السلام عليكم ورحمة الله وبركاته

من يعرف طريقة العجينة الي بداخلها دارسين؟
cinamon

ولي يسلمك لا تبخلون علي , والله يوفقكم ان شاء الله
شكرا
اختي دلوعة عندي لك طريقة انما ايه................. تاكلي اصابعك وراها وسمويها وان شاءالله تعجبك
المقادير:
2 ملعقة كبيرة خميرة
نصف كوب ماء دافئ
نصف كوب حليب دافئ
ثلث كوب سكر
ثلث كوب زبدة
1 بيض
1 ملعقة صغيرة ملح
ثلاثة ونصف الى اربع اكواب طحين
الطريقة:
ذوبي الخميرة في الماء الدافئ +الحليب الدافئ في وعاء للعجن
ثم اضيفي السكر + الزبدة +الملح + البيض واستمري في الخلط
ابداي باضافة الطحين تدريجيا الى ان تحصلي على عجينة طرية لا تلتصق باليد واعجنيها لمدة 5 دقائق
****مهم**** لا تضيفي الطحين مرة وحدة وانما تدريجيا لان ممكن تحتاجين مثلا 3 وثلاثة ارباع الكوب.
غطي الوعاء بالنايلون او القصدير وغطيه ببطانية و اتركيها تخمر في مكان دافئ.

لعمل الدونت : افردي العجينة وقطعيها بقطاعة الدونت واقليها بزيت غزير ورشي بالسكر
لعمل لفائف الدارسين :اقسمي العجينة السابقة الى نصفين وافردي القطعة على شكل مستطيل وامسحيها بالحشوة اللي ساذكرها وبعدين لفيها مثل السويسرول ( يعني تلفينها من الضلع الطويل ) و بعدين بسكينة حادة قطعي اللفة الى قطع متساوية عرضها 2 سم او اقل وضعيها في فرن 400 درجة فهرنهايت الى لن تتحمر
حشوة الدارسين: 2 ملعقة كبيرة زبدة + ربع كوب سكر + 2 ملعقة صغيرة دارسين
اما خلية النحل تاخذين كور صغيرة من العجينة ( كل ما كانت اصغر كل ما كانت احسن ) وتحشينها باي نوع جبن تحبينه ، انا افضل جبن ابيض سعودي وتصفينهم في الصينية على شكل خلية النحل واخبزي في الفرن ولم تطلعينها من الفرن صبي عليها عسل وبالعافية ولا تنسينا بالدعاء في هذه الايام
مشكووووووووورة أمل ما قصرتي اول ما أجربها أرد عليج مشكوووورة حبيبتي تسلمين
السلام عليكم و رحمة الله وبركاته
أختي أمل ما أضبطت معاي العجينة صارت يابسة مو حلوة
دلوعة البحرين..
هلا اختي..
هذي طريقتي بالسنمون ..
بالخلاط حطي مايلي:
كاس موية دافيه
ملعقه أكل خميرة
ربع ماس زيت
3ملاعق سكر
ذره ملح
واذا تبين حطي 3 ملاعق اكل حليب بودره والا مهوب لازم..
تخلطينهن بالخلاط زين
وبعدين تجيبن العلبه اللي تبي تعجنين فيها..وتكبين اللي خلطتيها بوسطها..تمام!!
اللحين حطي بالضبط كاسين ونص دقيق واعجينيهن يمكن تحتاجين اكثر شوي الين تتماسك معك العجينه..غطي العلبه وحطيه بالفرن(طبعا مهوب مشغل) وبعد ساعه ..
تفردين العجينة على السطح اللي تبي تسوين عليه
وبعدين تعرفين(اي كانت بيليف اتز بيتر) معناه مااصدق انها زبده هذي تباع صناعتها امريكيه ..استعملها للسنمون رول أو استعملي الزبدة العادية اذا ماحصلتيها..
تجين وتدهنين العجينه اللي فردتيها من هالزبده..
وبعدين تخلطين سكر بني وسكر عادي وقرفه بصحن وترشين على العجينه المدهونه بالزبده..وتحاولين تفركينها بيدك علشان تدخل الخلطه وتلزق بس مهوب بقوه علشان ماتتشقق العجينه..
لفيها شوي شوي وبعدين قطعيها وصفيهن بالصينيه..ولاتدهنينها من فوق ماتحتاج..وغطيهن شوي ربع ساعه او نص وبعدين شغلي الفرن عليها من تحت وفوق..انتبهي لاتتحمر مره من فوق بس اشقر علشان تطلع لك لينة..
وبعدين اذا طلعتيهن ..اخلطي بالخلاط شوي حليب نستله وشوي جبنه فلادلفيا او كريم تشيز..كل واحد على حسب الرغبه اذا تحبون نكهه حليب النستلة خليه اكثر واذا تحبين نكهه الجين خليه اكثر انتي حطي وذوقي ..يعني مثلا نص علبه نستله مع نص جبن..
وبعدين صفي السنمون بالصحن واغرفي بالملعقه من الخلطه علشان ماتنصب كلها وتصير كثيره..اغرفي وحطي فوقها..
وقدميها مع القهوه تطلع تهبل..
بامريكا يحطون الخلطة التالية..
علبة جبن فلادلفيا..وملعقة حليب بارد..وسكر بودره وشوي فانيليا..تخلط بالمضرب وتوضع على السنمون..
أو كاس سكر مطحون مع ملعقتين حليب بارد..
بس انا افضل الحليب النستلة مع الجبن..
اتمنى تعجبك..




الساعة الآن 01:44 .