ماشالله الله يزيدك كمان وكمان .. انتي في نعمه فحافظي عليها .. ماتصدقين لو اقولك ان راتب الوالد مايتجاوز الاربعه
ومع ذلك الحمدلله ماشيه امورنا بالرغم ان بيتنا بالايجار وخواتي يدرسون بالجامعات الاهليه غير مصاريف السكن بس الحمدلله
مستوره مثل مايقولون ... معليش طولت معك في الكلام بس كنت ابي اوضح لك انك في نعمه وحافظي عليها والله يزيدك
وعشان يصير في مالك بركه تصدقي بجزء ولو اليسير من اللي عندك
الصفحة الأخيرة
حبيبتي أولا وأهم شئ رضا زوجك وجزاه الله ألف خير اللي خلاك تروحين تداومين وتتركين عيالك للخادمه الرجال أهم شئ تكون زوجته متفرغه له ولبيتها ولأولادها
ترى ماتهمهم الوظيفه الا أذا كان ساعدتيه ولو بالقليل ماراح يتضايق من الوظيفه هو اللحين يعايرك هذا بالبدايه بس بعدين راح يطفش ويوصل الأمر عند حده
حبيبتي أنا ما أقول لاتعطين أهلك بس مهما كان المفروض مايستغلونك يعني أكثر من نص الراتب يروح عليهم
2500 القرض وطبعا هذا بيت أهلك وجزاك الله خير ماقصرتي ساعدتيهم والا لازم يمسكون الفلوس بيدهم والا ماتعتبر مساعده
حبيبتي أنا ماني ضد أهلك بس فعلا أنا أشوف البعض لو مبلغ بسيط وراحت لأهلها راح وأن خلص خوذي منه
والجوال يكلمون فيه ويصرفون عليها ولو توفر طيب من اللي يسدد حرام عليهم يعني الرجال ماعنده مسؤليات
فما بالك بنفسك وأنتي موظفه أكيد بيطمعون فيك أنا ما أقول لاتعطينهم وساعدي زوجك ولا أقول عطيهم وضيقي على زوجك خير الأمر الوسط
ساعديهم وساعديه وبقي لنفسك مو تطيرين فلوسك وبعدين أنتي اللي تاكلينها
يعني حبيبتي أساعد أهلي بس مو على حساب نفسي وأدخل مشاكل مع زوجي والنهايه أنا الخسرانه
ياما سمعنا مشاكل بسبب الوظيفه الرجال ماعليه أذا طفش بدال المره مره ثانيه وأنتي اللي بتندمين
أنا أنصحك نصيحه أهم شئ زوجك
أنا ما أقول عطيه الراتب كله ياما حريم كل فلوسها تروح لزوجها وبالنهايه تزوج وياما ماتعطيه ولا ريال وبالنهايه طفش وتزوج
أنتي أعملي بالمعقول
يعي الحمدلله أهلك حالتهم الماده ماهي ضعيفه متوسطه والوالد أكيد يستلم راتب يعني 1000 ريال حلوة وأذا شفتهم مزنوقين ما أبخل عليهم
وأخوانك معقوله ولاواحد متوظف صدقيني حتى لو كانوا مو بوظيفه لاتعودينهم تضيعين فلوسك على الخرابيط شوفي بالنهايه وش يسون فيها وأذا كانوا مراهقين أانتبهي ياخذون منك وتروح على المعاصي والأثم عليك
وأنتبهي من التبذير أحسك من النوعيه اللي تضعين الفلوس على الكماليات والملابس صدقيني والله الوظيفه هم بهم بهم راح تسألين يوم القيامه عن هذا المال وين راح كل ريال راح تسألين عنه
أكفلي يتيم كل شهر 100 ريال أبحثي عن الفقراء والمحتاجين
وبتشوفين البركه بالمال ومساعدتك لأهلك من البر فيهم
