الله يعطيكم العافيه على المرور........



الله يجزاك خير نور الدرب نادي بنات كل الحارات والضيعات....بس تجبين الطريقه صح
عزيزتي
هي مو طبخة حمصية هي طبخة حلبية طيييييييييييييي ييييييييييييييي ييييييييبة كتير وأنا بساويها عطول لأن أهل أمي من حلب يعني شاطرين بهالاكلة
المهم البيتنجان محفور بالطبع والحشوة هي كالتالي
برغل خشن مو تبع الكبة يلي أخشن منو وأحيانا بيكون في برغل خشن متل الفريكة بيكون لسه أحسن
بتحطي البرغل بمقلاية عالغاز وبتحمصيه على نار هادية حتى يتغير لونه منيح وبتحمصيه بدون سمنة هيك لحالو
بعدين بتفرمي بندورة ناعمة وفلفل أخضر ناعم وفلفل أحمر ناعم وبقدونس وبتخلطيهن مع بعض وبتحطيلهن لحمة مفرومة وسمنة أو زبدة أو دهنة يلي بتحبيه
وآخر شي بتضيفي عليهن البرغل بس ضيفي البرغل شوي شوي وحركي مشان ما تحطي كمية برغل زيادة لأن لازم البرغل يبين كتير خفيف لأنه رح ينفش بعد الطبخ مو متل حشوة الرز بتشوفي الرز كتير فهمتي علي
وبعدين بتحشي البيتنجان وبتحشي البيتنجانة كلها مو متل الرز بتتركي منها شوي يعني بتضلي تحطي حشوة على قدر ما توسع
ومشان الحمص نحن ما بنحط له حمص ومابعرف كيف بينضاف مسلوق لما لا ماعندي فكرة
ومشان المقادير يعني فيكي تقولي شي 3 كيلو بندورة و3 حبات فلفل أخضر ومتلها أحمر وبقدونس شي 3 ضمات وكاستين شرب برغل
أنا ما بستخدم عيار بالنظر
والمرقة يلي رح تطبخي المحشي فيها حطي لها توم مدقوق ونعنع ناشف وحمض واذا عندك سماق ناعم حطيه بالمي وصفيه وحمضي المرقة فيه بتطلع جنااااااااااان
شهيتيني هالاكلة صحة وهنا وخبريني كيف طلعت معك واي استفسار انا حاضرة
يسلمووووووووووو وايديك


الساعة الآن 11:35 .