هلا غلاتي..

الموضوع عادي لافشيلة ولا شي.. المنتدى منكم ولكم والكل يفيد ويستفيد هنيه..

نرجع للقهوة فيه طريقتين غلاتي.. وسوي اللي يريحج..

شوفي احنا بالامارات مانستخدم الجاهزة أبد.. ناخذ القهوة من المحمصة مطحونه.. ممكن يضيفون معاها هيل وممكن لا.. وحتى ان كان معاها هيل بعد لازم نضيف لها بالترمس..

الطريقة الأولى.. وهي انج تغلين ماي على قد الترمس.. وتخلينه يفور وايد لحد مايصير حار حااااار..

بعدين تضيفين عليه مقدار فنجان قهوة.. بس تبعدين الغوري عن النار لأنها تفور وتطلع برع..

اخلطيها بملعقة مرة وحدة أول ماتحطينها وبعدين خلاص انسيها كمن غلوة.. على نار أهدى من قبل.. عشان لاتصب برع..

لحد ماتشوفين لونها ظهر سكريها وصبيها بالدلة (الترمس) وتكونين حاطة مقدار ملعقة متوسطة هيل.. وممكن ماي ورد بعد تطلع حلوة..

ومانفضل احنا أي شي ثاني معاها.. نكتفي بالهيل..

الطريقة الثانية وهي حلوة للسرعة.. وحتى بالأسفار والفنادق..

تغلين ماي مقدار الدلة ( الصغيرة العادية ) لحد مايحررررررر..

تكونين محطية بالدلة مقدار 4 ملاعق كبيرة أو فنجان من القهوة.. مع ملعقة وسط هيل..

خليها تفتر على راحتها شوي وبعدين ذوقي أحلى قهوة..

القهوة عموما ماتحتاج كثرة أشياء.. يعني الأصلية جذيه..

جربيها وخبريني.. وحياج الله..

ينقل من المقبلات لأطباق حواء..

يا عمري عليكم
الصبح إن شاء الله أسويها وأبشركم
ياااااااااااارب تضبط وتعجب زوجي!
دعواتي لكم بالتوفيق..

وأكيد بوافيكم بالنتيجة وأقولكم طريقة مين اللي ضبطت

أنا وصديقتي ندخل بنفس المعرف
لحظة لحظة ما سألتكم
من وين تجيبون خلطة القصيم
أنا من الغربية
أنا وصديقتي ندخل بنفس المعرف


الساعة الآن 10:53 .