سلام لكل الاخوات .......

اكيد كل وحدة دخلت اتكون عارفة ايش هوه القشيد ؟ اعتقد يسمونة بالكويت ( ميدم ) لكن باتلسعودية مانسويه
انا ذقته اكثر من مرة وعجبني (نوع من الاسماك ) فالامارات
وبخاطري اتعلم طريقتة
بس ابغى الطريقة الي على اصولها لاني اعرف انه مو اي وحدة تعرف تضبطه

يالله همتكم يا بنات الامارات اسالوا امهاتكم واستناكم





****لله من عيوني بسألج الوالدة وبخبرج .. تراني أحب أكله من ايدها لاكني ما أسويه

اسبق كل حد واقووووول:-
المقادير:-
سمك (ولد الولد/عوال)
ملح/كركم/زنجبيل/لومي يابس/بزار/فلفل أخضر(حسب الرغبة)

الطريقة:- يقطع السمك ويغسل جيداً ويفور ساعة ونص في الماء+الملح والكركم ثم يوضع في المصفاة وينظف بإزالة الجلد والعظم ويعصر جيدا ثم توضع عليها المقادير المتبقية وتقلب باليد وليس على النار وقبل التقديم بعشر دقايق يوضع على النار.
أنااااااااا وصلت.. وانتي تامرين بسسسسسسسسسسس

هلا أختي.. توني سائلة الوالدة عن طريقة القشيد الروعة..

شوفي تاخذين سمك ( العوال ) وفيه كم نوع غيره بس والله نسيت أسألها عن أساميهم بس الغالب يسوون العوال..

المهم تقطعينه وتفورينه بماي وكركم بس.. أول ماتشوفين تطلع الزفرة بدلي الماي يعني صبي القديم وحطي غيره وخليه لين يلين السمك..

بعدين تشيلينه وتفتتين لحم السمك بدون العظم والجلد.. وبعدين تخلطين السمك بالبهارات مثل الكركم عشان اللون.. والبزار وملح..

ألحين حطي شوية زيت بس قالتلي لو بالسمن بعد أحلى والريحة ماعليها كلام.. وتحمسين بصل مع اللومي الأسود المحمس وممكن تحطين ثوم يطلع حلو.. وبعدين السمك المفتت مع بهاراته واخر شي الكزبرة المقطعة.. وعدلي من البهارات..

وفيه ناس يحطون شوي من صلصة الطمام لاكن الوالدة ماتحطي.. وبس ..

قدميه طبعا مع العيش الأبيض والسمن والليمون أمممممممممم روعة والله شهيتيني فيه ألحين

ونسيت أقولج بعد اذا عندج زايد من السمك المشوي.. فتتي السمك بدون الجلد والعظم.. وسوي نفس الطريقة بعد يطلع حلو..

وطبعا هذي طريقة الوالدة الله يخليها بس عن جد روعة ولذيذة

جربيها وخبريني بالنتيجة

اختي نور جده بصراحه امس كانت عندي مشكله في الردود.. و كنت برد عليج بس يالله..
الاخت المسافره ما قصرت يابت نفس الطريقة اللي اسويها..
بس الفرق انا ما احط كزبرة عشان في جشيد العوال
احطها بس جشيد السمك الباقي.. حتى صلصة الطماط لو انحطت مع العوال تخرب طعمه يطلع مثل الصالونه...

يعطيكم العافية بنات


الساعة الآن 05:28 .