للرفع
اقتباس مشاركة  (هدووءالليل)
الحمدلله من نعمته علينا أننا نعرف نقدر اللي يكفينا ولله الحمد
وإذا زاد شي ونظيف أحطه بالثلاجة إذا كان رز ولحم
ونتغدى عليه بكرة ولوصار عندي ضيوف على الغداء أخليه وقت ثاني
إذا كان بواقي من عشاء ذبيحة فأسخن الرز عادي واللحم أحطه بالفرن وأولع عليه العيت السفلية
ونتغدى عليه ويكون واله أحلى مما يكون خاصة اللحم وهو متحمر في الفرن

إذا البواقي لحم ولاتكفي غداء
أولا000000
أقطع اللحم وأقطع له بصل وثوم و فلفل بارد وحار لوحبيتوا والحج حسب رغبتكم
أحمس اللحم لحد مايتحمر شوي بنفس الدهن حق اللحم ولو أحتاج أضيف له ملعقة زيت زيتون
وإذا تحمر شوي أضيف البصل والثوم وأشوحهم مع بعض لحد مايذبل البصل شوي
وتفوح ريحة الثوم والفلفل ثم أضيف عليهم ملعقة كبيرة مايونيز وملعقة صغيرة خردل وملعقة طحينة مذوربة بشوية ماء
وأخلطهم بسرعة وخلال نص دقيقة أطفي النار
وأكون مجهزة خس وطماطم وخيار وبقدونس اللي متوفر وأخلطهم معهم
وأحشيهم في خبز زي الشاورما ولو تبينها تعطيك نكهة الكودو أضيفي لها ملعقتين صلصلة صويا حلوة وألغي عنها الطحينة
ونفس الحكاية لو البواقي دجاج

الرز 000000 إذا تبقى شي من حق الغداء
نفس الحكاية أقطع الباقي من الدجاج وأقطع شوي بصل وثوم وفلفل حار وبارد ولو عندي بصل أخضر ملفوف جزر
أي شي ينحمس بسهولة أحطه
أحمس أول شي البصل لحد مايصير أحمر بشوي زيت ثم أضيف الدجاج وأشوحه لحد مايتحمر شوي ثم
الخضار وأحمسها وا ضيف الرز وأجلس أقلب فيه لحد ما يسخن الرز وأرش عليه شوية كركم ولو حبيتي رشة كاري
وأقلي بيضتين وأقطعهم وأضيفعم على الرز وأزيد عددالبيض لو الرز مافيه لحم
أما الأصناف الأخرى أسخنها مثل ماهي
مكرونة بشاميل مسقعة صواني خضار
هذي مثيزتها ماتتغير كثير ومطلوبة ومرغوبة حتى بعد تسخينها بشكل عادي


أما بواقي الخبز أخليه يجف وأطحنه بقسماط
والصامولي وممكن تغمسينه بالبيض وتقلينه للعيال مع الشاهي


وإذا البواقي فواكه على طول نقطعهم ونحطهم في الفريزر ونستخدمهم للعصير
يعني لو كنت مقطعة بطيخ أحمر وشمام وباقي منه كثير
وإذا ثلاجتي مليانة والوقت مناسب أرسله للي يستحقونه
ولو البوااااااااقي كثييييييييييير وثلاجتي ماتستوعب أرسل لأخواني وخواتي وللجيران اللي أمون عليهم ومتأكدة أنهم بياكلونه أو أرسله للمستحقين

استفدت منك الله يجزاك خير
اب
"اللهم فرج همي وكربتي واشرح لي صدري اللهم إني فوضت أمري إليك لامنجاولاملجأمن ك الااليك" اللهم اجرني في مصيبتي واخلفني خيرا منها
اللي تقرأ توقيعي تدعي لي ان الله يفرج همي


الساعة الآن 05:17 .