Analysis Services
انا عن نفسي حللت ولا ماحللت ماعجبني الموضوع ماارد واطلع من الموضوع بقلب بارد لان مو هي الي تحللني والا تبيحني طنشوهم بس
13-08-1429 هـ, 12:08 صباحاً
 
ايه والله انك صادقه جبتيها عالجرررررح xxxxxxxxxxxx (تم الحذف بواسطة المشرفة الرجاء اختيار كلمات أفضل)

لاااااااا كله كوووووم واللي تقووول مااحلل اي وحده تقرا موضوعي ولا ترد ..؟؟؟؟؟؟؟؟؟؟؟


خير ان شاء الله اصلا اللي زي كذا اطلع من موضوعها لعانه بس .... مااااااابي ارد مو بالغصب

ناس فاضيه تحسب كل الناس فاضيه مثلها .....
13-08-1429 هـ, 12:20 صباحاً
 
السلام عليكم

عزيزتي اشكرك على طرح الموضوع ولكن قمنا بالتعديل على العنوان وايضا حذف بعض الكلمات مثل (بعدين مع هالعضوات) لانه عالم حواء دائما يدعو لاستخدام كلمات طيبة في النقاش والحوار ومثل هذه الكلمات في توجيه الكلام للفئة المقصوده بالموضوع لن تؤدي الغرض من الموضوع والنصيحة فان اردت النصيحة يا الطيبه علينا نوجها باسلوب طيب فان كنت تضايقتي وتعيبين في موضوعك على كلمات تزعجك مثل جملة (ما احلل ولا ابيح) ثم يكون عنوانك فيه تنفير فهذا لن يؤدي الغرض من موضوعك لذا تم التعديل وحذف بعض الكلمات

على كل وددت ايضاح بعض الامور وليس دفاعا لاني من الاساس لا اكتب هذه الجمله نهائيا
ولكن وددت توضيح بعض النقاط


نموذج اول
التاجرة عندما كتبت هذه الجملة اعلمي انها لم تكتبها الا بعد ما رأته من بعض الزبونات الله يهديهن
للاسف يمر علينا زبونات تسألك عن كل صغيرة وكبيرة (وهذا حقها ويجب اجابتها لانها تريد تشتري وحقها تعرف كل شيء بالتفصيل)
لكن تقوم الزبونة وقتها بارسال ولا 10 رسائل او 15 رساله احيانا وكلها استفسار رغم انه احيانا كل شيء موضح بالموضوع بالشكل وبالصورة والسعر والتفاصيل وكل شيء بس ما تكلف نفسها الزبونه تقرأ المكتوب ليه ما اعرف؟

المشكله والمصيبة الكبرى عندما تاتي الزبونة وتاكد انها تبي تشتري وتقولك احجزي لي ولا تبيعيها لاحد غيري
وتحجزيها لها وتقولك تكفين لا تبيعيها على اخر الشهر بحولك والتاجره تنتظر وتقولها طيب وفي الاخير تطنش وما تشتري رغم انها تسجل دخول يوميا وترد ردود وهذا الشيء ما يجوز شرعا لانها بمجرد حجزها للبضاعه واتفاقها مع التاجر او البائع لازم تلتزم لانه يعتبر العقد تم بين البائع والمشتري ولانه التاجره او البائعة تكون عطلت هالطلبية عشان البنت وفي الاخير بكل بساطه وبعد كل هالتعب والحجز وضيعت البائعة عليها بيعه ثانيه حضرة الزبونة غيرت رايها طيب ليه تاكدي ما دام ما تبين تشترين؟!!! ولا تطلب الحجز ايضا لاسبوع واتنين وبالاخير ما تبي تشتري!!




نموذج ثاني
بعض العضوات وللاسف فقط (فضول ولقافة) تسوي نفسها تطلب طلبية وتطلب رقم الحساب للتاجره فقط عشان فضولها يذبحها وتبي تعرف هالتاجره من أي عائلة من خلال رقم الحساب فتدخل رقم الحساب بالصراف ويطلع لها الاسم او من خلال الانترنت ويطلع لها الاسم يعني بس تبي تعرف هالتاجره من اي قبيلة او ايش اسمها او اسم عائلتها ....!!! وللاسف هذي كثيره





نموذج ثالث
فضول بس لمعرفة الاسعار والاشياء يعني هي لا تبي تشتري ولا في نيتها الشراء ابدا فقط فضول لديها تريد معرفة السعر او تريد رؤية البضاعه يعني بالضبط مثل بعض النساء اللي نشوفهم يدخلون بعض المحلات تقلب المحل فوق تحت عند البياع وبالاخير تقوله ما ابي وهي فعلا داخله بس تتفرج ما تبي تشتري ابدااااااااااا لا الحين ولا بعدين بس كذا فضاوه

