أب
اقتباس مشاركة  (حنين35)
للرفع
هلا اختي الرز المصري له طبخات كثير منها السليق وطبعا معروف ومنها المحاشي بجميع انواعها

وكذلك رز حبه وحبه ورز بالشعيريه ورز معمر الرز المعمر ترى يكون حالي هو عبارة عن رز وحليب وزبدة وسكر

هو اللي اعجبه حالي او مالح علشان نوضح لك اكثر لان الرز المعمر حالي ولذيييذ يطلع كانه كيكه

وفيه كذلك رز بالحليب يكون مشابه للمهلبيه



للرفع
اهلا بام امير

سلامة زوجك يا قمر احنا بنعمل الرز بطرق كتير اوى يعنى مثلا فية الرز الابيض العادى و لة كذا طريقة و الرز الاحمر و الرز بالبصل و الرز بالشعيرية و الرز المعمر و الرز المفلفل و الرز بالخلطة و الصيادية و فية الرز بلبن الحلو و المعمر الحلو

الطرق كتير اوى انتى بس اعرفى هو اكلة جنب اية و انا اقوللك الطريقة على طول

و على فكرة الرز المصرى مش بيحتاج نقع او على الاقل انا عن نفسى مش بنقعة خالص

و عموما انا هكتب لك على اشهر كام طريقة كدة لغاية ما تعرفى اللى اكلة زوجك بالظبط


الرز الابيض


المقادير :

2 كوب من الارز المصرى
2 ملعقه كبيرة من الزبده او 3 ملاعق من زيت الذره
2 و 1/2 كوب ماء ساخن
مقدار من الملح حوالى 2 ملعقتين

الطـــــــــــــــــــريقه:
1: نغسل الارز جيدا للتخلص من كميه النشاء المرتفعه الموجوده فيه ونضعه فى مصفاه جانبا
2: فى وعاء الطهى نضع مقدار الزبده او الزيت النباتى ثم نضيف عليه الارز المغسول سابقا
ونحرك الارز جيدا حتى تصبح حبات الارز متماسكه و مفرفرة ( مش لازقة فى بعضها )
3: نضيف كميه الماء ويفضل تكون مغلية ثم نضيف مقدار الملح
ونغطى جيدا على الارز حتى يتشرب الماء ثم نخفف عليه النار ونضعه على نار هادئه جدا حتى تمام النضج
ويقدم ساخن مع اشهى اطباق الخضار وخلافه

( ممكن تقلبى نص كمية الرز لغاية ما تتحمر و يكون لونها دهبى و بعدين تضيفى النص التانى و تقلبية شوية و بعدين تضيفى المية )


و فية طريقة بسيطة جدا و هى انك تسخنى السمن جيدا و تضعى علية مقدار المية و الملح و عند غليانها تضعى الرز المغسول و تقلبية و تتركية يتشرب و تهدى النار علية جدا و تتركية يستوى و قبل تمام السوا او النضج تفتحى غطا الحلة او القدر قليلا ليخرج البخار

لعمل الارز المصرى بالشعيريه


نحمر الشعيريه اولا فى الزبده او الزيت حتى يصبح لونها ذهبى ثم نضيف لها كمية المية و نسيبها لغاية ما تغلى و نضيف الملح و الرز و نقلبهم و بعدين نغطيهم و نتركهم حتى يتشرب الماء و بعدين نهدى الحرارة و نتركة على نار هادئة جدا حتى ينضج مع فتح غطاء الحلة قليلا

الأرز بالخلطة / أرز بالمكسرات)


1 ـ تجهزى الخلطة (مكسرات يفضل أن تكون محمصة / زبيب / كبد / قوانص / لحمة عصاج ) حسب الرغبة والمتوفرعندك ..
2 ـ يسخن السمن ( يكون زائد عن المقدار الطبيعى حتى لا يحترق الارز ) ويوضع فيه الأرز ويحمر , يستمر فى التقليب حتى يصبح لونه بنى فاتح ..
3 ـ يصفى السمن من الأرز ويضاف الخلطة والملح و الفلفل ويقلب الأرز جيدا ثم يسقى بالمرقة أو الماء و يترك حتى ينضج بالطريقة العادية ..
4 ـ يغرف فى طبق التقديم ويجمل باللوز المحمص و بالهنا و الشفا ..
[ممكن تعمل منه فرشة تحت الديك الرومى أو فخذة ضأن ]



