جزاكم الله خير
الله يعينك .. أنا بـ أعتبر نفسي من طباخات المنتدى وبجاوبك

سوي نوعين حلا قهوه قبل بيومين مايضر شوفي لك في منتدى الحلويات نوعين واعمليهم

وقبل بيوم سوي صوص السلطه بعد مايضر.. وقطعي خضار السلطه بعد الخس وابشري الجزر بس لفي كل نوع بورق المطبخ وفي علبه مايضره قبل بيوم.. ولفي ورق العنب او السمبوسه او المحاشي اذا ودك تسوين

صباح يوم العزيمه نظفي البيت ومن المغرب بيكون حلى القهوه جاهز والمقبلات بعد مافيه الا القلي بس
وابدي عاد سوي الرز او المكرونه او اي طبق رئيسي في بالك

بيكون بس عليك تسوين القهوه مع الطبق الرئيسي
والا كل شي جاهز..

اقترح عليك سلطة الطبقات انا اسويها قبل بيوم اقول لك الطريقه:

جيبي صحن التقديم وحطي طبقة خس (اللي مقطعته امس وحافظته كويس) طبقة خفيفه لاننا بنعيد الطبقات
المهم طبقة خس بعدين رشي عليها رشة ملح طبقة جزر طبقة ذرة ارجعي عيدي الطبقات خس - جزر - ذره
بعدين الصوص اللي مجهزته قبل بيوم يصير اطعم بس أحفظيه بعلبة بلاستك محكمة الأغلاق
الصوص : ( علبة زبادي + 3 م ك مايونيز + 2 م ك طحينه + عصير ليمونه + ملح + فص ثوم)حطيه على وجه السلطه وزينيها بعيدان بطاطس الجاهزه ولا خبز مقلي (ممكن تقلين كميات وتحفظينها بالفريز مايضره)

وممكن تسوين سلطه ثانيه سيزر : خس تخلطينه بصوص سيزر من كنور (الطريقه على الغلاف) وعلى الوجه توست محمص( 5 حبات توست تشيلين الأطراف وتدهنينها من الوجهين زيت زيتون ورشة زعتر وتقطعينها مكعبات وتحمصينها بالفرن لاحد مايصير لونها ذهبي)
وقطع دجاج ( ممكن تجيبين 3 حبات برجر دجاج وتقطعينها مكعبات وتقلينها وتحطينها عل وجه السلطه أسهل لك)
بس أخلطي الخس مع الصوص وحطيه بطبق التقديم وحطي الدجاج وفوقه حطي مكعبات التوست

المقبلات مثل ماقلت ورق عنب وسمبوسه ممكن سبرينق رول وكبه ومحاشي (كوسه وباذنجان) اللي حافرتها وحاشيتها قبل بيوم بس وحطيها بالقدر بالثلاجه اذا جاء يوم العزيمه سوي الصلصه ( طماط وماجي وملح وفلفل حار وفص ثوم مع مويه في الخلاط) صبيها على المحشي وحطيه على النار ساعه الا ربع ولا ساعه الا هو جاهز


ممكن طبق ثاني كرات البطاطس سويها بعد قبل بيوم :
حشوة الفطاير العادية (دجاج مفروم + خضار مشكله)
بطاطس مسلوق ومهروس مع شوي زبده وفلفل وبهارات ورشة ملح
صلصه بيضاء ( علبة قشطه + 3 ملاعق كبيره جبن سايل + بيضه)
حطي الحشوه في الصينيه الزجاج البايركس وكوري البطاطس على شكل كرات صغيره فوق الحشوة (بحجم صفار البيض )
غلفي الصينيه وحطيها بالفريز
يوم العزيمة طلعيها المغرب.. اذا جاء قبل العشاء بنص ساعة حطي عليها الصلصه البيضاء وعلى الفرن لحد ماتتحمر..
لذييييييييذه وسهله وتعتبر طبق جانبي



الطبق الرئيسي اعملي رز أسهل شي بالحياة

وحلا العشاء سوي حلا الكاسات مع كريم كراميل أو أم علي اعتقد يكفي وحطي جح وشمام بما اننا صيف او فواكه صيفيه كل الخيارات متاحة لك

وطبعا مثل ماقلت حلى القهوه سويه من اليوم الاثنين مايضره

طبعا لاتنسين ترتيبات السفره من مناديل وملاعق وهيك جهزيها وحطي كم نوع عصير جاهز مع خبز أسمر وابيض

تمنياتي لك بعزيمه موفقه


و اذا في بالك اي سؤال او استقريتي على منيو معين عطينا فكره عشان نساعدك
عضوة في عالم حواء من أحدى عشر سنه 11
8
سبحان الله وبحمده سبحان الله العظيم
الله يعينك انا مااحب الجمعات
الله الله 13 سنة ماقد طبختي مو معقوووووووولة

وش كنتي تسوين معليش حبيبتي اعذريني بس ابد ما اتخيل حرمة كذا


الساعة الآن 10:33 .