مساء الخير عالجميع............

وكل عام وأنتم بخير..............معليش متأخرة بس الاتصالات هاليومين تعبانة..

..............

بغيت أسألكم عن محلات شوكلاته..بس تكون غريبة غير تقليدية...يعني الناس

هاليومين يتفننون بتقديمها أشكال وألوان..........

ياليت تنصحوني بمحلات حلوة وغريبة لتقديم الشكولاته.......في الرياض......
08-10-1424 هـ, 03:12 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مساء النور عليك

كل سنة وأنت طيبة

بالنسبة لمحلات الشكولاتة فأنا مثلك حالياَ أبحث عن شيء مميز خصوصاَ في هدايا المواليد

وبصراحة الساحة مليئة بالمحلات ، لكن مابعد سويت جولة عليها

باتشي / شكولاين / جهينة / شكولا بليت / أوبرا / ركن القصيم / ..............هذا مايحضرني الأن
08-10-1424 هـ, 02:04 مساءً
 
عندك بعد ديليس العليا العام عماير السيركون
القباني له فروع فيه التخصصي او ريما الثلاثين
لي الثلاثين
بستاشيوووو الثلاثين
وعندك لافندر التخصصي
سوشيه الثلاثين والورود
بيت الشوكلاته العليا العام مقابل الموسى
وفي كل شارع بتلاقين بس اعتقد هذي الاميز
08-10-1424 هـ, 02:43 مساءً
 
..........

الغالية همسة........أجل انتي مثلي......الله يعين على هالعادات..جهد ووقت..

وبالأخير مجرد انتقاااااااااد....

اذا بديتي بلفتك عليهم علميني تكفين تراني حايسة كثيرررررررر..

............

العزيزة ليالي الغربة...

ألف شكر عنوني ماقصرتي..بس ياليت تعلميني وش المميز عندهم والغير معروض

..بعضهم عندهم حركات حلوووة بس بالطلب..مثل لافندر مريت عليه قبل وسالت

كان فيه فلبيني والله غير المعروض ماعلمني.....المهم صادف ورحت ثانية وفيه

السوداني مدير المعرض شكله....وتعالي شوفي الحركات .....

يعنيي لوحصل وش متميزين فيه هالمحلات غير سمعتهم.....

والله يعطيك العافية..............
10-10-1424 هـ, 10:41 مساءً
 
افضل شي للشوكلاته المكشوفة محل دونية بالعروبة و لونوتر بالثلاثين ولافندر

بس روحي دونية احلاهم كلهم خذي النوع الفرنسي هو الزين وعندهم معجنات وموالح تاخذ العقل

اما المغفلة عندك باتشي مره حلو وشوكلاين ماعليه
11-10-1424 هـ, 06:49 صباحاً
 


الساعة الآن 01:58 .