السلام عليكم ورحمة الله وبركاته

كيفكم حبايبي بنات عالم حواء

لأنكم سيدات أعمال ما ودي أعطلكم راح أدخل بالموضوع على طول

قريت كثير عن الأسهم وتصفحت دروسها ودوراتها وعندي رغبة اني أدخل هذا العالم لكن عندي تخووف كبير منه مو من ناحية الخسارة هذا خوف طبيعي لكن تخوفي من ناحية الحلال والحرام والبركة بالرزق

ودي اللي تجاوبني تقول لي هل حصلت لك بركة في مكاسبك اليومية من خلال المضاربة واش تنصحوني ابدا من الآن ولا وضع السوق ما يطمن أخليها بوقت ثاني وراس المال ياترى أفضل أبدا بشي صغير ومع الزمن يكبر ولا المفروض الرمح من أول غزة
و ياترى في الشرا على ايش تعتمدون وجاب معاكم نتيجة هل هي نقاط الدعم والمقاومة أو برامج الأسهم مثل الميتاستوك والتكرتشارت ولا بالحظ والنصيب اللي ينزل نشتريه واللي يطلع نبيعه
وبالنسبة لربات البيوت كيف توفقين بين المتابعة اليومية وبين البيت لأني أشوف ان وقت التداول يتعارض مع وقت الغدا بشكل ملحوظ

انصحوني يابنات وسامحوني على التطويل

بانتظاركم يمكن آخر هذا الأسبوع وأنا معاكم بإذن الواحد الأحد
اللهم اغفر للمؤمنين والمؤمنات والمسلمين والمسلمات الأحياء منهم والأموات

سبحان الله وبحمده
سبحان الله العظيم
استتغفر الله استغفر الله استغفر الله


الساعة الآن 03:46 .