اقتباس مشاركة  (* بنت الاحساء *)
السلام عليكم ورحمة الله وبركاته

هذي طريقة اللومي
نستخدم الليمون الاخضر

نعصره ونضيف له ثلث كميته ماء وكمية ملح خشن ونصفيه في اصغر مشخل او بمنخل الدقيق بعدين نعبيه في غراش عصير والا فيمتو وتحطين كم حبة فلفل اسود عشان ما يخرب ونحطه في الشمس في السطح مدة 3 اسابيع تقريبا لما يتغير لونه للبني الفاتح يكون جاهز للاستعمال ونحفظة في الثلاجة

رووووووووووووووعه مع الشوربة

لا تنسونا من دعوه حلوة بظهر الغيب







اتمنى اكون افدتك

اختك

بنت الاحساء

يا ويل قلبي بني؟
غريب
عشت فالشرقيه 12 سنة ماعمري سمعت عنه
07-08-1429 هـ, 03:32 صباحاً
 
يسلمووووووووووووووووو بنات على المرور .

بنت الاحساء تسلمييييييييييييييييييييييين ياقلبي على الافاده

بس فيه مشكله انتي بطريقتك تضيفين عليه ماء متأكده ان فيه اضافة ماء
07-08-1429 هـ, 03:55 صباحاً
 
هلا حبيبتي احنا الحساويه نسويه كذا لما يجي موسم الليمون الصغير احنا نسميه ليمون حساوي نشتري كميات كبيره ونجتمع عليه انا وامي واخواتي وقديما عماتي وخالاتي خخخخخ قصه قديمه بس صدق نجتمع بيت اهلي ونجهز المنخل وتحتحه قدر او طنجره ونعصره يدويا ونكون حاطين فيه ملح خشن علشان مايصير مر ونعصر حتى نفاذ الكميه وتنكسر ظهورنا خخخ وبعدين نحطه في قوارير الفيمتو وناس تحط معاه حبات فلفل اسود وتحطه بالشمس الا ان يتغير لونه بس احنا من كم سنه بطلنا نحطه في الشمس على طول في الثلاجه ويعطيك طعم خيال بس في ناس ماتحبه الالما يكون بالشمس ونستخدمه في الشوربات والسلطات والمشاوي وورق العنب - اي كمان نعصر جزء بدون ملح يكون بالسكر ونحطه باكياس صغيره جدا ونثلجه للعصير يعني تطلعين الكيس وتضيفين الماء والسكر مره ثانيه وتحصلين على احلى عصير - وابد ما نضيف ماء لليمون اول مانعصره اتمنى كلامي واضح واي استفسار انا حاضره
07-08-1429 هـ, 04:09 صباحاً
 
لاخلا ولاعدم ياعطر الليل

خلاص انا من بكره بسويه

بعصر ليمون البنزهير الصغير وبقسمه لغرشتين غرشه بملح وغرشه بسكر

ربي يعطيك العافيه يالغاليه الله لايحرمني منك

لاني ماودي احطه بالشمس الصراحه .
07-08-1429 هـ, 06:12 صباحاً
 
احب اضيف لكم معلومه صغيرررررره


ان لازم تكووون الغرشه ناشفه (جافه) تماما من الماي


عشان مايعفن


ان شاء الله اكون افدتكم نسألكم الدعاء
07-08-1429 هـ, 07:31 صباحاً
 


الساعة الآن 01:01 .