زوجي وزوجةاخيه

مرحبا يابنات اشلونكم عساكم طيبين
انا اليوم بغيت اعرف ارائكم فمساله تأرقنى ومادرى انا صح ولا غلط بس ابي كل وحده تخلى نفسها مكانى
انا متزوجه وعندى عيال الحمدلله واحب زوجى وزوجي يموت على
مشكلتى يا بنات زوجة اخوه
اهى طبعا بالبيت قبلى ومتزوجه من زمان اهى طيبه وحبوبه بس ماخذه على زوجى واجد وانا هالشى يقهرنى يعنى يتراسلون بمسجات يضحكون مع بعض اهو يقضيلها مشاويرها وزوجها متبرى من كل شى وصبعا اهو اخوه الكبير واخو ه اللى اهو زوجى مايقدر يقوله لا او يزعله
مثلا ساعات يوديها لمنطقه بعيده عن منطقتنا بروحهم وانا يابنات انقهر او ما تزوجت انصدمت من هالعلاقه بس كنت اكتم بقلبى وما اقوله ابيه يحس واهو و لاداري واهى طبعا مستانسه ولا على بالها يعنى هذا مثل اخوى وخلاص ما تحسب حساب لمرته ولا لمشاعرها
مره من المرات كان اهو موصلها لمنطقه بعيده رايحه تشترى اغراض لبيتها
وكانت مو اول مره واهو كان يلاحظ على انى ازعل لما يروح بس يحاول يفهمنى انه رايح لشغل لانهم كانوا يشترون اغراض لبيتهم الجديد
انا رحت ازور وحده من خواته واهى اللى فتحت معاى الموضوع وقالتلى انتى اشلون ترضين على نفسك وعلى زوجك بهالشى انا انصدمت لانى ماتكلم ولا اشكى بس لما هى بدت انفجرت وقلتلها اللى فخاطرى كله وقلتلها انا مو راضيه بس شسوى
رديت البيت وانا مشحونه واتصلت بزوجى وقلتله هذى اخر مره تودى مرة اخوك خلها تدور على احد يوديها وتهاوشنا وايد لان حجته انها مثل اخته وان انا مكبره الموضوع وقلتله اختارنى يا انا وعيالك ولا هى
طبعا اهو رجع متاسف وقعد يراضينى ويقوللى اللى تبينه بيصير ومن هالكلام
بس احته اللى كلمتنى راحت خبرت خواته الثانيات ومرة اخوه بكل شى
واتصلت فينى وحده من خواته وقالتلى انتى ماعندك سالفه انك تغارين من هالشى هذى مثل اختنا وانا رديت عليها وقلتلها لا تدخلين فموضوع ما يخصك ومحد له علاقه بينى وبين زوجى
وبعدين اتصلت على مرة اخوه نفس الشى تكلمنى بقوة وتقول شو هالكلام اللى تطلعينه مع انى يابنات ساكته ولا تكلمت الا يوم اخته فتحت معاى الموضوع
تقول انا مثل اخته وعايشين انا وياه عشر سنوات مع بعض قبل لا ياحذك واستفزتنى بكلامها ورديت عليها قلتلها انتى عندك زوج خليه يلبي طلباتك ويوديك ويجيبك ولين هنى وخلاص طفح الكيل
المهم اهى خذت منى موقف وانا ماحب المشاكل ولا احب ان احد يزعل منى
زوجى طبعا من ذاك اليوم يراعى شعورى وحتى اسمها مايجيبه جدامى ولا يكلمها جدامى
بس علاقتى مع خواته ومعاها توتت من ذاك اليوم كنت اروح واطلع معاهم بس الحين لا اهم بحالهم وانا بحالى
اشرايكم يا بنات انا غلطانه؟