الله يفتحلكم أبواب سمائه وخزأن أرضه وجزاكم الله خير لكن التجاره تبغالها شطاره والمسئله صعبة علي وشلون اشحن والفلوس توصل والطلب يوصل لهم كيف أخاف تضيع والى من نفس المنطقه وشلون ياخذون طلبهم يعني من عند بيتنا صععععععععبه وأبدا بكميه قليله أو قليله وشلون أغطي الطلب وأراسلكم على الخاص والناس يفضلونها باكياس ولابقوارير زجاج أسئلتي كثيره وأثقلت عليكم بها لكن متخوفه من المغامره
04-08-1429 هـ, 06:35 مساءً
 
شوفي يالغاليه لا تخااافي ولا تتوتري الموضوع سهل جدا

اول شي القزاز ابعدي عنه عشان ما ينكسر في الشحن وتفلسن العالم من البهار

خليه في اكياس بلاستك وغلفيها زين وحطيه في كراتين واشحنيه


اشلون تشحنين تدقين على شركة الشحن تجيك للبيت تاخذ الشحنات وياخذون منك البيانات حقت الشخص اللي بيستلم الشحنه

اسم المستلم

رقم الهاتف

المنطقه

++++++

اسم المرسل

رقم الهاتف


+++++


هذا اللي يبون يطلبونه بالنسبه للي حو المنطقه تعاملي مع مندوب خاص فيكي شوفي الاخوات التاجرات هنا كيف متعاملين وتعاملي مثلهم ودوري فيه مواضيع كانو حاطينها عن مندوبين ثقه يستلمون منك الاغراض ويسلمونها والمشوار بـــ 25 الى 30 ريال


++++

اشلون تشحني والفلوس توصل

انا بشتري منك اوكي ارسلت رساله على الخاص قلت لك لميس العناء ابي منك مثلا 3 بهار

انتي ترسلين لي وتقولين اكتبي بياناتك كامله

الاسم ثلاثي (( اللي بتكتبيه على الكرتونه عشان الشحن ))
الاسم الثلاثي (( للشخص اللي بيحول من حسابه الفلوس ))
المنطقه
ورقم الجوال او الثابت

كمية الطلب

+++++

ارجع انا ارسلك المعلومات كالمه

اسم الشخص المستلم الشحنه مثلا زوجي او اسمي
اسم اللي بيحول من حسابه المبلغ يا اسمي او اسم زوجي او صاحبتي المهم انك تاكدي من اسم الشخص المحول

وبقية البيانات

+++++

وبعدها ترسلين رساله على نفس المنتدى برقم الحساب الخاص فيكي

انتي شيكي على الحساب كل يوم اللي تحول المبلغ اشحني طلبيتها واللي ما تحول المبلغ بعد ثلاث ايام ارجعي ارسلي لها رساله على الخاص اذا تبغى طلبيتها تحول في ضرف يومين او يعتبر الطلب لاغي

بالنسبه للي تشحنين لهم ترجعين ترسلين لهم رساله ان تم الشحن على الشركه الفلانيه عاد انتي اختاري الزاجل او الما اكسبرس او الصاعدي او شوفي البنت تبغى اي شركه وقيمة الشحن تكون على البنت تقولين لها لا تدفعها الا وقت ما تستلم الشحنه من الشركه وتسلمها الشركه نفسها

كذا وضحت السالفه او لا ؟؟!!
04-08-1429 هـ, 07:46 مساءً
 


الساعة الآن 03:12 .