Analysis Services
يا طويلة العمر
القهوه هرري نحمسها حمسه وسط هذا اللي نفضله بالبيت
بعدين نقيس كمية المويه في غلاية القهوه ونضيف لها شوية زعفران وأخليه يطبخ مع المويه لين تغلي بعدين اضيف القهوه واقصر النار على اخر شي
واخليها لين تقول ارحمييييييييييييني كل ما طولت على نار هاديه كل ما صارت تعدل الدماغ

يعني تقريبا من 15 دقيقه لين 20
نجهز الزمزميه واحط فيها 3 ملاعق صغيره هيل مطحون
لاكن الهيل يكون لسى مطحون هذا السر في القهوه الهيل تطحنينه وقت الاستعمال لين طحنتيه وحطيتيه عند بعلبه يفثل وما يصير له طعم
بعدين تشخلين القهوه في الزمزميه وتخلينها شوي 10 دقايق بعدين عليك بالعافيه
08-07-1429 هـ, 03:56 صباحاً
 
اهم شي انكم لما تحمسون القهوه ماتطحنون كل الكميه يعني اطحنوا حسب اللي يكفيكم لاسبوع او اثنين , لان بعض الناس يفرزنونها مطحونه كلها وهذا غلط ياخذ من ريحة القهوه وطعمها .
اما بقية الخطوات فالبنات ماقصروا بخبراتهم . وعليك بالهيل الدرجه الاولى والزعفران الاصلي احنا نطحنهم سوا ونحطهم بالترمس ونصب القهوه فوقهم علشان الزعفران يتبخر طعمه وريحته مع الطبخ . وهذي اسرار قهوتنا
08-07-1429 هـ, 04:15 صباحاً
 
في وحده دوسريه قهوتها حلوه تقول تحوس البن هرري مع مستكه وشيبه بس مدري قد ايش كمية المستكه والشيبه الي تعرف تعلمنا الله يوفقها
08-07-1429 هـ, 05:49 صباحاً
 
حبيبتى ريحى عمرك من الحمس فيه اسواق السنبله اذا كنتى من الرياض عندهم قهوه مطحونه جاهزه اسمها البهار او بهار الدوادمى تجيك مكيسه رهيبه وفيه بهار عند العطار اسمه الببهار القصيمى يجيك بعلبه غطاه ازرق هو فيه زعفران وكل شي


طريقتى هى احط مويه فى ابريق القهوه الى اعلى الفتحه من جوه حقت ابريق القهوه <<<<فهمتى

ولازم تخليها فوق 10 دقايق تطبخ بعدين حطى ملعقه من البهار القصيمى ويطبخ معها وجيبى الزمزميه او الدله وحطى ملعقه هيل مطحون مع شويه عودى وصبى القهوه عليها وسلامتك
08-07-1429 هـ, 05:59 صباحاً
 
ايش نوع الزعفران الكويس يابنات؟
08-07-1429 هـ, 08:17 صباحاً
 


الساعة الآن 12:31 .