مبررروك الــــــعرس يا شقحــــــه << ولله وتحقق مونايا

السلام عليكم << احم احم بصير ذربه

يعني موضوعي هذا مافيه صياح ونياح لالا ابد كل كلامي ينقط ذرابه

مادريتااا << مادريتم


احم احم مــــلكت وعرسي عقب 5 شهور ههه



الله يبارك فيكم


واخيرا راح اغني وانا مبسوطه


ولله وتحقق موناياا


تجيكم السالفه من بدايتها


الله يسلمكم ويسمنكم ويقلعكم << لا عيب شقوح مو تعاهدنا تصيرين ذربه

احم العذر والسمووحهه امسحوها بيور فيس <<< اخص يالعنقرش مقطعها تقطيح وين العنقريزيه عني


هذا الله يسلمكم كان عندنا عرس قبل مده


حظرت العرس وشقيح على سنقه عشرة كاشخه بس لو وش تسوين لو يعملون مكانيكه بوجهك


ما تتغيرين لو يسون لك ورشه شقيح شقيح جيكره لو وش يصير


ماطولها وانا اترزز عند الحريم واتميسس واهلي بهذي ابي سوقي يقوم

قام حظه القوم تلغفه جتني فيه

مدري ليش على طاري العرس طرت على بالي رسالتن مرسلتها وحده من خويات اختي عليها تقول فيها يمالها الصلاح

يركض غلاك بوسط قلبي وروحي <<

ركض (شقيح ) اللي سمعت *& طاري العرس &*

حتى خويات اختي يعرفون بهبالي << وانا اشوف ليه ماعرست قبل ماعلينا ربي عوضني خخخخخ


.. وكان في وحدتن نفس اسمي بالعرس


طبعا هي شررق وانا غررب


المراد رجعنا بيتنا وهالله هالله

ورحت لبيت عمي عقبها بسبوع وكانت اخت مرت عمي مسيره عليهم


وجايه معصبه وزعلانه


طبعا انا والبنات كنا جالسين بغرفه جنب الصاله وطبعا فصله وضحك ومدري وشو

بعدها جتنا مرت عمي وكنها متضايقه

وتتشرهه : افا وانا امك ياشقيح تملكين وانا اخر من يعلم هذا وانا مربيتك ومنومتك بحظني وعادتك وبحسبت بناتي

طبعا انا فرحت ومنصدمه بنفس الوقت


انا انا انا

تزوجت هيااااااااااااااااا طبعا مع نقزه خفيفه ضربت بالسقف

ادى الى تصدع خفيف مع تحطم مروحه البيت

ماعلينا والقايمه تطول


نقزت ولبست عباتي >> صدقت انها تزوجت

حتى اني كنت امشي شوي شوي من الفرحه


رحت للبيتنا وكانوا خواتي متجمعات جايبين كيك وحلاو وخرابيط

بمناسبه نجاحي واخذت الشهاده بيمناي

فاصل ردح واغاني

(( شقوحه لاعدمناها .. اخذت الشهاده بيمناها ))


احم احم كنت ارقص مو من فرحه الشهاده من فرحه الخطبه


قلت ماني صايره مطفوقه .. واقول من خطبني او بالعربي منهو هو زوجي

قلت بصير تكانه وسوي نفسي كأني متفاجأه ومادري عن الخبر

المرااد

مر اول يوم وانا مغير سرحانه واسمع لام كلثوم

وهيمانه وماني يم الدنيا ومغير واقفه قدام المنظره امشط شعري


واجلس تحت نخله بيتنا اغني .. واقصد

وثاني يوم بديت ارسم صورة زوجي واتخيله

ثالث يوم ضاقت علي الوسيعه ابي اعرف من هو بعلي المصون

ياربي متى يقولون المهم

طلعت قلت خلونا اطلع من بيتنا واروح اسير على جيرانا


رحت لبيت جيرانا وانا عند الباب طلع شايب ابو جيرانا

يقول : مبرووووووووك ياشقيح مبروووك

وانا مستحيه الله يبارك فيك

ياربي مسرع انتشر الخبر الناس كلها عرفت يؤؤ بيكثرون الحساد

قلت الله شعور جميل احد يبارك لك ولا يقول ولله فرحنا لك

مالكم بالطويله


المراد خلصت من بيت جيرانا ثم عودت ورحت بيتنا ماطولها وانا بنت راعي الحرشا

وانا صاعده درج بيتنا ولا اسمع امي تكلم ابوي : هااه ومتى العرس
ابوي : عقب خمس شهور



رحت ركضت وانا اغني

يازين زوله يوم جاء وخطبني .. من زود حبه بكر بالعرس حيل << محرفه بالقصيده

رحت لخواتي فوق .. بسحب الكلام منهم

انا يوم دخلت والابتسامه شاقه الفم

انا : بناات ماسمعتوا خبر مني مناك
خواتي: ليه محد قالك
انا: واجلس والعب بقذلتي لا محدن قال وشو << ياعيني يالبراءه اللي ماتعرف
شمه: حددوا العرس
انا: من غير لا عرف المعرس طيب
خزنه: وليه تعرفينه مو لازم
انا: مو انا العروس
الكل: ههههههههههههههههههههههههههههههههههههههههههههههههههههههههههههههههههههههههههه\

شمه : يابقره حددوا عرس خالد اخوك

انا : هاااه وانا

خزنه: انتي انطر ياحمار لين يجيك الربيع

انا: والناس ليش تبارك لي

شمه: يمكن لانك تخرجتي من الثانويه

قمت : وانا اصيح لالالالالالالالالالالالالالالالالا وعشت بوهم

رحت من القهر عفست شعري وحلالاه بس البليكريم اللي دهنتك فيه

ونزلت تحت عند امي والدخان يتصاعد من نافوخي

انا : يمه انا احتج
امي: حججوك ومالقوك وعلى ويش تحتجين
انا: على عرس اخوي خلوه عقب سنه
امي: بالفنجال هفتني على طول


رحت تحت الدرج وانا ابكي.. من القهر .. متى متى يارب متى اعرس

جتني فيهم الخطاطيب ياما يجينا واحدن مروح ولا مايجينا احد


طبعا ماقول لكم عن الصدمه حاطه نفسك عروس وبالاخير ولا انتي من جنبها


يالله الحمد لله على كل حال يرزقني ربي بأخير منه لعلها خيره وانا مادري << كنه خطبك احد عشان يرزقك ربي اخير منه

ونشوفكم بموضوعن اخر


مع تحيات عانس عالم حواء المنتظره


شقيح بنت بطيح

جااااااااااااااااااو جااااااااااااااااااااااااااااو