خواتى مليت من قعدت البيت صارلي اربع سنوات وما حصلت وظيفة

وخاطري افتح محل للخياطة العبايا والشيل

يعنى انا اخيط عند فير ليدي والعباية 240 درهم

وفيه نا س يخيطون العبايا نفس الخامة ب 130 درهم

والحين فيه محل بلوليدي خماته احلى والناس عادي يشترون الشيل حت ب 1000 درهم

بس انا بفتح المحل في منطقة بعيدة عن المراكز وهاي المنطقة فيها تقريبا 4 خيايط بس للعبي والشيل

وانا ما عندي راس المال

اريد اعرف من وين اشتري قماش العيايا والشيل

وكم خياط احتاج وكم ماكينة
وكم معاشاتهم
وعلى اي اساس اختار الخيايط

افكر اخذ محل بسيط واجرة رخيص

ممكن هاي الفكرة تنجح
وفيها ربح ولا خسارة

يا ريت الى عندها مشغل او خياط تنصحنى
وأَخْرَجوني مِنَ الدُّنيا فَوا أَسَفاً"" عَلى رَحِيلٍ بِلا زادٍ يُبَلِّغُني
وَحَمَّلوني على الأْكتافِ أَربَعَةٌ "" مِنَ الرِّجالِ وَخَلْفِي مَنْ يُشَيِّعُني
وَقَدَّموني إِلى المحرابِ وانصَرَفوا "" خَلْفَ الإِمَامِ فَصَلَّى ثمّ وَدَّعَني
صَلَّوْا عَلَيَّ صَلاةً لا رُكوعَ لها "" ولا سُجودَ لَعَلَّ اللهَ يَرْحَمُني
وَأَنْزَلوني إلى قَبري على مَهَلٍ "" وَقَدَّمُوا واحِداً مِنهم يُلَحِّدُني
وَكَشَّفَ الثّوْبَ عَن وَجْهي لِيَنْظُرَني "" وَأَسْكَبَ الدَّمْعَ مِنْ عَيْنيهِ أَغْرَقَني
فَقامَ مُحتَرِماً بِالعَزمِ مُشْتَمِلاً "" وَصَفَّفَ اللَّبِنَ مِنْ فَوْقِي وفارَقَني
وقَالَ هُلُّوا عليه التُّرْبَ واغْتَنِموا "" حُسْنَ الثَّوابِ مِنَ الرَّحمنِ ذِي المِنَنِ
في ظُلْمَةِ القبرِ لا أُمٌّ هناك ولا "" أَبٌ شَفيقٌ ولا أَخٌ يُؤَنِّسُني
فَرِيدٌ وَحِيدُ القبرِ، يا أَسَفاً "" عَلى الفِراقِ بِلا عَمَلٍ يُزَوِّدُني
حبيبتي احلى عيووون
تصدقين انك تفكرين نفس تفكيري
انا بعد ابغى افتح محل للعبايات
يعني جالسه افكره وابغى اشياء مميزه
يالغاليه ما احب احبطج بس بقولج تجربة وحده اعرفها فتحا محل شيل و عبايا...المكان كان مب مشهور لانها هي استرخصت في الاجار تقريبا 16 الف السنه...و اشترت الخامات من سوق الجمله مال الاقمشه في بر دبي..و يابت خياييط بس الديزاينات ما كانوا يضبطونهم..يعني صعب تلقين خياط يتقن الخياطه و في نفس الوقت يمشي على الديزيان و يسوي تطريز حلو..و اذا حصلتي بيطلب راتب عالي..و احيانا نسبه بعد مع الراتب.. المهم...بعد ما انفتح المحل..العبايات كانت في نفس مستوى محلات العبايات الثانيه 150 و فوق...بس الناس لانهم يشوفون المحل صغير و مب في مكان مشعور..ما يبغون يدفعون هالسعر يبغون ارخص..و بهاي الطريقه كان صعب تغطي فلوس الشغل..سعر الخامات و الاجار و بيزات الدائره الاقتصاديه و معاشات اللي يشتغلون عندها..و فوق هذا تبا تسوي ربح..اخر شي خسرت و بندت المحل
لان الحريم في الامارات و الخليج عموما يبون مااااااااركااات..ماي فير ليدي ماركه على قولتهم...يبغون محل في سنتر..و اسم لامع.. ما بيون يشترون من محل صغير الا الوافدات بس بعد بيشوفون السعر غالي..
اوكي و اذا بتفتحين محل في سنتر...اقل اجار سنوي هو 70 الف درهم في السنه من غير الاشياء الثانيه..و هذا لازم مبيعاتج تغطيه...
المهم حبيت اعطيج فكره مفصله عن الموضوع..و ان شاء الله ما اكون حبطتج..بس هذا اللي بيصير من الناحيه الواقعيه...
و السموووحه
الين القلوب عند بعضيها مثل ما يقول المثل

sticky
الصراحة اتحبطت انى مستحيل افتح محل في سنتر هاي مجرد فكرة وعبال ما جمع فلوس المحل يبالي سنة او اكثر

انا كنت اريد افتح محل راقي يعنى شوية ديكور وخياطين وبائع لين ما يمشي المحل

ما دري فكري على قدي
لا و الله بالعكس ممكن تفتحيين في مكان عادي مب شرط مركز تجاري

لانه مب كل الناس تفصل عند هاي المحلات

و لو تنزليين السوق و تشوفببن بتلقين المحلات الثانية ماشية و الزباين عندهم مزر المحل

مثلا عندج محل في منطقة السطوة اسمه فدا هاذا المحل متخصص في بيع الليس و الازرار و عنده م قسم في شيل و عبي و الشغل مالهم مظبوط و تلقين زحمه عندهم الصراحة انا جد فصلت عنده عباه و فصلها لي هاذاك التفصيل الغاوي و باحس الخامات و بعدين اكتشفت كمن وحده من ربيعاتي يفصلون عنده ( و هن ماشاء الله عليهم ما يلبسن الا من المحلات الراقيه ) الصراحة تفاجات انهم يخيطون عنده



و كمن مره تلاقيت ويا بنات من الدوام يفصلن عنده

و بعد عندج في نفس المنطقة محل اسمه الطيبون صاحبته فلبينية متزوجنها مواطن و شغلهم وايد حلو و عندها ديزاينات حلوة للشيل و مقبوله

و الكثير من المحلات لو بعد لج

بس بشكل عام شغلهم نظيف و مرتب و الخياطة مرتبة و الخامات نفس مال المحلات الغالية


الساعة الآن 01:15 .