السلام عليكم ورحمة الله وبركاته

كيف حال بنات حواء السنعات

الموضوع وما فيه ابي اعرف

(1)
وش نوعية الشاهي اللي تفضلين شربها وتشترينها دايم لبيتك ؟



(2)
وش هي مميزات هالشاهي اللي خلتك ما تفضلين أي نوع ثاني عليه ؟


(3)
المويا اللي تسخدمينها في تصليح الشاهي وش نوعها هل هي من الحنفية ولا صحية ؟



وأنا اول من يجاوب


(1)
وش نوعية الشاهي اللي تفضلين شربها وتشترينها دايم لبيتك ؟




انا افضل شاي لبيتون ورق مو تلقيمة


(2)
وش هي مميزات هالشاهي اللي خلتك ما تفضلين أي نوع ثاني عليه ؟


احب نكهته وما يروق راسي غيره وطريقتي في تصليحة بالترمس ( الزمزمية )
احط اول شيء السكر واحط عليه شوي مويا واحركه لحد مايذوب بعدها احط الشاهي والنعناع واصب المويا لحد
ما يمتلي الترمس واحرك الورق لحد مايخدر الشاهي واسكره واخليه 10 دقايق بدون ما صب وبعدها الطعم ولا في الاحلام خخخخخخخخخخخخخخ



(3)
المويا اللي تسخدمينها في تصليح الشاهي وش نوعها هل هي من الحنفية ولا صحية ؟




أنا استخدم ماء من جهاز التصفية اللي سعره الف ريال اللي يركب تحت مغسلة المطبخ في 4 صفيات على الكهرب يشتغل , وكل ست شهور يجي العامل يغير الفلتر معروف ومنتشر يصفي المويا ويطلع طعمها احلى وانظف من موية الصحة والشاهي ما يسود مع هالمويا ابد وكل ما ذاق الشاهي حقنا انهبل على طعمه مايدري ان السر بالمويا اكثر منها بالشاهي نفسه هههههههه




اللي تعرف شاهي غريب ولذيذ تنصحنا فيه تقول لنا نجربه
انتظر مشاركاتكم
12-07-1429 هـ, 06:50 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الشاي المعتمد اكياس شاي ليبتون
مميزاته : احبه والمحبه من الله خخخخخخخ امزح احسه طعم وسهل الإستخدام افضل من التلقيمه
المويه المستخدمه : مياه صحيه يعني قوارير مو تقولي اسراف لا يكفينا انا وزوجي بس وبنتي ماتشرب لسه صغيره (قصه حياتي )
12-07-1429 هـ, 06:57 صباحاً
 
اقتباس مشاركة  (yoreta)
الشاي المعتمد اكياس شاي ليبتون
مميزاته : احبه والمحبه من الله خخخخخخخ امزح احسه طعم وسهل الإستخدام افضل من التلقيمه
المويه المستخدمه : مياه صحيه يعني قوارير مو تقولي اسراف لا يكفينا انا وزوجي بس وبنتي ماتشرب لسه صغيره (قصه حياتي )
طلعتي خويتي من ربع الليبتون ههههههههههه

اول انا مثلك ما استخدم للشاهي إلا مويا صحية لأن المويا من الحنفية يطلع طعم الشاهي الله يكرم النعمة وبسرعة يسوووووود
لكن من ركبنا الجهاز افتكينا من الغثاء واحسه طعم الشاهي من موية الجهاز فرق عن المويا الصحية احلى بكثير ما ادري اش السبب ولا يسود ابد ابد

منوووووووووووورة
12-07-1429 هـ, 07:03 صباحاً
 
الشاي المعتمد اكياس شاي ليبتون
12-07-1429 هـ, 07:38 صباحاً
 
انا اختلف عنكم
استخدم شاي ربيع ورق طبعا
لاني لاحظت ان الورق لويقعد بالترمس 5 ساعات مايسود ولا يصير مر بخلاف الليبتون بسرعه يخرب الشاهي ولازم تشيلين الورق
والمويه اللي استخدمها صحيه لانها اضبط مع الشاهي والقهوه
12-07-1429 هـ, 08:53 صباحاً
 


الساعة الآن 12:45 .