السلام عليكم ورحمة الله

اخوااااتي ابي فزعتكم يارب جعلها للجنه اللي تفيدني

انا ابي اشتري اطباق تقديم للفطائر وملاعق وشوك

يعنى ابي ارمي اغراضي اللي بالمطبخ لان كل صحن شكل ولون

ولاعندى اطقم تقديم كل ما رحت اشتري احتار وش احسن نوع

وارخص بعد

يجوني ضيوف والله انى استحى اقدم لهم في اطباقي

احيانا اخذ من جارتي توها عروس

ابيكم تكتبون لي الاطباق واطقم ثلاجات القهوه والشاي والفناجيل

والدارج هالايام والتباسي كل شي خاص بالتقديم

اكسبوا فينى ثوااااب
10-07-1429 هـ, 03:04 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
نصيحه لوجه الله لا تاخذين طقم سفره ملون أو مزخرف ألحين الدارج أبيض ساده مثل المطاعم والبوفيهات يطلع أكشخ ويناسب أي عزيمه ويقعد سنين من دون ما تغيرين وجيبي سخانات تدوم سنيييييييين عندك سواءا كبار أو صغار اللي معها بايركس من محلات الأواني مثل السيد والخنبشي وباخشوين أو روحي ساكو موجود فيه سخانات صغيره اللي معها بايركس ...

وترامس القهوه خذي صيني نفس الألماني يقول صاحب المحل أخذت الألماني ترمس شاي وقهوه ب400 ريال وشريت طقم ثاني صيني من نفس المحل نفس الشكل تقريبا ونفس الحراره والطعم ب130 ريال والله حرام صاحب المحل نفسه أمين قال مافيه فرق بس قلت أجرب الطقمين وفعلا ولا فيه أي فرق ( المحل هو السيد للأواني) خذي لون فضي ما يخرب ويضل عندك وقت طويل ....

الشوك والملاعق والسكاكين خذي طقم كامل في شنطه ستل ستيل أصلي نقش ناعم وكشخه يضل عندك أكثر من 10 سنين إسألي مجرب .......

نفس الشي الفناجيل والكاسات في أطقم كامله بالدرزن شفافه ومنقوشه بفضي من عند السيد ورخيصه وأحيانا يجي معها جيك مويه وأكواب من 350 ريال إلى 500 ريال ونفس الشي يضل سنين بس طلعيهم إذا جاكم ضيوف ( للبيت أستخدمي غير أغراض الضيوف طبعا )........وأي خدمه حاضره ....بالتوفيق
10-07-1429 هـ, 04:03 مساءً
 
الله يسعدك يارب ويبارك فيك ويحقق لك كل اللي تتمنيه

ويرزقكك بالذريه الصالحه اللي تسعدك وتفرح قلبك

بغيت اسالك بالنسبه لترامس الشاي والقهوه وش الافضل

اللي تصب بعد الفتح

ام الضغط اللي فيها زر

ربي يحفظك ويخليك
10-07-1429 هـ, 04:43 مساءً
 
الله يجزاك كل خير على هالدعوه الحلوه اللي تفتح النفس ، أنا عندي اللي تنضغط من نهاية الغطاء أفضل من اللي تفتحينها وتصبين وأسهل حتى يكون لما تصبين يكون موزون مايكون قليل أو كثير ........ وخذي فضيات ستيل وعلى الشرط تصبين فيهم مويه حاره وتخلينها ليله كامله لو من بكرى ماصار بارد وكان حار أو دافي معناته زينات ومايبردون وأي سؤال لا تستحين بالخدمه........
12-07-1429 هـ, 02:59 صباحاً
 


الساعة الآن 06:03 .