ارجوا من المشرفات عدم حذف الموضوع0000
بخصوص ردودي الخمسة بوضوع الاخت همسات مجروحة اسأل الله القدير ان يفرج كربها ويرزقها بهداية زوجهاويرده اليها ردا جميلا 000
احب ان اوضح اني استأت كثيرا من رد وحدة من الاخوات لي واتهامها لي باني اصدرت حكما على زوج همسات مجروحة بالزنا ولان الموضوع مقفل بحط كلامها بلون اخضر وبعدين بحط كافة ردودي بالموضوع واسألكم بالله تحكمون بالحق هل انا هجمت على البنت مثل ماقالت او قلت ترى زوجك رايح يزني اصلا كلامي موجه للبنات اللي يقولون طنشي ولمن اكلم صاحبة الموضوع ادعيلها بس00
اليكم ردودها علي بالاول
اختى بنت المؤمنين اتمنى تخفين اسلوبك على البنت شوى اعتقد الى فيها مكفيها
وانتى حكمتى خلاااااااااااااااص انه زااااااني ولالالالازم يرجم
هذا الكلام لايجووووووووز
كل من لقينا عنده مقوى جنسي قلنا زانى ولازم يرجم انا مادافع عن الرجال ولا ادرى وش نيته
بس الزانى لايرجم الا بشهود لايقولو عن 4 اشخاص ولازم تكون رؤيتهم للزناا بالعين شروط كثيره انتى حكمتى خلاااااص ولازم تتركه وتطلع من عنده وحراام تعيش معااااه
خيررررررررر الاسلام مو بالقوووووووه مو انتى الى تحكمين عليه بالرجم؟؟
الله المستعااان اذا عندك خير قوليه واذا غير كذااا راجعى نفسك بالكتابه قبل المرأه عندها اطفاااال وش هالهجووم
انا ماأنكر ان ردك الاول عجبنى بس بعده مع احترامى لكى قمتى تخبصييييييين
اتمنى قبول ردى برحابه صدر
والله يكون بعون صاحبه الموضوع مالك منا الا الدعاء
اي رحابة صدر الله يهديكي ويهديني كل ابونا
وهذا الرد منها على بنت عزوز
طيب اختى كلنا عارفين ان حق الزانى بالاسلام الرجم ؟؟؟ مو جاهلين بديننا لهدرجه
بس حديث عن الرسول صلى الله عليه وسلم (( قل خير او اصمت)) يعنى صاحبه الموضوع الى فيها مكفيها
يعنى هى قالت تبي احد يواسيها ويخفف عليها مصيبتها
طيب اختي انتي شايفة كلامي مو موجه لصاحبة الموضوع وانا قايلة بردودي هذا الشئ وترى البنت قالت ارشدوني كيف اتصرف بسرعة ورغم كذا ما قدمت لها نصيحة من عندي او افتيت عليها بفتوى بس دعيت لها وترى انا ارسلت لك بالخاص لكن لمن شفت ردك على بنت عزوز قلت ما راح اسكت لازم اوضح موقفي واخلي البنات يشهدون بينا
وهذي يا اخواتي بنات حواء كافة ردودي من الرد الاول لين الاخير وانا راضيه بحكمكم وان شفتوني غلطانة والله راح اعتذر لها رغم اتهامها ليه بالهجوم على صاحبة الموضوع وانا ماهجمت عليها وايضا اتهامها بالتخبيص00
الرد الاول
ايش اللي تاخذ الاغراض وتضيعها 000والله انكم فاضيين يعني تجلس تلعب معاه وتخبيها عنه وهو يقوم ويشوفها عادي عرفت بس مخبية الاغراض وساكتة 00ماراح تفرق معاه بشئ000يعني بالدولة اللي بيروح لها مايقدر يشتري والا الاغراض هذي ماتنباع الا عندنا بس00((تصرف ماله داعي))
