Analysis Services
مابزيد على الاخوات
وربي ييسر الدروب للجميع ويحفظكم من كل شر
07-07-1429 هـ, 09:44 صباحاً
 
حبيبتي شوفي عندك مايلي :

1- اذا كانت الرحله طويله وتحتاج اكل كثير سوي :

كيك شوكولاته ساده بدون كريمه-كيك فانيلا- بسبوسه -معمول تمر -بيتزا -ورق عنب +كب كيك صغير
هذي اذا استوت كلهم تعبينهم بعلب البلاستيكيه وتكون بكميه كبيره تكفي الرحله

2- عندك الاشياء اللي ماتبيت يعني لازم توكل بنفس اليوم :

ساندويتشات التونه بالمايونيز والخس والبصل لذيذه -شاورما الدجاج -ساندويتش كودو - تورتيلا - لبنه -علبه جبنه مقاس كبير - كيس خبز كبير -خيار طماطم -ساندويتش الاجبان بانواعها حلوم وغيرها

شاهي +قهوه بترامس كبيره +اكواب ورق مو بلاستيك لان تسبب سرطان
عصيرات منوعه معلبه داناو او نادك او المراعي بالجالونات طبعا

ولاتكمل الرحله بدون التسالي خاصه اذا فيه اطفال شبسات +شوكولاته +مصاصات الخ....
+ملاعق +سكين بلاستيك +صحون صغيره بلاستيك للغرف او لوضع لكل فرد ساندويتشات والكيك وغيره +اكياس زباله صغيره

واتمنى اني اكون خدمتك وتستفيدي من اللي كتبته
07-07-1429 هـ, 01:02 مساءً
 
انا اسوي اسوي قهوة وشاهي واسوي حلا ومعمول وفطاير وسندويشتات شاورما وكب كيك ...
07-07-1429 هـ, 03:16 مساءً
 
طيب يا أخوات ممكن تحطون وجبات خفيفة وما تسمن
لأنها صعبة قبل الصيف نخفف من الوزن
وإذا سافرنا ما نوصل إلى ورجع الوزن الزايد كله
والله أحس نفسي أسمن مره بعد السفر لأن بصراحة طول الطريق
أكل فطير وكيك وحلى
فياليت إلي عندها شي يفيد للي ما يبغى يسمن تكتبها لنا ولها كل الشكر
وأنتي أختي صاحبة الموضوع بارك الله فيك على هذا الموضوع فكرة رائعة
07-07-1429 هـ, 03:54 مساءً
 
حنا مانسافر الا وقت وجبه سواء غداء والا فطور يعني ازين بالبييت شاورما او سندوتشات كودو او تورتيلا او تونه او او .....


احب اكل بالطريق


وناخذ قهوه وشاهي ... والباقي انزل انا ورجلي واتقضى شوكولاتات وشيبسات ههههههههههههههههه هذا بعد الغدا


وبالنسبه للاطفال مدري انا ماعندي الا ولدي ابو سنه اللي يحفظه لي واخذ له بسكوت او زبادي الفواكه وبسسسسس
07-07-1429 هـ, 05:59 مساءً
 


الساعة الآن 03:07 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