منوا فيكم يضبط البان كيك بكل حرفيه

وبعد المحلى او الجباب

ويلي يعرف طريقة حك خبز ركاك الاماراتي غير الطريقة المعهودة يكون احسن بسرعة الله يخليكم

الصراحه ماعندي خلفيه عنه

لاكن ان شاء الله البنات ما يقصرو معاك




السلام عليكم اختي

بالنسبه للجباب انا عندي طريقه نسويها بالبيت مادري اذا بتعجبج

الجباب :

المقادير
3 كوب طحين ابيض
ملعقه خميره
ذره ملح
فنجان سكر
زعفران
بيضه

------

الطريقه :
تخلطين المقادير وتعجنينهم لين تصير العجينه سايله ( باستثناء البيض والزعفران )
- الزعفران تحطينه اخر شي على الويه وتخلينه
- تخلين العجينه تختمر نص ساعه الى ساعه
- تحطين البيضه على العجينه قبل العجن وتضربين العجينه زين الحين لانها بتكون ثقيله شوي بعد التخمير

--------

على المخبر تصبين العجينه بالملعقه الكبيره بعد ماتدهنينه بزين او سمن شوي مب وايد

تقلبينه بعد ماتنضج وتحطينها في صحن التقديم مع العسل

وبالهناء والشفاء
======

بالنسبه للخبز الرقاق هذا سهل بس يحتاج تشتغلين فيه اكثر من مره علشان تتقنينه لان مش اي ايد تتقن الخبز اول مره ممكن يطلع لج يابس وغليض

---
المقادير كالعاده ؛ دقيق رقم 2 + ماء + ملح

اول ماتفتحين النار على المخبر دهني المخبز بشويه زين في كلينكس وبعدين حطي شويه طحين في ايدج ورشيه على المخبز ومسحي االمخبز فيه علشان يروح الزيت بس طبعا مابيروح كله

- ابدي خبزي واستخدمي لوح من الخشب صغير ، افضل لو تخلين نجار يصنعه لج شكله مستطيل ويصنفره علشان يكون ناعم افضل

- كل ماحسيتي ان الخبزه تطلع من المخبز بصعوبه حطي شويه زيت اللي في الكلينكس و لاتكثرين
- لاتقلبين الخبزة علشان مايطلع عليج الخبز يابس
- النار خففيها اذا حسيتي ان الخبز بدا يحمر بسرعه
----------------------------------

الخبز المحلى :

المقادير :
2 كوب طحين رقم (2)
3 بيضات
فنجان ونص سكر او تمر
زعفران شويه
نص ملعقه خميرة

الطريقه :
- يخلط المقادير وتترك فتره ثم تترك فتره ليختمر
- تعجن العجينه على المخبز او الطوبي مثل طريقه الخبز مع مراعاه صب القليل من السمن بين كل خبزتين
=====
ملاحظة : مخبز أو الطوبي الخاص بالخبز الرقاق لايخبز عليه الخبز المحلى ويراعى وضع مخبز منفرد لكل من العجينتين ( من تجارب امهاتنا )
-------------------------------------------------------------

محلى زايــــــــــــ ــــــــــــــد :

شي روعه والله وكل اللي ياكله يطلب الوصفة مني ( لان اسم زايد فيها بس )

المقادير :

- 6 ملاعق طعام نيدو
- 6 ملاعق طحين رقم (1 )
- 3 بيضات
- فنحان سكر
- ملعقه ونصف شاي خميرة
- زعفران شويه
- كوبين ماء

الطريقة :

- يوضخ الخليط بالخلاط ويضرب ثم يترك نصف ساعه
- يمسح المقى التيفال بشويه زيت بواسطه الكلينكس ثم يصب الخليط عليه بواسطه ملعقه كبيره ليتكون عندنا قرص رقيق من المحلى
- بعد ان ينضج يقلب على الوجه الاخر
- يقدم مع العسل وجبنة الكيري يطلع روعه

=========== بألف عافيه على قلبج اختي
السلااااااااااا اام

بصراحه ماأعرف أحسن من الوصفات المذكوره00

بس بما إني دخلت لازم أسلم00

مع السلامه0
اللهم فارج الهم0 كاشف الغم0مجيب دعوة المضطرين0 رحمن الدنيا والآخره ورحيمهما0أنت ترحمني فارحمني رحمة تغنيني بها عن رحمة من سواك0


الساعة الآن 10:42 .