريبا كوب ونص ) المهم انك تضيفين الماء بالتدريج بحيث تتكون عندك عجينه طريه متماسكه ..

- غطي العجينه وحطيها بمكان دافيء خليها تختمر لمده ساعتين الى ساعه ونص اهم شي انها تنتفخ ويتضاعف حجمهاا عندك وترجعين تعجنينهاا وتتركينها تنتفخ مرة ثانيه ..

- على سطح نظيف رشي الطحين واعملي كور من العجين ... افرديهاا على شكل مستطيل
- امسحي على سطحها بالزبده و كثري منهاا لايصير مسح بسيط عشان ماتنشف وبعدين رشي عليهاا القرفه والسكر وان كنتي بتحطين الزبيب او الجوز حطييه ...

- لفي العجينه على شكل سويس رووول وبعدين قطعيه عشان تحصلين على دوائر ملفوفه وصفيهاا بصينيه مدهونه بالزيت .واستمري لين يخلص المقدار الي عندك

- اتركي الصينيه ربع ساعه بعدين دخليهااا الفرن لين تستوي وبعدين طلعيها من الفرن وصبي الصوص عليها وهي ساخنه


وبالعافيه


الساعة الآن 08:09 .