السلام عليكم ورحمة الله وبركاته..

اخواتي الغاليات:

بعد ماتخرجت من الجامعه وجلست افرفر من دوره بدوره ودبلوم للثاني وتجميع الشهادات على الفاضي

قلت ليه ما افكر بمشروع صغير يفيدني واشغل نفسي فيه واستفيد..

لكن واجهتني مشكلة الاهل ولا فكره قبلوها

الزبدة آخر فكرة طرحتها انقبلت وهي اللي ابي رايكم فيها ..

انا افكر اسوي كتاب طبخ لكن بطريقه مختلفه عن كتب الطبخ الثانيه وخايفه ابوح بالفكره وتروح علي..

المهم لي فترة اصور الاكلات اللي اسويها على اساس مايبقى علي الا مرحله الترتيب والكتابه..

اسئلتي:

1_ هل تعتقدون الفكره راح تكون ناجحه ومربحه او لا ؟

( خصوصا ان النت الحين بضغطه زر يجيب لك كل شئ مو مثل اول )

2- وش احسن دار نشر ؟

3- الصور اغلبها مصورتها بالجوال هل تنفع ولا لازم اشتري كاميرا معينه للتصوير ؟؟

4- هل اكتب كل الطبخات اللي اعرفها ولا تنصحوني بقسم معين اركز فيه عن الباقيات؟؟


تكفون يابنوتات محتاجه رايكم .. اكتب الكتاب !! ولا الفكرة قديمة ومالها سوق !!

وابي تصويتكم اللي ماتبي تكتب رد تصوت بس الله يوفقكم

افيدوني ولكم مني خالص الشكر والتقدير..

اختكم :

لولونونو
04-07-1429 هـ, 04:42 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم اختي . اهم شي في اي مشروع الفكره حتى لو المشروع مكرر . فكري بشي جديد ماهو موجود في كتب الطبخ . اتمنى اكون افدتك وبالتوفيق
04-07-1429 هـ, 06:15 صباحاً
 
امممممممم ماني عارفه بالظبط كيف لكن انتي لو شايفه انها راح تمشي سويها والله يوفقك حتى لو فشلتي اول مره مو معناها ان الطريق مسكر قدامك شغلي مخك ولا تتوقفين حبيبتي خذي نصيحة وحده مجربه

الله يوفقك اختي وييسر لك كل دروبك
04-07-1429 هـ, 06:23 صباحاً
 
والله ياأختي احس إن الناس صارت ماتشتري كتب طبخ ، أنا كنت مولعه بكتب الطبخ وكسبتهم لكن بعد إنتشار الطبخات بالأنترنت والله ماعاد اشتريت ولا كتاب والله يكتب لك الخيره
04-07-1429 هـ, 06:27 صباحاً
 
فعلا معد صرنا نشتري كتب ...لاطبخ ولاغيرها بس عندي لك فكرة برسلها لك عالخاص
04-07-1429 هـ, 09:29 صباحاً
 


الساعة الآن 07:22 .