بالنسبه لنا احنا تمره وحلى وكبده وخبز بر وقهوه وعصير وسلطه فواكه وسمن بري نغمس باتمره الفطور الثاني شوربه ومكرونه ومعجنات وبعد الروايح نحلي كراميل جلي كاسترد اي نوع من الحلى وانام الساعه 12 واصحى 2 وسلامتكم اللهم بلغنا رمضان على احسن حال
30-07-1429 هـ, 12:08 مساءً
 
احنا عندنا سفرة وحده نحطها قبل الاذان وتشمل اصناف كثيرة منها الشوربه والسنبوسه وفطاير وسلطه وغيرة نفطر ع السريع ونقوم نصلي وبعدين نرجع نكمل

بعد مانخلص الافطار نشيل السفرة ونجيب القهوة والشاي
30-07-1429 هـ, 01:45 مساءً
 
احنا
نحط قهوه وتمر وسمبوسه ولقيمات وفطاير ونوع حلا
واذا صلينا المغرب الي يبي يرجع ياكل يرجع او يشرب شوربه

لكن عالساعه 10 او11 نحط العشا ويكون وجبه دسمه
وبس مانتسحر
30-07-1429 هـ, 03:00 مساءً
 
احنا فطور واحد على السفره مره واحده .. علشان نريح الشغالات و يفطرون و يصلون .. بس نفطر على دفعتين كل واحد على هواه...

شخصياً اكون محضره شئ حار مثل شاهي زعتر او شاهي شمر او يانسون و اشربه مع تمره واحده لان معدتي ما تتحمل التمر... و اروح اصلي بعدين ارجع افطر فيكون اكلي خفيف

اهلي زي ما قلت كل واحد و شهوته اللي يحب يثقل و اللي يحب ياكل تمره و قهوه و بعدين يرجع



بس بنات لحظه وين الفول الظاهر احنا الوحيدين اللي نحط فول .. اجل ذا الزحمات على محلات التميس قبل المغرب مين اللي مسويها ؟؟؟؟؟

عادة الفول او الحمص او العدس او الحمص بالقاورمه + شوربه هم الاساس على سفرتنا.. و معاها نحط صنف واحد من كل مجموعه :

* نحط فطائر جبنه بيضاء على شكل قوارب او نعمل فطائر مثل اللي عند الكبابجي نشكل في حشواتها جبن زعتر بيتزا .. احياناً نسوي فطائر بالدقيق الاسمر نحشيها جبنه عكاوي او خضار .. ممكن ايام نحط سبرينغ رول .. ممكن نجيب سفيحه لحم لان احنا ما نعرف نضبطها .. فيه نوع سمبوسه اساسي و هو سمبوسه محشيه جبنه كرافت الازرق مبشوره + طماطم ، و نقليها

* اللحوم كفته لحم بالصلصه الحمراء او البيضاء .. او كباب لحم و دجاج .. سمك او ربيان مقلي او بالصلصه ... او دجاج بروستد ... او ريش لحم.. احياناً نكتفي باللحم اللي في الشوربه خاصه إذا كانت شوربه حاشي ...

* سلطه فتوش .. او سلطة مكرونه .. او سلطة كسكسي ..

يوم الجمعه ممكن يكون فيه صينيه مكرونه او كبسه او شئ زي كذا علشان اجتماع اخواني و اولادهم معظمهم شباب يحبون الاكل الثقيل ...


بعد التراويح نحط الحلى مع الشاهي و هو واحد من ثلاثه اما كنافه او كنافه كذابه او زنود الست و كريم كراميل بالفرن بالاضافه لصحن فواكه
30-07-1429 هـ, 03:14 مساءً
 
نحن فطور واااااااحد

وكمون من والى ههههههههههههههههههه

شوربه سمبوسه فطاير سلطه نوعين او نوع رز ولحم او دجاج وعندنا الكبار جدتي وشلتها ايام يطلبون سمك<<<<< صدمه ههههه وكل وحده تتفنن فالاكل والطبخات لانه نحن كلنا نتجمع في بيت واااحد الله يجمعنا فالجنه
فكل وحده عليها طبق يكون اكله جديده وانا اتفنن بالحلى<<<<< ياكلونه الصغار قبل لانفطرخخخخخخخخخخخ

لاتنسين اللقيمات وفيمتو وتنج واحيانا يسون قمر الدين وتمر هندي وكركديه بارد

بس نحن ناكل على السريع كسر صيام وبعدين يستوي الاكل بحمااااااس بعد الصلاه

الواحد مافيه حييييل لفطورين احس هلااااك
30-07-1429 هـ, 04:18 مساءً
 


الساعة الآن 03:06 .