يعني التاجرة لما تكتب هالجملة (ما احلل اللي تسال او اللي تطلب حسابي وهي مو جاده) فتقصد فيه النماذج اللي ذكرتهم وما تقصد فيهم الاشياء اللي قلتيها مثلا اللي تسال بشكل عادي او تطلب السعر هذا عادي بتطلب وبعدين اذا ناسبها بتشتري او ما بتشتري هذا شيء عادي والتاجرات ما يقصدون اللي تسال وهي في نيتها الشراء


انت تتكلمي من باب انك مو تاجره لكن لو كنتي تاجره بتعرفين قصد التاجرات اللي كتبوا هالشيء وانهم ما كتبوه الا بعد اللي شافوه من لقافة وفضول بعض النساء بدون جدية للشراء نهائي او بس لمعرفة رقم الحساب ومنه اسم القبيلة او خلافه للتاجره

اتمنى الان تكون اتضحت الصورة بالمقصود باللي تكتبه التاجره (ما احلل اللي تسال بدون جدية او اللي تطلب رقم حسابي بدون جدية) المقصود النماذج اللي ذكرتها وليس الذي قلتيه

وهذا الكلام اقوله من ملامسة للواقع فمو من حقنا لا كمشرفات ولا ادارة اننا نمنع اي تاجره تكتب هالشيء بموضوعها

اما بالنسبة للي تكتب (ما احلل اللي تقلد منتجي) فهي لها الحرية بذلك لانه ان كانت هي اخترعت شيء لها الحق لو حبت تكتب هالجملة تكتبها لانه للاسف في بنات همهم فقط سرقة مجهود الغير وتقليدها وهذا الشيء ليس جيد ابدا (اما بيع بضائع متشابهه متوفرة في السوق) فهالشيء عادي وما فيه مشكله ولكن نحن نقصد الشيء اللي يكون فيه اختراع لمنتج او تصميم منتج من مجهود شخصي ..

واما بالنسبة للي تكتب ما احلل من تستخدم المنتج بشيء حرام (فهي بالتاكيد ما تقصد اللي اشترته بالجمله وباعته على احدثاني وهالثاني استخدمه بحرام .. هي تقصد مثلا واحده تبيع مثلا عطور جات بنت اشترت العطر واستخدمته بره وتعطرت عند الرجال فهي تبريء ذمتها من اللي اشترته مباشرة منها عشان تستخدمه بالحرام)
وليس المقصود الذي ذكرتيه بانه اللي اشترت مثلا جمله ونيتها سليمه باستخدامه وباعته على غيرها وهالاحد اللي اشترى هو استخدمه خطأ هي ما تقصد هذي تقصد اللي تشتري منها مباشرة لتستخدمه في شيء محرم


ان شاء الله تكون الان الصورة اتضحت بما يخفى على العضوات الغير تاجرات من امور تحصل مع التاجرات ادت بهن لكتابة هذه الجمله

فنرجو ايضا من العضوات ان يكن على قدر من المسؤولية وان يكن جديات في طلباتهن وليس لاجل الفضول فقط وليس هناك نيه في الشراء وعدم تضييع وقت التاجرات من دون النية في طلب الشراء لان التاجره ايضا لها بيتها والتزاماتها وليست مجرد آلة فالرسائل تاخذها منها وقت وجهد وتعب

لها نيه في الشراء فعلا تطلب التفاصيل والسعر وان اعجبها تشتري ما اعجبها لا تشتري لكن لازم يكون في جدية وتكون ناويه فعلا الشراء مو مجرد سؤال لاجل السؤال والفضول لا اكثر


واخيرا اود ان اشكرك على الموضوع وعلى ما ترينه واختلاف الراي لا يفسد للود قضية

ونتمنى من العضوات اللي يكتبون هالجملة دون داع لكتابتها ان يبتدون من اليوم بالتوقف عن كتابتها على امور لا تستحق ان تكتب لها . وانا لا اشجع على كتابتها لاني شخصيا ما احب استخدم الجملة هذي نهائيا ولكن احببت توضيح بعض الامور الخاصه بالتاجرات واللاتي يتعرضن لها وتخفى عليكن

كما ونرجو من جميع الاخوات اللي بيردون بالموضوع ان لا يتحول الموضوع لعرض اراء بمنتجات او بالتاجرات لانه في حال تحول الموضوع من النقاش في صلب الموضوع لنقاش حول امور اخرى خاصه بالبضائع او المنتجات والتاجرات فسيتم حذف الردود الخارجه عن صلب الموضوع كما نرجو من جميع العضوات اللاتي تم التعديل على ردودهن ان يكتبن رايهم دون الداعي لكلمات غير لائقة ..


