يابنات انا كل مره أسوي عجينه العشر دقايق وماتضبط معاي ياريت وحده تكتب لي المقادير بالضبط انا الي سويتها حطيت فنجان قهوه سكر وكوبين مويه دافيءو2ملعقه خميره تركتها عشر دقايق وحطيت الدقيق مقدار 2كوب ونص كوب زيت وطلعت رقيقه معاي لما جيت اشتغل فيه غير انثر الدقيق علشان تضبط مومعقوله ثلاث مرات تطلع نفس النتيجه ترى بديت أفقد أعصابي من هالعجينهوانتم عارفين رمضان على الابواب ونبي نخلص بسرعه علشان نعطي العباده حقها
22-07-1429 هـ, 03:57 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياحبيبتي حطي 3 اكواب دقيق

واستخدمي الدقيق الكويتي روعه

ولاتنسين ان الكاس المذكور هو كاس جبن كرافت 240 اضن

وهذي طريقتها من صاحبة العجينه ام عزيزان الله يعطيها العافيه

بالاول تخلطين المرحله الاولى وتتركيها عشر دقايق وراح يكون شكلها سائل اشوي

فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه .... انا احط ملعقة خميره بس


وبعدها تحطين مقادير المرحله الثانيه عليها

3 كاسات دقيق /نصف كاس زيت

وتبدين تعجني فيها ... بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء ...

ممكن تجهزي حشواتك ... ومنها العجينه راح ترتاح اشوي

رشي على السطح اشوي طحين واخذي قطعه من العجينه وابدي افرديها ثم شكليها مثل ما تبين

اخفقي بيضه ... وامسحي المعجنات بالفرشه ... راح تعطي المعجنات لمعه حلوه ... ومنها ممكن نرش سمسم او حبة البركه او سماق او غيره ... لان البيض يساعد بتثبيتها

بعدها اتركيها ربع ساعه حتى تتفخ اشوي ودخليها الفرن على درجة 180 وراح تاخذ من الوقت 20 دقيقه تقريبا ... او اقل .... افتحي الفرن من تحت بالاول وباخر عشر دقايق افتحي الفرن من فوق لما تتحمر

طلعيها من الفرن وخليها خمس او عشر دقايق وبعدها حطيها في صحن التقديم وغطيها (بالرول الشفاف )حتى تكون طريه معاج الوقت كله ...
22-07-1429 هـ, 04:14 صباحاً
 
اختي هدي طريقتي وان شاء الله تعجبك : 3ملاعق حليب _ 2ك ماء _ فنجان سكر _ نصف ك زيت _ ملعقه صغيره خميره فوريه

تتركينها لمده عشر دقائق وبعدين تضيفين لها 4ك دقيق _ ملعقه كبيره باكنج باودر _ ملعقه ملح
وادا تبغينها قليله حطي نصف الكميه وان شاء الله تعجبك
22-07-1429 هـ, 04:17 صباحاً
 
انا جربت هالعجينه مرتين

مرت زانت معي ومره خربت
22-07-1429 هـ, 04:25 صباحاً
 
مشكوره أخواتي على ردودكم طيب ماعليش أسالك سؤال أختي العنود أنتي قلتي المرحله الاولى فيها 2 ك دقيق والمرحله الثانيه فيها 3 ك دقيق يعني عدد كا سات الدقيق على كذا خمسه صح أو غلط ياريت توضحي لي أكثر الله لايهينك ويوفقك يارب
22-07-1429 هـ, 07:01 صباحاً
 


الساعة الآن 12:27 .