انا من رائي انك تكونين جريئة في الحق طلعيها ومو فوق الشنطة لا حطيها عند مكان اول ما يصحى يشوفه00لازم من المواجهة وشوفي ابش له وجه يتكلم اذا حس بذنبه في حق نفسه وفيكي وفي عياله بيتوب وبيرجع اذا والله اصر انه يسافر ويخلي الاغراض ايهاما لكي انه تاب ورجع لعقله ((ان كنت مكانك خيرته بيني وبين الحرام الي رايحلة والا معاد بيشوف وجهي )) المسالة مو هينه ذكريه بعقوبة الزنا وان من يزني بمئات والوف الدراهم راح يزنى باهله ببلاش ولو بجدار بيته خليكي صارمة بها الموضوع اي شئ ممكن يتعدى الا العرض والشرف وقلة الحياء من الله وقوليله انت قدوة لعيالنا مصيرهم بيعرفون سبب سفرك لوحدك لا كبروا كيف ترضى على نفسك تصير ذليل لشهواتك قدامهم ما راح يشوفونك الاب المبجل بعد كذا وذكريه بان الله بكل مكان واذا اصر انه يروح قوليله روح يمكن الله يقبض روحك هناك وتموت ومن مات على شئ بعث عليه واشطبنا من حياتك دام فضلت الحرام علينا000
((اخاف تجيء وحدة وتقول يمكن قصده شريف والاغراض مو له لصديقة اقولها ارتاحي بس 00كل شئ نتهاون فيه الا العرض والشرف ومخافة الله )))
الثاني
بالله شوفوا كلامي موجه لصاحبة الموضوع والا البنات
انا اقول الرجال اللي يسافرون ليه يكررون السفر سنويا وحريمهم يسكتون مقابل فلوس يعطيها والا تمشية اسبوع وطقها بالبيت000
اثارينا ضعوف ودجاج بعد نرضى باي شئ 000
وما الوم الرجال خذوا وجه بزيادة عالسفر00من ردود افعالنا اللي تجيب الكأبة وتفت القهر بالقلب ((اجل هذا رد يوم وحدة تقول لاتزعلين اهم شئ الا الزعل انتبهي كلميه بدون زعل))) هذا اللي ناقص ليه ما تطبطب على ظهرة احسن وتقوله روح الله يوفقك000من باب انه حساس لاتبينين زعلك قدامة وانتي بعد مايروح ازعلي وطقي راسك بالجدار اهم شئ ابو الشباب مايتنكد0000000
((((والله اساليبكم غريبة من كذا تعودوا عالسفر والدوجة وقلة الحياء من الله صاروا يسوون مابدالهم لانهم مايلقون اي معارضة او حتى امتعاض بدعوى لا اخسرة))))
اللي كذا ارميه وارمي وراه سبع حجارة انا بنت ناس ومتربية ونفسي عزيزة علي ما اقبل اعيش مع واحد حلاله وحرامه واحد00
000000000000000
انا مقهورة الا بنفجر بعدين لا اشوف وحدة تشتكي ((زوجك على ماتعودينه عودتيه عالخنوع والسكوت على منكراته بيتعود وانتي كل سنة ابكي وارسلي مسجات له بالسفر ترى مو داري عن هوى دارك ومسجاتك لانه ماحس فيكي من الاول شايفكي ولا شئ يروح يعربد وانتي دارية وساكتة ولمن يرجع من السفر بيحط نفسة زعلان من مسجاتك عشان يقلب الطاولة عليك ويخليكي انتي تبررين المسجات وانك محتاجته وهو يبعد الموضوع عن نفسة
هذا ان قرى المسجات اصلا بعضهم مايفتح الجوال الا هنا بالمطار وهناك ياخذ شريحة ثانية
ترى كل هذا الكلالالالالالام مو لصاحبة الموضوع 000الكلالالام للي يقولون اهدئي ولاتبينين انك زعلانة ان مازعلتوا وهو يسوي حرام متى تزعلون
