قصتي مع اللي سرقت قلب ولدي للعبره يا امهات

السلام عليكم ورحمة الله وبركاته

هلا بنات وش اخباركم مع العطله يارب تكونون مبسوطين وبحالن يسر ويديم عليكم الصحه قولو اميييييييييييييين

السالفه وما فيها يا حلوات ان ولدي عمره ثلاث سنين عساه العمر كله يارب كان يحب له وحده ويموت فيها ومشغلته وملتهي حتى عني ودايم ما تفارقه حسبي الله عليها والله اني اغار منها احسها معطيته الحنان بدالي وما قدرت ابعده عنها :angry2:
حبيبته هذي هي :04: اللهايه او المصاصه ادمان اربع وعشرين ساعه يتكلم وهي بفمه ويلعب وهي بفمه ولا بعد لازم يكون في يده وحده غير اللي بفمه يعني استبنه لو خربت يغيرها :hahaha

وكنت شايله هم اني افطمه عنها لان ادمانه عليها شي موطبيعي هوس :baby2:حتى وهونايم وطاحت من فمه يصيح ولازم نحط حواليه وقت النوم ثنتين علشان لوضيع وحده ياخذ الثانيه ونشتريها بالكرتون له تصدقون اذا طلعنا من البيت من حرصنا عليها ابوه يحط بمخباته وحده وانا بشنطتي وحده وبنتي بشنطتها وحده وحاطه عند كل البيوت من اهلي وخواتي عند كل بيت وحده احتياط لونسينا وما جبنامعنا وهو الله يصلحه عصبي واذا ما لقاها يصيح وتعلن حالة الطوارئ بالبيت الين نلقاها :11: وكنت احسه بعيد عني وسبحان الله بيوم كنت اسوي بيض مسلوق وهو عندي جالس فوق الطاوله والا تطيح عيني على المصاصه واخذها واحطها بالقدر على النار ويقعد يصيح واخذه وانزله ونحاول فيه لين سكت
ذاك اليوم عدا ويوم جا وقت نومه ويقعد يبكي ابي مصاصه قلت خلاص حطيناها في النار ويبكي:icon36: الين نام واربعه ايام وهو كل ما قال مصاصه قلت في النار واكثر ما تتعب نفسيته لاجا وقت النوم يصير يطلب اي شي ويكثر طلبات حتى لو مستحيله وانا مقدره نفسيته وقايله لاخوانه لا احد يجيب طاريها قدامه والله العظيم يا بنات انه يوم يجي طاريها ويسمع اسمها انه ينقلب حاله فجاه ويحزن وتخنقه العبره لدرجة اني انا تخنقني العبره معه:( كنه فاقد غالي من غير شر
والحين يوم تركها الحمدلله ولدي تغير اول ما كان يتكلم زين اغلب كلامه مومفهوم لانه يتكلم وهي بفمه والحين بسم الله عليه صار يتكلم زين وصار يجي يبوسني فجاه ويقول ماما انا احبكي وابغا انام في حظنكي وانا فرحانه :42: وصار من غير لا احم ولادستور يجي ويجلس بحظني ويقول صح انتي حبيبتي والله ما كان كذا يوم كان مدمن عليها كانت كل شي بحياته والحين الحمدلله :icon28: نساها تماما
هذي تجربتي اتمنى تفيد اللي عنهم نفس المشكله وادعوا له ولاخوانه بالصلاح وان الله يحفظهم وجميع ذراري المسلمين
واللي عندها تجربه من هالنوع تقولها

على فكره انا كتبت هالموضوع وانا باالحياه الاسريه وتوهقت ما اعرف كيف اوديه لقسم الطفل وما عندي استعداد اكتبه مره ثانيه هناك ولو نقلتوه هناك مشكورين بس خلو الامهات هنا يقرونه لانهم اكثر حضور من قسم الطفل