Analysis Services
السلام عليكم ورحمة الله وبركاته

عزيزاتي سيدات اعمال حواء الموقرات


دايما اشوف موضوع عندي مبلغ مني عارفة كيف استغله ومن هالكلام

بصراحة

ومن الاخر انا عندي فكرة بس ما اقدر انفذها
لعدة اسباب
اولها راس المال
ثانيها انا موظفة خارج الرياض يعني متى اطلع ومتى ارجع ومتى ادير المشروع ومن هالكلام
يعني ما اقدر انفذه
الوقت الفارغ مهو موجود عندي ابد


فاللي حابة اني ابيع الفكرة عليها تراسلني على الخاص

الفكرة تعتبر جديدة نسبيا علينا
غير مستهلكة
الفئة المستهدفة:::

الاطفال

البنات من عمر 5 - 15 سنة
الاولاد من عمر 5 - 10 سنين
منافعها انها تنمي مواهب الاطفال وتلهيهم
تنفع بسوق او ما شابه يعني مكان تحط الام اطفالها فيه وهي مرتاحة وهذا يعتبر ايضا من موانع العمل لدي لانه زوجي ما يرضى باختلاطي بالرجال حتى لو من بعيد

طبعا انا ما سويت دراسة جدوى وما شابه
لكن لو حابة اسويلك بترخص من قيمة الفكرة

كيف تعرفين انه فكرة المشروع انتي قادرة على تنفيذها
تحبين الأطفال مو بس كذا لا تصبرين عليهم يعني حليمة وصبورة وعندك اسلوب للتعامل معاهم

عندك خلفية عن الاعمال اليدوية الخفيفة جدا واذا تبغين ازودك ببعضها مشروحة وموضحة وبخامات سهلة ورخيصة

يكون عندك اقل شي 3 عاملات قادرين على الاطفال

عندك وقت فراغ وودك تشغلينه

والاحلى لو عندك اطفال تقدرين تاخذيهم معاك يعني ابو الشباب ما يزعل



المشروع يكلف من غير ايجار كما حسبته انا من 30 - 70 الف ريال سعودي على حسب طريقتك


اعذروني بنات على الغموض بس والله الفكرة رائعة وتستاهل
وكل ما سألت من امهات العائلة اللي حواليني ومعارفي ايدوني عليه لانهم محتاجين شي ينميهم غير الملاهي
طبعا انا ما وضحت كثير لانه لو وضحت راح تروح علي الفكرة وتصير مستهلكة



اللي حابة وجادة واركز على كلمة جادة تراسلني على الخاص


فكرتي راح ابيعها مكتوبة وموضحة ومنقحة وواضحة جدا وماراح تحتاجي الا انك تقعدي مع نفسك وتقريها كويس وتنفذيها على ارض الواقع ب 20,000 ريال قابلة للتفاهم والاخذ والعطا


حتى الاسم موجود والديكوريشن وكل شي بس ما عليكي الا تدفعي وزي ما قلت فوق لو تحبين دراسة الجدوى اعملها لك بسعر مميز جدا

ولو حابة راسليني عالخاص للتفاهم
02-07-1429 هـ, 10:11 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


الساعة الآن 12:13 .