اقتباس مشاركة  (رهوفة)
والله انا مثلك ,,


عندي طموح في اشياء كثيرة بس ما لقيت الدعم المعنوي والمادي
احب الاشغال اليدوية ,, وابدع في الميك اب اما التسريحات على خفيف
ما احب استشور ممكن اسوي التسريحة بس اكثر شيء اموت على
الميك اب ,, فتح المشغل صعب ,, وفكرة اني اجيب الزباين للبيت اصعب
وفكرة اني اروح لهم لبيوتهم مستحيلة ,, الزمن تغير وصار يخوف

نفسي اكون مدرسة >>> اتمنى
بس للحين مالقيت مع ان تخصصي مطلوب لكن كله بالواسطة حسبي
الله عليهم ,, ومايطلعون وظايف الا خارج الرياض ,, وانا متزوجة وما اقدر
اسافر برا الرياض ,, والمدارس الاهلية مايعاملوني بحسب قسمي يعاملوني
اني معلمة عندهم وبس وكأني شغالة , مرة رحت مدارس الحرمين وسويت
درس تطبيق وحضرت لي واحدة مسئولة مصرية حسبي الله عليها ,,
انا متأكدة من قدراتي والكل مدح شرحي وتطبيقي ايام التطبيق الحمدلله
حتى لما كنت بمدارس اليمامة درست عندهم فترة وبعدها تعبت من طلعة
الدرج والاسياب مرة طويلة واضطريت اتركهم كانوا متمسكين فيني مرة ومسكوني
مباشرة سنة ثالث ثانوي ,, ولما جيت الحرمين المصرية قامت تكسر من مجاديفي
وتحسسني اني مو شي بس احنا قبلناك عشانا حاسين انك رح تكونين افضل
من كذا وعشان تتوظفين وتستلمين راتب كأني اطرّ من عندهم وكانت تقاطعني
وانا اشرح تبي تشرح بدالي ولا ارتحت لكلامها ومعاملتها وتركت المدرسة مع ان
المديرة الله يهديها سعودية كان بإمكانها تعين اي واحدة سعودية مسئولة عن
مقابلة المعلمات ,, والله المستعان الله يرزقنا من واسع فضله
الله يرزقك الي تتمنين يارب وربي يعوضك خير بس لاتيأسين رغم كل الصعاب وربي كريم
04-07-1429 هـ, 04:08 مساءً
 
اقتباس مشاركة  (تعبانة من عيالها)
حبيبتي مافي احد مرتاح في حياته لا الموظفة ولا العاطلة
احنا الموظفات مرتاحين ومو مرتاحين الله يعين بس
بس انا اشوف انو الوضع الطبيعي للمرأة هو وضعك انتي تقعد في بيتها وزوجها يصرف عليها
الله يوفقك للي تتمنين
صادقة والله بس كمان الحاجة للاهل والزوج مو حلووووه خاصة وقت الزعل وربي كريم تسلمي على المرور..
04-07-1429 هـ, 04:10 مساءً
 
اقتباس مشاركة  (رهوفة)
صادقة اختي تعبانة ,, الوضع الطبيعي نقعد بالبيت
وازواجنا يصرفون علينا ,, بس الوضع الحين تغير
كل الدنيا صارت غالية,, وقعدة البيت صارت مملة
لازم الوحدة تساعد زوجها في لقمة العيش ,,
على الاقل تقدر توفر متطلباتها ,, الله المستعان
الله يرزقنا وكل من يبغى من واسع فضله ولا يحوجنا
لأحـــــــــــــــــد أبــــــــــــــــــــد
صادقه رهوفه والله كل شي سار نار وتحسين ماشاء الله الي عندهم رواتب مبسوطين وعايشين واحنى ولا كأنا درسنا قهرررررر والزوج ايش حده المسؤليات من كل مكان فعلا انا كمان نفسي اساعد زوجي واحس بقيمتي ربي كريم
04-07-1429 هـ, 04:12 مساءً
 
اقتباس مشاركة  (ام صلوووحي)
وش رايك انا متزوجه ومو متزوجه يعني امعلقني لااني مطلقه ولاا متزوجه ولاا يصرف علي وعندي منه ولد حسبي الله ونعم الوكيل فيه ولاا يصرف عليه الاا 300 ريال بسسسسسسسس غيرها مافيه ياخذه يوم محدد تبغون يشتري له شي يجيبه في ايده شي ابد مثل ماراح يجي ولاايقول ال300 تكفي وزياده حسبي الله ونعم الوكيل فيه وانا اهلي هم الي يصرفون علي بس والله احرراج ومو كل مابغيتي يتوفر لك يعطونك وانا والله ابغي اشتغل ويكون لي مصرووف بس عشان اخذ حريتي اخلع الي مايخاف ربه حسبي الله ونعم الوكيل فيه واصرف علي ولدي وماابغيه يكون محروم من كل شي والله ساعات اقول ياليتني ماتزوجت ولااجبت الولد هو يشقى وانا اشقى بس شنقول مكتوب وعلي الوظايف ماتجي الا بالواسطه رغم ان شهادتي دبلوم حاسب ومرغوب بس شنقول مافي واسطه
الله يرزقنا ويرزق الجميع بالوظيفه الي تغنينا عن الحاجه امييييين
يارب يعوضك خير ويرزقك الوظيفة الي تعينك والله كسرتي خاطري ان شاء الله البنات يساعدونك بس اكتبي مؤهلاتك وربي كريم غلاي
04-07-1429 هـ, 04:13 مساءً
 
اقتباس مشاركة  (داليا للهدايا)
طيب انتي ما حددتي ميولك ..

ولو بغيتي رأيي ..

مافي مثل العمل الحر والبيزنس والمشاريع ..

اهي اللي تخليك عيشين حياة كريمة بدون تدخل أحد .
بس اختي داليا ماتتوقعين ان اي مشروع يبيله راس مال وانا مابي ادين زوجي وهو مديون خلقه كيف اجيبه او من وين؟؟
04-07-1429 هـ, 04:15 مساءً
 


الساعة الآن 08:18 .