. أرز بالطـــــــماطــــــــم

المقادير :
1 كوب أرز / 1,5 كوب ماء مغلى / ½ كوب عصير طماطم / 2 ملعقة سمن / ملح /فلفل
الطريقة :
·يقدح السمن و يضاف إليه عصير الطماطم و يقلب على نار هادئة لمدة 5 دقائق
·يضاف مقدار الماء و يتبل بالملح
·يضاف الأرز المغسول و يستكمل مثل الأرز الأبيض العادى ( المفلفل )



ارز بالجمبرى

المقادير :
3 كوب رز مصرى
نص كيلو جمبرى
2بصله مقطعه مكعبات صغيره
معلقتين زيت // ملح وفلفل وبهارات

الطريقه:

فى وعاء على النار نضع الزيت ونصف كميه البصل ونحرك حتى يصبح شفاف نضيف اليه الجمبرى المقشر والمغسول مع اضافه البهارات ونحرك جيدا حتى يتغير لون الجمبرى نضيف اليه 2 كوب من الماء الساخن ونتركه يغلى خمس دقائق
فى وعاء اخر نضع باقى كميه البصل مع ملعقه زيت ونحرك حتى يصبح لونه ذهبى نضيف اليه الارز المغسول ونحركه جيدا مع اضافه الملح والبهارات ونضيف عليه الماء الموجود فى الجمبرى ونتركه يتشرب الماء بعد ما يتشرب الارز السائل الموجود نضيف الجمبرى فو نص الارز وعلى وجه القدر ونغطيه حتى يكتمل نضح الارز والجمبرى معا

ارز بفواكه البحر

نفس الطريقه السابقه مع اضافه بعض الجندوفلى (القواقع ومكعبات السبيط ومكعبات السمك الفليه والجمبرى )) للخطوه الاولى فى طريقه الارز بالجمبرى



الرز المعمر

1/2 ك ارز – 1/2 ك لحم بتلو – 1/2 ك حليب – 1/2 ك كريمة فريش او قشطة – 2 م ذبدة – جوزة الطيب – ملح وفلفل
الطريقة
نشوح اللحمة لحد ماتستوى نص سوا . نضع فى قاع اناء الفرن حوالى 1/2 سم ارز مغسول ثم نضع عليه قطع اللحمة ثم نضع باقى كمية الارز ثم نضع الحليب المغلى مع الملح والفلفل ونضع قطعه الزبدة وعلى الوش نضع القشطة وندخله الفرن لحد مايستوى ووشه يحمر


او طريقة تانية من غير لحمة

تدعكى الرز بالزبدة و الملح كويس اوى و تصبى علية الحليب المغلى و تدخلية الفرن لما يتشرب تحطى على الوش قشطة و تدخلية يكمل سوا و يتحمر


ممكن تستبدلى الملح بالسكر و يكون رز معمر حلو



و دى تالت طريقة من هنا من المنتدى للاخت ام مسلمة و طريقتها مظبوطة و حلوة اوى


لكل كوب ارز مصرى كوب لبن حليب بقري و لو حبيتى ممكن تحضريه من اللبن البودرة - كمية سمن بلدى أو زبدة مناسبة لكمية الأرز و للأرز المعمر الكمية السمن بتكون اكثر من كمية السمن فى الأرز العادى - قشطة (اختيارى)ملعقة لكل كوب ارز - ملح

الطريقة :
سخنى الفرن على أعلى درجة حرارة حتى يسخن جيدا
اغسلى الأرز ثم صفيه من الماء جيدا و ضعيه فى اناء فرن و اضيفى اليه الزبدة المذوبة و القشطة و الملح و قلبى جيدا حتى تمتزج كل المكونات
اضيفى اللبن المغلى الى الأرز و حركي بالملعقة حتى يتساوى السطح
ادخليه الفرن الساخن و اتركيه حتى يتشرب الأرز اللبن و تعرفيه بوضع اصبعك عليه بخفة ستجديه جف و تحمر وجهه و لكن انتبهى من الحرارةعلى اصبعك
هدئى الفرن لدرجة 150 و اتركيه لمدة 45 دقيقة بعد ان يتشرب و بالهنا و الشفا
يمكنك و ضع قطعة من الفويل فوق وجه الارز بعد تهدئة الحرارة حتى لا يصير وجه الأرز جاف.



يا رب اكون قدرت اساعدك و طمنينى على النتيجة


الساعة الآن 08:51 .