ترى من خانت ابوها تجي للزوج وتخونه

والله والله هي حقيقة كل حب كاذب ومنهج كل شاب او (ذئب) يبحث عن علاقه غير شرعيه عبر اي وسيلة اتصال فالنهايه حزينه


إلى من يسحر اعقول البنات بدقة الجوال =بصوتن عذب والمنظر يخوف من يشوفونه

أخذ كامل صفات الغدر واصبح وصفه المحتال =يسوي مايشوف اللي على شكله يسوونه

شغل وقته بتضغيط ألأزره بأكثر ألأحوال = يخون الناس مايدري يجي يوم ويخونونه

يدق ولا سمع صوت البنات أيجهز الموال = يهل احلى كلام وكل من مثله يهلونه

لعب في راس بنتن عايشه بالصد وألأهمال =أهلها تايهين وبنتهم بالحب مفتونه

أهلها واثقين وبالثقه زادو لها المكيال = تراهم ساعدو للذيب في نابه يحدونه

تلاعب بالفريسه خاينن في سمه القتال = يبين للكلام الحلو في شكله ومضمونه

خدع بنت العرب بأقواله اللي تغري الجهال =وعدها بالزواج وحطها في داخل اعيونه

أخذها بالرسايل وإتصال وفيه كيف الحال=واحبك واعشقك والبنت تعشق من يقولونه

بعد مده درسها واختبرها واصبحت في البال = وخلاها تحبه واصبحت بتموت من دونه

بعد مده خذاها بالتحايل والطف ألأقوال =يقول ابغى اشوف اللي غدت فالقلب محضونه

ترانا بنتزوج بس أشوفك نبني ألأمال = نبي نجلس سوى والكل منا يشوف مضنونه

ونجح خطته بأسلوبه اللي قمت ألأذلال = ضحك في عقل من كانت بحبه دوم مشحونه

تلاقو واللقاء مابينهم فيه الغرام أشكال = لفى الشيطان بأفكاره وهم راحو يطيعونه

بعد حفظ الشرف باعت شرفها مابقى مجال = غدر فيها وراحت من سهام الحب مطعونه

وراحت لأهلها والدمع يكسي خدها همال = خانتهم من سبايب جهلها بالذيب وفنونه

خذت مده وصاحبها غيابه عن وصاله طال= تبيه ايجيلها خاطب يصحح غلطة اجنونه

ولكنه تركها بعد ماحقق هدفه الضال = تركها في بحور الحزن وألأهات مسجونه

بعد مده عليه ابتتصل وبقمت ألأسفال =يرد وكنه اللي ماغدر في بنت مصيونه

وقالت له تعال ارجوك خلصني من الزلازال = أخاف احمل واموت وقيمتي بألأرض مدفونه

ورد بعجرفه ثم قام يعطيها من ألأمثال =ترى من خانت ابوها تجي للزوج وتخونه

وفارقها وخلاها ببحر الحزن والترحال =وهاذي حالت اللي حبهم لأهداف مكنونه

بعد مده على البنت الحزينه زادت ألأحمال =بعد مابان فيها حملها والبنت مجنونه

نهاية عمرها ماتت بذل وقمة ألأذلال =نهاية كل بنتن طايعه للذيب وفنونه



منقووول من ديوان الشاعر عايض ابوشيبه:mad: