السلام عليكم ورحمة الله وبركاته
ملاد
متعبه عسافها
درر العتيبي
دلوعه شمريه
والله انني سعيده بنصائحكم واحسها انها طالعه من قلبكم الله يجزاكم خير ويجمعني بكم في الجنه
بس ارجوكم تواصلو معي حتى اقتنع برايكم الله يسخر لكم من تولى امركم
27-07-1429 هـ, 02:38 مساءً
 
اقتباس مشاركة  (*ملاذ*)
يا ام الخجولين انا امس ناصحتك تبتعدين عن سوق الأسهم واليوم كانك شايفة السوق نازل ومن جرف لدحديرة والصناديق انا كنت مثلك ابي استفيد منها بس طلع الكل خسران منها وانا كنت احسب ان لو استثمرت في الصندوق ان رأس مالي يبقى لو حتى لو مافيه ارباح بس طلع ان حتى رأس المال فيه مجازفة واحتمال تخسرينه وهذا الأقرب ..

تبين اقولك افضل شئ ما دمت مقررة تدخلين السوق انك تشترين اسهم في الراجحي والبلاد والشركات الي ناجحه وتخليها استثمار يعني تجيك ارباح كل كم شهر يمكن هذا افضل حل ....
طيب ياقلبي وش الاجراءات الي المفروض اسويها بس تكفين بالتفصيل

هل افتح محفضه وكيف الربح يجيني كل شهر حتى لو اسهم الشركه نازله
:
وكيف يحسبون نسبة الربح
وطيب اعتقد ان الي يشتري هالايام افضل له لانها نازله فبتصير رخيصه احسن من انه يشتريها وهي مرتفعه بعدين تنزل وبالتالي يخسر ها وش رايك كلامي سليم
27-07-1429 هـ, 03:05 مساءً
 
اقتباس مشاركة  (متعـــبه عســافها)
نصيحه ابعدي عن الاسهم
لو تفتحين لك مشغل اصرف لك

السوق مااااااااااله اماااااااان وشوفي اوضاع اللي حولك
بس يا وخيتي ترى المشاغل متعبه ومسؤوليه هالعاملات والزباين مهيب سهله يبيلها رجال يساندويعاون واناحرمة ماعندي احد الله يخلف علي
27-07-1429 هـ, 03:11 مساءً
 
اقتباس مشاركة  (درر العتيبي)
اختي صناديق الاستثمار لاتفكري فيها تخسري حتى راس مالك وانتي شايفه وضع السوق والاسهم كذلك اسئلي مجرب قاعدين نضارب بالمحافظ لعل وعسى نعوض الخساير
انا انصحك بسيارات النقليات التريلة والقلابي وماشابه اشتريها واجريها لاحدى الشركات بس لازم رجال يتابعهم ويدرس الوضع والله يرزقنا واياك وجميع المسلمين
والله فكرتك حلوه بس اتوقع انها تحتاج لراس مال كبير وعلى قولتك تحتاج لرجال بس كم تتوقعين سعر التريله وبكم تؤجر
27-07-1429 هـ, 04:47 مساءً
 
اقتباس مشاركة  (دلوعه شمريه)
با العكس السوق الحين حلو للاستثمار مثل زين الانماء معادن و
المؤشر 9000حول يعني حلو للدخول
افضل من ديك الايام يوم المؤشر 21000
انا بصراحه شاريه فيهم وبخليها وانتي حره
القرار قرارك
والله كلامك يريح بس مامعنى ان المؤشر 9000 اسمحيلي انا ماافهم في الاسهم وحريصه اني اتعلم
27-07-1429 هـ, 04:50 مساءً
 


الساعة الآن 05:42 .