Analysis Services
البيض يكون بارد؟؟ ...يعني اتطلعينه من الثلاجة وتستخدمينه على طول؟؟هذي اكبر غلطة.
وباقول لج على كيكة رائعة ..غصب تنفش عندج ..وباقول لج مع التعليمات بالضبط ..بس بشرط ..اتسوينها الحين ؟؟ايش رايج؟
14-10-1424 هـ, 08:39 صباحاً
 
السلام عليكم
يالله أختي الحلوه سوسن انا موافقه المهم يجي زوجي من العمل ويشوف كيكه أممممم لذيذه مثلك
أنا بانتظار الكيكه.....
بس لو مانجحت لاسمح الله راح أحرم أسوي كيك مررررررررره.
14-10-1424 هـ, 08:48 صباحاً
 
اختي غدير :اليكي المقادير:بيض وحليب وزيت وطحين وباكينج بودر فقط لاغير


6 بيض بحرارة الغرفة مع قليل من الفانيليا

2 كوب سكر عادي(الكوب المعياري عادة يكون نفس علبة الروب --داندي مثلا ..اظن انه 125 مل)

1 كوب زيت (نفس حجم الكوب المستخدم لا تغيرينه)

1 كوب حليب سائل(يخلط 3 ملاعق طعام حليب بودر مع الماء ليصل الى كوب واحد)

2 كوب طحين منخول مع 2 ملعقة صغيرة باكينج بودر (الملعقة اللي ناكل فيها الحلويات)

الطريقة:افتحي الفرن من الاسفل على حرارة متوسطة (180)
يخفق البيض بالخفاقة الكهربائية 5 دقائق ..ثم نضيف السكر ونخفق 10 دقائق..
ثم نضيف الحليب ونخفق ثواني ونضيف الزيت ونخفق ثواني ثم نضيف الطحين ولكن نخلط بالملعقة الخشبية وباتجاه واحد ..ونخلط قليلا حتى يختلط جيدا فقط ولا نزيد الخلط في هذه المرحلة
صبي الكيك في القالب المدهون
بالزيت والمرشوش عليه قليل من الطحين ..ثم حطيه في الفرن في الرف الثاني من تحت ( الرف يكون اقل من الوسط برف واحد)
لا تفتحين الفرن الا بعد مرور 30 دقيقة ..ولكن قد يحتاج الى 45 دقيقة

وبس ..اذا انجحت عندج .وانا متأكدة وباذن الله انها تنجح .با قول لج على الاضافات الاخرى ..ويالله خبريني بسرعة بالنتائج
14-10-1424 هـ, 01:13 مساءً
 
من خلال منتدانا الحلو قريت مره انه الأفضل بعد ما نطفي الفرن ما نطلع الكيكه على طول لا
نخليها لحد ما تخف الحراره عليها وهي داخل عشان الفرق في درجة الحرارة بين الفرن وجو المطبخ
أتمنى قلت شي مفيد
15-10-1424 هـ, 07:20 صباحاً
 
16-10-1424 هـ, 06:06 مساءً
 


الساعة الآن 02:28 .