وأنا معارضه لكلام الأخوات فاتورة جوالك أنتي سدديها وجميع أحتياجاتك عليك
والشغاله الراتب عليك سواء قدم هم والا أنتي اللي قدمتي أنا ما أحب المرأه اللي تستغل الرجل مو لها الدرجه الحياه تعاون أهدي له من الراتب خليه يحس أنك ذكرتيه من راتبك ترى الرجال مهما كان يغار أذا كل شئ لأهلك وهو لا
أشتري لأمه هديه من راتبك على الأقل بالمناسبات
أدخل جمعيه لو ب500 ريال مو شرط 1000 وخليها كل 6 شهور تجيك 3000 حلوه ولاتضيعينها على الخرابيط خليها بشئ حلو لو مثلا تروحون لمكه وأنتي متكلفه بالسفره أو الطياره على حسابك صدقيني بيفرح
بين فتره وفتره أنتي قضي للأولاد يعني حسسيه أنك مهتمه شوي أذا الوالدين فيهم أجر حتى الزوج فيه أجر أستغرب من الناس اللي تذكر أجر الوالدين وتنسى أجر الزوج
نسينا أن الزوج أذا توفاك الله وهو راضي عنك دخلتي من أي أبواب الجنه شئت
وحديث الرسول صلى الله عليه وسلم "لو أني أمر لأحد أن يسجد لغير الله لأمرت المرأه أن تسجد لزوجها "
والأحاديث كثيره بس أغلب النساء هداهن الله تفكر أن الزوج تفقرينه وكل شئ عليه عشان مايفكر يتزوج
والزوج متى ما أشتهى يتزوج تزوج لو أنه فقير لكن أذا لقى الراحه النفسيه والرحمه والموده والمساعده أذا مر بضائقه
ماراح يفكر يتزوج
لكن أذا تلفت حواليه وشاف المرأه مشغوله بالعمل والشغاله تطبخ وتنظف وتهتم بالأولاد وهي تسوي أكله وتجهز ملابسه
والراتب بعد للأهل وأدفع فاتورة الجوال زي ماقالوا البنات والشغاله عليك والأولاد عليك لاتدفعين لهم شئ مابقى الا يقولون لك مصروفك عليه
صدقيني ما ألومه لو يعايرك أنصحك نصيحه أقتصدي بالراتب وساعدي زوجك أنا ما أقول عطيه بس يكفي الجوال والشغاله والأولاد لو بالماسبات مافيها شئ هم عيالك مثل ماهم عياله
وأهم شئ أوصيك بالصدقه هي اللي تبارك بالمال
والمشروع أفضل مشروع مشروع الأخره أبحثي عن مسجد وساهمي فيه لو بمبلغ قليل الجمعيه أحسن فكره
لأن فيها ربح أما المشاريع الثانيه تبي رأس مال وماتضمنين الربح فيها وبعدين تجلسين تقاصدين ديونك حقت المشروع وأنتي في غنى عن الأقساط والديون
وأنتبهي من فكرة الكوافيره لأن راح تفتح باب للشيطان وأنت عارفه منكرات الكوافرات وحكم النمص والميش والوصله والى غير ذلك من ترك شئيا لله عوضه الله خيرا منه
وخلي المشاريع الكبيره أذا خلصتي القسط حق أهلك ممكن تاخذي قسط ثانيه وابني شقق أو اشتري بيت جاهز وأجري الشقق هذا أحسن أستثمار ومشروع ناجح بس الأن ماراح تقدرين بتنضغطين أكثر
لكن أهم شئ فكري بالشئ اللي فالأخره تلقينه يسرك أذا عرضت صحايف الأعمال
حبيبتي لاتزعلين مني
وكثرتها عليك بس والله حبيت أنصحك
الله يبارك لك في رزقك ويسخرلك زوجك ويديم عليكم الموده ويصلح لك عيالك آآآآآآآآآآآمين