كيف حالكم جميعاً ؟؟
أسأل الله أن يبلغنا رمضان ويعيننا على صيامه وقيامة ... اللهم آمين
الموضوع باين من عنوانه ... شاركت بمسابقة أفضل طبق ... والفكرة كاتنفيذها كانت من عندي ... وسميتها زمان أول
وحلى البير والنخلة من عندي ... لكن حلى البقية أخذتها من المنتدى
وأتركم مع الصور ... واللي حاب يقتبس الفكره حلاله
طريقة تنفيذ الفكرة بالتفصيل الممل
صينية كبيرة نوعاً ما ... وتفرشي ارضيتها بالبسكويت المطحون
وتكوني مجهزة حلى النخلة والبير والخرفان والتبن والجميع بكرامه
وطريقة الأخيرين موجودة داخل الروابط
http://forum.hawaaworld.com/showthread.php?t=1295793
http://forum.hawaaworld.com/showthread.php?t=1140455
وطريقة حلى النخلة
أناناسه تفرغيها من الداخل ... يعني تقطعي جزء قليل من الأسفل وتفرغيها ... مثل تفريغ الكوسه
وبعد كذا تحضري تمر وتخرج النواة منه وتحشيه بالبسكويت المكسر مع الطحينه السايلة
وتثبتي التمر ع الأناناس بأعواد الأسنان وبعد ما تخلصي من التثبيت تدهني التمر بالنستلة وترشي عليه السمسم
وطريقة حلى البير
قالب متحرك تصفي فيه سويسرول على الجوانب وبعدها الأرضية وتحاول تغطي الفراغات
تخلطي 2 علبة قشطة مع 2 دريم ويب و6 حبات جبن كيري بالخلاط و تصبيها داخل القالب فوق السويسرول
وفيكي تصبي جزء منه وبعدها تصفي طبقة سويسرول وبعدين تسكبين باقي الخليط وتدخليه في الثلاجة لحد ما يبرد ويتماسك
وفي الأخير تكوني محضرة جيلاتين أو جيلي برتقال وتضيفي له كذا نقطه من ملون الطعام وبعد ما يبرد تسكبيه على
خليط القشطه
وتجيبي ثلاثة من أعواد الشوي وتقصي منهن شوي وتثبتي اثنين منها على حافة الحلى من جوى طبعاً
والثالث تحطيه بشكل افقي وتثبتيه بالصمغ وتجيبي علبه حلاو جيلي وتثبتيها بخيط
وتجملي الأرضية على حسب رغبتك
وأي استفسار أنا حاضرة
جمعتي الحلويات بحلى واحد ...
وطلعت الفكرة روووعة ..
وبالذات حلى البئر شكله خياااال
تسلمين يالغلا .. ومبروك الفوز..