زوجي والخيانة كيف اصارحة؟

الأسرة والمجتمع

السلام عليكم اخواتى العزيزات كيفكم ان شاءالله تمام
بنات اليوم صارلى موقف لااحسد علية واتفاجات ان زوجي فكر بالخيانه بس بصراحه مادري كلم او لا لسه ماعرفت وباقولكم المشكله وابيكم تعطون الحل لان راسي بينفجر من التفكير
قبل يومين زوجي كان عنده عمل بالشرقيه لمده يومين وزواج بالبحرين لصديقة وسافر ولما رجع بعد مانام كالعادة اللي فيني جلست افتش كل شي بجوالة بس مالقيت شي وفرحت ويافرحة ماتمت صحيت الصباح وهو نايم قلت بارسل صور من جواله على جوالى وافتح البلاتوث وياليتني مافتحته لقيت مغير الاسم اللي فيه وحاط رقم جواله هذي اول صدمه ثاني صدمه سويت بحث عن الاجهزة والاقي في القائمة حقت البحث الاسماء القديمة اللي ارسلها بلاتوث ومن بينهم واحده اسمها نوارة البحرين واحلى البنات وو....... وغيرة مره انقهرت والمشكله قبل كم شهر اتخاصمنا على موضوع الرقم في البلاتوث يقول مادخلك انا حر ومالك صلاح اسوي اللي ابيه وانا حطيته رقمى عشان لما يرسلو اصحابي يعرفون انه جهازى
اللحين وش الحل معه اصارحة اني لقيت هالشغله بجواله ولو صارحته راح يعصب وماراح اوصل معه لحل ابد ولا اطنش السالفه مع ان مقهورة منها انا فكرت اني اقوله ارسلي صورة من جوالك وهو اكيد راح يشوف القائمة ويعرف اني عرفت واساله انت ليش غيرت اسمك بالجوال غريبه واخذها باستهبال وبعدين اقوله انا كمان ارسلت من جوالك صورة اليوم مادري انتم اش رايكم:(
40
3K

يلزم عليك تسجيل الدخول أولًا لكتابة تعليق.

تسجيل دخول

wissalmed
wissalmed
اولا اختي هدا يقولون له تجسس رغم انه زوجك لا تكوني شكاكة تاني شئ لا تبحتي عن المشاكل فبدل ان تبحتب عم منه هي نوارة البحرين ولا غيرها ابحتي عن اسباب تجلب زوجك اليك وتجعله ينسى اي فتاة غيرك والله يوفقك
امـ مـنـصـووور
نفس المشكله انا تهاوشت معه على الرقم في البلوتوث

وابشرك امس سوا لي مفاجاه مطلع رقم جديد الاخ

وانا مااقول كذا عشان ازيد همك بس

عشان تهونين عليك طنشي بس عشان يرتاح مخك
ورده الجوري2007
اختى مو تجسس بس اذا زوجك مو قد الثقه لازم تبحثين وراه وانا مو جالسه ابحث عن المشاكل والله بس قمة القهر انك تشوفي زوجك يكذب عليك وماتسوين شي
ام منصور جزاك خير على المرور وفعلا الرجال عنيد ويعاند زيادة اذا كشفناه ولا ليش الرقم تبع البلاتوث يكون برقم جواله الا اذا بنيتة انه يرقم البنات شي يرفع الضغط
wissalmed
wissalmed
الله ييسر لك يا اختي بس ادا تهاوشت معه قد تصل الامور الى ما لا تحمد عقباه
( قلب صافي )
( قلب صافي )
شوفي غير اسمه وحطي كلمه مؤثره مثل استغفر الله او رجل عظيم او ابو فلان
وخليك ساكته وهو راح يفهم
الله يهديه للخير والصلاح