شزفي ياقلبي اول ماتزوجت كانت قهوتي لونها اخضر ماااااااااااادري ليه لكني مااستسلمت لها ابدا انا وياها لما صار الكل ينهبل ع قهوتي ويسالني عنها اولا انا اشتري قهوتي من محلات الحميضي لان قهوتهم نظيييييفه وتحميصهم لها يجنن اشتري نوع اسمه خولاني الاصاله اول شئ بالدله 2ف قهوه وزعفران بين اصابعك واكثر شوي لاني احب القهوه مزعفره ونص ملعقه صغيره حليب بودره واصب عليها لتر مويه مغليييييييييه ثم اتركها عشر دقايق ع النار عشان تطبخ وفي الوقت اللي تطبخ فيه القهوه احط بالترمس ملعقه صغيره هيل واصب عليه بياله من القهوه وهي تغلي <<<<يعني قبل ماتزين القهوه واترك الهيل ينقع واذا خلصت 10 دقايق اصب باقي القهوه ع الهيل المنقوع <<<<الطريقه هذي اذا نقعتي الهيل اذا صبيتي القهوه بالفنجان مستحييييييييييييييييييييييل ينزل معك هيل لانه يكون نزل باسفل الترمس وسلامتك وبالعافيه ع قلوبكم ولا تنسين اذا طبقتيها تقولين لي عن النتايج


وادعيلي بالولاده الطبيعيه السهله والميسره
لا اله الا انت سبحانك اني كنت من الظالمين





انا اول قهوتي ماتنبغى بريال وانا مااحب القهوة اصلا
بس الحمدلله من تالي كلٍ يطلبها ويقولون القهوة علي بطلعاتنا وروحاتنا

انا كنت اشتري اي قهوة من السوق بس اللحين لا كبرت وعقلت صرت اشتري قهوة برية درجة اولى
واحمسها هنا بالبيت بالاول ماكنت احب احمس ولا اعرف بس بديت اطور نفسي شوي شوي بالاول كنت احطها بالفرن واحطها بصينية واشغل النار العلوية واقلب كل شوي بعدين صرت احمسها فوق بعيون الفرن نفسه وصارت اطعم بس مااكثر قهوة بس اللي تكفي لاسبوعين شهر بالكثير عشان ماتفقد طعمها
بعدين اطحنها طبعا واذا بغيت اسويها احط فنجان قهوة على 4كاسات موية تقريبا بالدلة حقت القهوة البضاء اخليها تطبخ شوي 10دقايق تقريبا واكون حاطه زعفران طبعا معها وعندي بهارات قهوة اخذها من حرمة بالقصيم مرة تجنن احط شوي بس يطعم واخليها تطبخ سوا يعني القهوة والزعفران والبهارات حقت القهوة واذا طبخت اصبها على ثلاثة ارباع فنجان هيل بدلة السيف الذهبية الكبيرة واخليها بس تقلب قلبة وحدة واطفيها واخليها دقيقتين بس وازلها بالترمس او احط ليفة بفمها اذا بخليها بالدلة

ماعليش قعدت اقص قصة حياتي بس والله ودي تستفيدون ترا عادي انا من زمان متزوجة بس ماعرفت اتقن القهوة الا هالسنتين تقريبا سوي دايما لين توصلين للطعم اللي تبينه

اتمنى اكون افدتك ومابي منك الا دعوة بظهر الغيب ان ربي يسهل ولادتي واولد طبيعي ويحسن خلق جنيني وخلقه ويسخر لي زوجي وعيالي ويرد اختي ردا جميلا
ياليت كل وحدة تقرا ردي تدعي لي
مافيني شي بس يمكن من رحلت وغبت ضاقت الدنيا شوي
مافيني شي بس فاقدتك
اهم شي القهوة اذا هي محموسة عدل .... والقهوة تبي طبخ تقريباً ربع ساعة
حياتي شو يعني معزب؟؟
لئني بسمعها بالمسلسلات الخليجية كتير و نفسي اعرف معناها

حبيباتي طلبتكم الدعاء لوالدي بالرحمة و المغفرة..و أن يجعل الله قبره روضة من رياض الجنة.. و يعفو عنه و يغفر له ذنوبه
طريقتي سهله ومضبوطه ان شاء الله تعجبك ابريق القهوه الصغير عليه فنجال قهوه مع كم حبة مسمار
وشوي زعفران حطي عليها مويه مغليه ثلاثة ارباع الابريق وخليها على نار هاديه تطبخ ربع او ثلث ساعه
بعدين اضيفي لها شوي حليب سايل او ملعقه صغيره كوفي مايت وملعقة صغيرة هيل خليها تغلي غلوة
وصبيها في الترمس وكيفي عليها وممكن تضيفين لها نصف كمية الهيل
والنصف الثاني من خلطات القهوه الجاهزه
واذا عندكم محل اسمه قهوة الشيوخ انصحك تاخذين من عنده قهوتهم حلوه وحمستها زينة





الساعة الآن 05:03 .