hr5

hr5 @hr5

عضوة فعالة

أريد لقيمات مقرمشة وسهلة المقادير

اطباق عالم حواء

السلام عليكم ورحمة الله وبركاته

مشكلتي مع اللقيمات وزوجي يحبها كثيرا وكلما اقرا طريقة واطبقها من كتاب او من النت لا سيما من الموقع هذا او من وصف احد الأقارب يطلع لي في اغلب الأحيان لين وأحيانا ما ينتفخ وأحيانا عجين من داخل ويلوع الجبد

فلهذا أبي طريقة مفصلة بشكل كبير مع مراعاة ان توني مبتدئة لاني اطبق وما ينفع لاني مبتدئة نوعا ما بالطبخ فأحتاج لوصف دقيق وما ابي طريقة معقدة وفيها اشياء وايدة من المكونات
وحتى طريقة القلي بالنتفصيل متى نطول على النار ومتى نقصر ووو كلشي بالتفصيل

وعندي الخنفروش طعمه اوكي بس مشكلته وايد وايد يتشرب دهن ما ادري شنو برايكم السبب وهل عندكم طريقة اخفف فيها من الدهن الي يتشربه
مع جزيل الشكر
40
113K

يلزم عليك تسجيل الدخول أولًا لكتابة تعليق.

تسجيل دخول

بين احبابي
بين احبابي
عندي لقيمات كل من ذاقها اخذ طريقتها والله حلوه

كاسين دقيق ابيض من دقيق الكويت او السعودي

كاس حليب بودره

علبة قشطه

فنجال شاي مويه

ملعقه كبيره خميره

تعجنينها زين وتخلينها تتخمر سااااااعه كامل

بعدين بما انك مبتدئه اعجنيها وخوذي منها قطع صغيره وكوريها الحجم الي يعجبك وحطي في بالك انهابتنتفخ الى الضعف في الزيت

واذا كورتيها سخني الزيت على نار متوسطه حتى يغلى

وارمي الكور فيه بتنضج معاك بسرعه قلبيها الين تسير ذهبيه وحطيها في شبك الين تخلصين الكميه

بعدين على طول كبي عليها الشيره بارده تكون جاهزه من اول وتكون ثقيله مره

وطلعيها مع القهوه وبالهنا والعافيه

ادعيلي ان الله يسهل ولادتي ويفتح رزقي ويسخر لي زوجي ويصلح لي عيالي ويغفر لي
بين احبابي
بين احبابي
وهاذي طريقه ثانيه يمدحونها بس ما جربتها

المقادير والطريقه:

1كوب دقيق & واحد ونصف ملعقه كبيره حليب باودر

ملعقه كبيره كاسترد او نشأ(انا وضعت نشأ)لكن الكسترد يعطيها لون رائع

1 ملعقه صغيره سكر & اقل من الملعقه الكبيره بشوي

(خميره فورية)& ذرة ملح& 1 كاس ماء دافئ


*******

اخلطيها مع بعض واعجنيها (اعجني اعجني واعجني )

لمدة 5-10 دقائق

******

تلقمينها في زيت غزير وحار

وعلى نار هادئه مع التقليب المستمر



ورشي عليها عسل اكثر فائده وأطعم(برأيي)

صحه وعافيه


ان شاء الله يعجبكم
mona_daloo3ah
mona_daloo3ah
عندي لقيمات كل من ذاقها اخذ طريقتها والله حلوه كاسين دقيق ابيض من دقيق الكويت او السعودي كاس حليب بودره علبة قشطه فنجال شاي مويه ملعقه كبيره خميره تعجنينها زين وتخلينها تتخمر سااااااعه كامل بعدين بما انك مبتدئه اعجنيها وخوذي منها قطع صغيره وكوريها الحجم الي يعجبك وحطي في بالك انهابتنتفخ الى الضعف في الزيت واذا كورتيها سخني الزيت على نار متوسطه حتى يغلى وارمي الكور فيه بتنضج معاك بسرعه قلبيها الين تسير ذهبيه وحطيها في شبك الين تخلصين الكميه بعدين على طول كبي عليها الشيره بارده تكون جاهزه من اول وتكون ثقيله مره وطلعيها مع القهوه وبالهنا والعافيه ادعيلي ان الله يسهل ولادتي ويفتح رزقي ويسخر لي زوجي ويصلح لي عيالي ويغفر لي
عندي لقيمات كل من ذاقها اخذ طريقتها والله حلوه كاسين دقيق ابيض من دقيق الكويت او...
راح اعطيك طريقة قيمات سهله وسريعه وبعد على طلبك مقرمشه ومفرغه من الداخل

بالنسبه للمقادير: كاس دقيق عادي+كاس ماء او حليب سايل+ 1 ملعقه اكل خميره فوريه

+قليل هيل مطحون+ قليل زعفران+1ملعقة نشا


تخلطين المقادير مع بعض النشا عشان ما تشرب زيت اثناء القلي وتتركينها لين تشوفيها انتفشت


بعد كذا حمي الزيت واذا سخن رخي النار خليها على اقل درجه عشان اذا حطيت العجين ما يحترق الاول وانت

تشتغلين وتكون درجة الاستواء وحده بالنسبه لوضع العجين في الزيت عندك احد الامرين اما بالملعقه الصغيره

يكون نبك صحن به زيت عادي وتغطسين الملعقه فيه وتاخذين من العجين وتحطين في الزيت كذا تزلق العجينه بسرعه

من الملعقه وتكون الحركه سريعه او بالاله موجوده في محلات الاواني تمسحينها من الداخل بالزيت قبل وضع العجين

وكذا يطلع الحجم متقارب خليها لين تبرد اهم شي تبرد والشيره او الشراب يكون بارد عشان ما يدخل في القيمات


واحسن شي حطي القيمات في مصفاة وصبي الشيره ويكون تحتها زبديه كبيره و اكثر من مره رجعي الشيره على


القيمات كذا ما تتشرب زياده عن اللزوم ويكون الشراب كثير من حواليها وبالعافيه

اتمنى اني فصلت بالشكل المطلوب على اي حال انا في الخدمه على اي سؤال
بين احبابي
بين احبابي
http://www.wadyabs.com/vb/showthread.php?t=9629


وهاذي طريقه بالصور ان شاء الله تعجبك

كل يوم جربي طريقه والي يدخل مزاجك سويه دايم
@ام رهاف@
@ام رهاف@
الله يعطيكم العافيه جميعا على مقادير اللقيمات والله يسهل عليك يا ام دانه