وشكرا
13-08-1429 هـ, 02:18 صباحاً
 
اقتباس مشاركة  (لانوثتي طعم آخر!!)
ايه والله انك صادقه جبتيها عالجرررررح xxxxxxxxxxxx (تم الحذف بواسطة المشرفة الرجاء اختيار كلمات أفضل)

لاااااااا كله كوووووم واللي تقووول مااحلل اي وحده تقرا موضوعي ولا ترد ..؟؟؟؟؟؟؟؟؟؟؟


خير ان شاء الله اصلا اللي زي كذا اطلع من موضوعها لعانه بس .... مااااااابي ارد مو بالغصب

ناس فاضيه تحسب كل الناس فاضيه مثلها .....
عزيزتي
بالنسبة لللي قلتيه بخصوص اللي تقول (ما احلل اللي تقرأ وما ترد)
فهذا موضوع مختلف وفعلا ما له داعي هالكلمه ابدا في هالحالة لانه من الاساس ما يستدعي الموضوع انه تكتب هالشيء وللانسان الحرية في الرد من عدم الرد
فمثل الحالة اللي ذكرتيها فعلا لا ادري ما الهدف من كتابتها
13-08-1429 هـ, 02:43 صباحاً
 
اقتباس مشاركة  (نــــــــــوال)
سويت قيرل

يوووووووووووه ياما تكلمت بخصوص هالكلمه


لكن لا حياة لمن تنادي


هم لو يتذكرون شي واحد بس انهم في القبر يحتاجون من يحللهم ويبيحهم ولا يلاقون احد وقتها راح يحرمون يحطون هالكلمه

بعدين وش الشي المهم اللي يحتاج كل هالكلمه والله

خلاقين وملابس واكل وبهار واكسسوارت واجهزه وكلها بالسوق

حتى الطبخات طلعت لا احلل ولا ابيح هههههههههه

والمصيبه يجون ينسخون الطبخات من المنتديات ويطبعونها اما كتب او ملازم بعدين لا احلل ولا ابيح

كلام وهو كلام لا ومنسوخ بعد ولا احلل ولا ابيح

العلماء وهم العلماء اللي كتبوو والفووو ما قالو هالكلمه

الاطباء وهم الاطباء اخترعووو واكتشفوو ما قالوو هالكلمه

المصممين والمبرمجين ما قاالو هالكلمه

الرسول صلى الله عليه وسلم قال بلغوو عني ولو ايه

وانتم لا احلل ولا ابيح

لا حول ولا قوة الا بالله

هلا بك عزيزتي
لكن من قال ان المهندسين والمبرمجين والمخترعين ما عندهم مثل هالامور
هم يمكن ما يكتبوا كلمة (ما احلل وما ابيح) لكن في عندهم كلمة دائما يكتبونها كحفظ للحقوق ويتلاحق قانونيا
اللي يقلد او اللي يتعدى على حقوقهم او ينسبها لنفسه او حتى يستهتر بوقتهم
مثلا المبرمج او المصمم لما يكون التصميم والبرمجه (مهنته اللي يترزق منها) ما راح يصمم مجانا الا ان كان هو هاوي حب يصمم مجانا

لكن مثلا لما تكون مهنه له فما راح يصمم مجانا لازم عضان يضمن حقه يندفع له عربون وايضا في حفظ حق لتصاميمه

ونفس الشيء بكل مهنة او مؤلف لكتاب

وبما انه هنا التاجرات اعمالهم فردية وليست شركات يعني يترزقون بمجهوداتهم فمن الصعب انه يكون عندهم محاميين وحفظ حقوق وبالتالي ما يكون عندهم الا انه يكتبون هالكلمه ببعض الاحيان

ينشر الانسان علمه نعم ينشر معرفته نعم وهذا شيء رائع
لكن مو من حق احد اخر ينسب هالشيء لنفسه مثل الناس اللي تاخذ موضوع تعب فيه شخص اخر وكله فوائد
ويجي شخص اخر بكل بساطه ينشره بمنتديات ثانيه ويسوي نفسه هو اللي كاتبه بهالحالة المفروض يذكر المصدر على الاقل او اقلها يكتب كلمة (منقول) بدل نسب الموضوع لنفسه

اما بعض الحالات الاخرى بيكون فعلا ما في لها داعي هالجمله

مع العلم اني ما احب اكتب هالكلمه بمواضيعي لكن ما اقدر الوم التاجره اللي تكتب هالشيء ان كان يستحق كتابة هالكلمه او ان كان فيه داعي لكتابتها

اما لو ما كان فيه داعي لكتابتها من الاساس ففعلا ماله داعي

يعني مثلا واحده تبيع شي موجود بالسوق ثم تقول ما احلل اللي تسرق فكرتي وتجيب نفس بضاعتي (فهذي فعلا صادقه فيها يا نوال مالها حق ابدا) شي موجود بالسوق ثم تقول ما احلل اللي تسرق فكرتي وتجيب نفس بضاعتي!! فعلا بهالحالة يا ليت تترفع الاخوات عن كتابة هالجملة

وشكرا
13-08-1429 هـ, 02:47 صباحاً
 


الساعة الآن 01:13 .