السلام عليكم يا بنات

الله يخليكم انا محتاره موووووووووووت .. دكتورى بيولد فى عبد القادر فهمى و كليوبترا

وانا نش عارفه اولد فى ميين فيهم .... ناس تقول عبد القادر وناس تقول كليوبترا

بس انا عاوزه مواقف ..حد ولد هناك فعلا

انهى احسن

الله يخليكوا ردوا عليه ان محتاره مووووووت وقلت مليش غيركو

للرفع
lمبروك قرب ميعاد الولادة يا ندى
ربنا يقومك انت و البيبى بالف سلامة و تفرحينا معاك قريب

بصى يا حبيبتى انا ولدت مرة واحدة و كانت تجربة مريرة مش مجالها الان ربنا يبعدها عنك و عنى و عن الجميع
و لم تكن فى احدى المستشفيتين اللى ذكرتيهم

لكن انا دكتور النسا بتاعى المرة دى قالى انة بيولد فى عبد القادر فهمى و الامريكى و مركز الحياة فى الكربة
دول الاماكن بتاعت مصر الجديدة و هو شكر جدا فى عبد القادر فهمى و قال ان رعاية الاطفال هناك ممتازة

و من تجربتى الشخصية مع مستشفى كليوباترا كان ابن اختى هناك للعلاج من حوالى سنتين
هما اعتقد عندهم تجهيزات كويسة لكن بصراحة كانت ملاحظتى ان التمريض مش ممتاز يعنى مش وحش بس مش ممتاز

انت هتولدى عند مين انا الدكتور بتاعى اسمة عهدى وهيب و عيادتة فى شبرا
ابقى طمنينى
ريناملاك
دلووووعة امها

جزاكى الله خيرا للرفع حبيبتى

ريناملاك

شكرا عى ردك يا جميله انادمتورى أسمه عبداللطيف سويلم وعيادته فى العباسيه امام مسجد النور

ما شاء الله عليه شاطر قوى

انا كان نفسى أولد فى الامريكى جدا بس هو للاسف مش بيولد هناك

انا برده اختى ولدت فى عبد القادر ما شاء الله من 6 شهور كده بس انا كنت حاسه ان الامريكى احلى

دلوقتى دكتورى بيقولى انه بيفضل كليوبترا

وانا الصراحه قلقانه قوى لانى سمعت عن حالات تلوث فى كليوبترا


ربنا يستر ان شاء الله


بس انا فعلا خايفه
حبيبتى اولا ربنا يقومك بالف سلامه و ما تقلقيش من اى حاجه كل حاجه بالاستعانه بربنا بتتظبط خالص
انا ولدت اولادى الاتنين فى مستشفى عبد القادر فهمى دكتورتى اسمها منيره جاد و عيادتها فى روكسى
طبعا نسيت اقولك انى ولدت المرتين قيصرى
اول مره كان من حوالى سنتين و نص كان كل حاجه ممتازه المستشفى و العياده و التمريض خيال بس تانى مره مكنش الممرضات كتير و مكانش الاهتمام زى اول مره بس بصراحه يمكن السبب لانه انا ولدت ليله العيد و انتى عارفه بقه ليله العيد فى مصر
اما كليوباترا فطبعا تجهيزاتها ممتازه و اكيد اغلى فى السعر لكن بصراحه معنديش فكره عن مستوى التمريض هناك لانى ما جربتش
طبعا فيه مستشفى فوق الوصف خيال خيال خيال فى المهندسين اسمها الصفا بس طبعا انا عارفه انك مرتبطه بالدكتور بتاعك
طمنينا عليكى و ربنا معاكى
اللهم بارك لى فى اولادى و اجعلهم قره عين لى و لوالدهم و اصلحهم و ارض
عنهم يا كريم


الساعة الآن 07:40 .