بسم الله الرحمن الرحيم
السلام عليكم ورحمة الله وبركاته

المقادير:

كل المقادير بحسب الرغبة والذوق

لحم مفروم ( يفضل اللحم المدهن)
بصل
كزبرة خضراء
ملح
فلفل اسود
بهار لحم
بابريكا
كمون ناعم

جمرة ( لاكساب اللحم طعم الشواء لعى الفحم)

الطريقة:

في محضرة الطعام حطي البصل ارباع مع الكزبرة الخضراء



افرميها فرم خشن زي الصورة



ضيفي البصل والكزبرة على اللحم واخلطي كويس حتى تتفتت الياف اللحم معاكي
حطي كمية البهارات اللي تحبيها



اعجني الكل كويس خااااااااااااالص
بعدين شكليها زي ما تحبي
انا شكلتها اصابع ( والحمد لله كلها تقريبا نفس الشكل ونفس المقاس مو زي كل مرة )



جهزي مقلاة او شواية تكون بغطا
وسخني فيها شوية سمن او زيت
ضعي اصابع الكباب في المقلاة وما تحركيها او تقلبيها لغاية يتغير لونها من تحت وتنشف
خففي النار وغطي الكل
حتى تفضل لك اللحمة طرية وندية ما تنشف
كل شوية قلبي اللحم وحركيه حتى يتحمر من كل الجهات

في هذه الفترة جهزي الجمرة مولعة
وجهزي فنجان او قشرة ليمونة فاضية
حطي الجمرة الملولعة في الفنجان وخليها وسط اصابع الكباب
رشي عليها نقط زيت حتلقي في دخان كثير طلع معاكي
غطي على طول حتى تحفظي الدخان جوة اللحم
بس لا تطولي عشان الطعم لا يكثر عليكي

قدميها محشية او في طبق او باي صورة تحبي



معليش اخر صورة عندي مش واضحة
بس الدنيا ليل
والمطبخ عندي .....

بس شوفو كيف باين انها ندية وطرية

والف عافية عليكم
مدونتي



الحمد لله يا ربي .. وثقت بوعدك وما اخلفتني فيه..




يعطيك العافيه مشهي ما شاء الله


تسلم ايديك على الكباب .. انا امووت فيه ..


الوزن الحالي : 106.9
الله يعطيكم العافية ويبارك فيكم


جمعة مباركة
مدونتي



الحمد لله يا ربي .. وثقت بوعدك وما اخلفتني فيه..




ماشاءالله شكلها لذيذه تسلم ايديك حبيبتي


الساعة الآن 12:58 .