لأول مرة في هذا العام قررت دخول المطبخ وتصليح سمك
السمك ماأدري وش اسمه لكنه ذاك اللي يجي مقطع حلقات
سويت له تتبينه أخذتها من كتاب أم عبد العزيز(نخبة الاطباق) فيها أشياء كثيرة ..
المهم لما جيت أقلى في الزيت لاحظت إن قطع السمك كبيرة ..!!
خفت أقطعها ويخرب قوام السمك أو يتفتت قلت أخليها أحسن وبديت أقلى
وبدأ السمك يتقطع قطعة فطعة .. ماأدري ليه ؟؟
العادة لما ناكل سمك نلقى الشريحة المدورة كاملة .. المرة هذي صارت قطع صغيرة كبر الفنجان
قلت مو مشكلة أهم شي الأخلاق .. اممم قصدي الطعم
لما جيت آكل لقيت السمكة جاااااااااافة يعني بالعادة تكون طرية شوي وفيها نوع من الرطوبة ..والأفضع من كذا إنها مو مستوية
بصراحة ضاق صدري وأوجعني بطني من السمكة الل مو مستوية
وجلست أفكر وش السبب ..؟

قلت : يمكن لأني ما حطيت خل .. الخلطة اللي في الكتاب فيها خل وأنا ما عندي خل

يمكن لأن الزيت كان حاااااااار (قالية بطاطس قبله) فتحمر السمك من جوه وما استوى من برا؟؟
يمكن لأن قطع السمك كبيــــــــــــ ـــــــــــــرة ؟؟

وجلست أفكر : ليش السمك تقطع داخل الزيت ..؟

هل لأن الزيت حار..؟
أم لأن القطع كبيرة؟
أم لأني كنت أحرك السمك؟
والأهم من ذلك هل صحيح لو قطعت شريحة السمك قبل ما اقلاها وكيف أقطعها..؟

بنات بصراحة أحس إني استفدت من هالشغلة صح إني فشلت لكن على الأقل جربت .. وبأستفيد أكثر إذا سمعت آراءكم وتجاربكم ..
وكلي أمل بأني بكرة أسوي سمك مااااافي أروع منه .. وأقول هذا بفضل الله ثم بفضل بنوتاااات عالم حواء .. الله يخليهم

لازم مايكون الزيت عميق زي اللي نقلي فيه البطاطس ..

تحطين شوي في المقلاة يغطي سطحها بس وتقلينه وتقلبينه كل فتره ..
اللهم اني استودعك نفسي وزوجي واولادي وبيتي يامن لاتضيع ودائعه
هلا اختي السمك عادي حتى لو ماكان في الخلطه خل يستوي بس ممكن الزيت حامي بزياده

هو لازم حار بس مو بزياده

وتحريكه في الزيت غلط لازم تحطينه واذا بداء يتحمر الوجه اللي تحت شوي وتماسك تقلبينها

وبعد التتبيله غطي السمك بدقيق علشان يحافظ على شكلها ومايتقطع

ومن ناحية حجمه عادي حتى لو كانت سمكه كامله تستوي مافيه مشكله الحجم

والزيت يكون كثره متوسط لاكثير ولا قليل يغطي نصف السمكه تقريبا او اكثر شوي

ان شاء الله اكون افدتك لو بالقليل



الله يعطيكم العافية .. من جد والله أفدتوني ..
طيب ما عندكم تتبيلة حلوة ..؟
ياقلبي غسلي السمك بخل وبعده بالماي عشان الزفر وبعدها تبليه بليمون وملح وبابريكا وثوم بودره وممكن تستعملين ملح اليمون وتقللين الملح بالتتبيله واخر شي قلبيه بطحين قليل لاتكثرين وحطيه بزيت حار ووطي على النار بس مو وايد يعني وسط عشان مايبرد الزيت وتتشربه السمكه خليه خمس دقايق وبعدها اقلبيه عالوجه الثاني ونفس المده ...........انا اقلي سمكه كامله بنفس الطريقة واحط بهارات التتبيله ببطن السمكه ............بس وانا اقليها اغرف من الزيت واصب داخل البطن والراس عشان يستوي بنفس الوقت مع اللي برا .............جربي طريقتي راح تعجبج ان شاءالله
اللهم اني اسالك باسمك الاعظم الذي اذا دعيت به اجبت واذا سالت به اعطيت ان تيسر لي حملا صحيحا سليما بذكر صالح سليم معافى هاديا ومهتديا اخا وعضيدا لوحيدي ربي دعوناك كما امرتنا........ اللهم استجب كما وعدتنا
اللهم مغفرتك وعفوك ورضاك والجنه


الساعة الآن 09:38 .