قصه ولادتي في مستشفى سعد المادي

بسم الله الرحمن الرحيم

اهلين اخواتي انا اول مره اكتب في هذا المنتدى الغالي

وما كتبت الا من حر ما فيني وابيكم تاخذون حذركم من هذا المستشفى النصاب اللي للاسف منغشين فيه

كان اول حمل لي وانا ساكنه بالرياض وبالشهر التاسع رحت لاهلي بالشرقيه وسويت بحث في النت عن مستشفى سعد وكان الكثير يمدحه وفيه كذا وحده سبته بس ما صدقتهم

وسألت صديقاتي قالوا تراهم يستعجلون على العمليات وحذروني منه بس انا للاسف ما صدقت كلامهم

وقلت مو معقوله هاالمستشفى الفخم يكون محتاج هالقرشين

وتوكلت على الله ورحت لهم وكملت التاسع ولافيه بوادر ولاده لاطلق ولاغيره

وقالت لي الدكتوره حسبي الله عليها لازم طلق صناعي تخيلوا مالي الا يومين داخله العاشر
والطفل وضعه سليم وطلق صناعي ؟!!!! والله ماكذب عليكم دكتورتي اللي بالرياض قالت لي لازم تسافرين لاهلك بدري لان ممكن تولدي مبكر لان الطفل نازل للحوض من الشهر السادس يعني باختصار كل شي سلييييم الحمدلله
قلت انا بكر وطبيعي اطول قالت صبر يومين او ثلاثه وكل وحده اقولها تستغرب اللي تقول ماولدت الا بعد اسبوعين من العاشر واللي اكثر واللي اقل بشوي
المهم طلعت عذر بالغصب عشان اسوي طلق صناعي وحددته الخميس مع اني مالي الا 6 ايام في العاشر
ورحت الخميس كان عندهم زحمه واجلوه الى الجمعه
ورحت لهم على الموعد وكشفت علي الدكتوره المناوبه الله يجزاها خير وقالت انتي فيك طلق خفيف امشي ساعتين يمكن ماتحتاجين طلق صناعي وفعلا انفتح الرحم عندي 3سم وانتهت مناوبتها بعدين عطوني طلق صناعي على الساعه 7 المغرب وانفتح الرحم ماشاء الله الى 9 سم من بكره الصباح يوم كشفت الدكتوره المناوبه الثانيه فرحت تحسبه 10 سم بعدين قالت 9سم مايصلح لازم 10 بالظبط وقال الدكتور لازم عمليه عشانك طولتي بالطلق واحنا مانعرف حجم الحوض عشان اول طفل لك!!!!!!! (بالله عليكم هذا سبب مقنع للعمليه)))))
انا من التعب والالام وافقت وولدت بعمليه والحمدلله على كل حال

والمفاجأه الي خلتني اصدق انهم حراميه فعلا يوم راجعت الدكتور بعد اسبوع وكشف غلى الجرح قال زين ماجاك التهابات لان لك 3ايام بالطلق الصناعي !!!!!!!!!!!
ولحظتها انصدمت اثاري الدعوه كلها لخبطه في لخبطه اثاريهم يظنون من يوم الخميس بالطلق وانا اساسا ماكملت 24 ساعه بالطلق
يعععني باختصار انا صرت ضحيه اخطائهم ونصبهم حسبي الله عليهم
والي زاد الطين بله نظامهم الجديد الطفل يكون معك بنفس الغرفه !!!!!!!!!!!!!!!!!
تخيلو عمليه ويجيبون الطفل من الصبح يوم اشتكيتهم قالو تشجيع على الرضاعه الطبيعيه !!!!!!
والحضانه مافيه ممرضات الحين !!!
تخيلو ثاني بعد الولاده خلو البنت عندي غصب علي واستفرغت البنت وقعدت تكح وانا من التعب ماقدرت اتحرك من مكاني واناديهم ولا يجون بسرعه والله رحمت نفسي

والله صارت نفسيتي زفت وصرت ادعي عليهم كل وقت الله لا يوفقهم ولا يحللهم

معليش يابنات طولت عليكم بس والله قصدي احذركم منه بالذات الحامل البكر لانها ماتعرف وماعندها خبره

يابنات لا يغركم منظره الكشخه والفخم
اللهم بلغت اللهم فاشهد.