لكن الطامة الكبرى لمن الواحد بيتزوج بالحلال ومن بنات البلد ويعدد وهذا شرع الله تزعلون عندي يتزوج على سنه الله ورسوله وحدة حرة نظيفة زيي زيها ولا يهيت مع الفاجرات بالحرام ويجيني00ايش خلى الرجال كذا الا ان بعض الحريم تهمله طول السنة ولاجاء وقت الاجازة صاحت وناحت طيب اعطيه حقوقه الشرعيه لين يقول بس ويمل والله وعد ماراح يسافر اشوف عينات كثيرة طول السنة انواع الجفاصة مع زوجها ولمن تجي الاجازة تقلب وتمثل دور المظلومة وانها تهتم فيه وليالي وخرابيط بس معاد ينفع هذا الاسلوب مع الرجال تخيلو وحدة يطلبها زوجها للفراش تقوم تقوله انا حاطة مكر بشعري عشان الدوام بكرة وانت بكيفك لا وتقول حايلني ولا عطيته وجه اقولها جنتك ونارك زوجك طيعيه تقول ياسلام واتروش من جديد واسشور وامكر شعري مرة ثانية عشانه
وتعالوا شوفوها لمن يسافر تتحطم وتضرب عيالها من القهر
الحين انقهرتي
(((((((((خااص لصاحبة الموضوع ))))))))))))
انا ما ادري ايش صار معاك لكن ارجوا من الله ان يكون زوجك اهتدى ورجع عن السفرة بنفس راضية واتمنى من الله ان يعصمه عن الحرام وخلي دعائك له كذا على طول ))
الرد الثالث
وكل مابغيت اكلم صاحبة الموضوع اخصها بالكلام
شوفو هذا سعودي منا وفينا شوفوا ويش يقول عننا وعن تخاذلنا وخنوعنا وكننا جواري كلامة بخليه بخط عريض
أصلا الحريم يستاهلون هم اللي خلوا أنفسهم لعبه بين يد هالكلاب وإلا لو الوحدة عندها عزة نفس تلقاها مثل الجبل الأشم وإلا مثل الخشم الواقف مثل السيف ما يهزه ريح لكن بعض النسوان مثل الدجاجة الصقعاء
وبعض الرجاجيل مثل بيل كلنتون يحتاج له من يخيط وجهه وقفاه ...يانعنبو الفضائيات خلت الواحد مثل البهيمة ..
مو انا اللي قلت هو اللي قال انو احنا دجاج معنى كلامه ان الرجال يعرفون الحرمة لا كانت مستسلمة وراضية ((دجاجة على قولته))ويعجبه الحال لانها معطيته الضوء الاخضر بدون ماتدري بسكوتها واستسلامها
يا اخوات في اشياء ينسكت عليها وتنبلع 00وننساها
الا الحرام لاترضونه على انفسكم
فمن يهن يسهل الهوان عليه
والا حدود الله حذاري ان تنتهك او انك تساعدينه في انتهاكها
((صاحبة الموضوع قلبي معك وعسى المانع خييييرا ان شاء الله)))
الرد الرابع
وكان ردي على الاخت غدير شاهين
الرسالة الأصلية كتبت بواسطة غديرشاهين »
راح من بالنا انه عقابه رجم حتى الموت .. يعني مش موت او اعدام يعني .. لاااااااااا تعذييييييييييييب حتى الموت
حسبي الله عليه وعلى امثاله .. ربنا يمهل ولا يهمل ... راح يتعاقب الا اذا ربنا هداه .. وكمان الزوجة اذا سكتت على اساس انه صبر .. برضو حرام .. هذا زاااااااااااااااااااااااااااان ي .. و متزوج كمان ... مقهورة جدااااااااااااااااااا منه ومن صاحبة الموضوع .. لانها قالت انو خليه يسافر لانه دافع فلوس ..
والله ياغدير ماراح عن بالي هذا الشئ والا ايش اللي يخليني اعصب زي كذا00
يعني الله حكم عليه بالموت رجما بالحجارة لانه لايستحق الحياة دام هو من المفسدين في الارض00واحنا نقول اهدئي وكلميه بهدوء00
اذا الوحدة ماثارت غيرتها وحميتها على حدود الله اللي استباحت وهي تدري وراضية اجل متى تثور00هذا شرع الله ولو يطبق عندنا بحذافيرة كان ماشفنا خيانات وزنا واغتصاب وجرايم لها اول مالها تالي انا ما اقول ان كل اللي يسافرون يزنون لكن بعضهم والا ليه يسافرون كله عشان الطبيعة والآثار ((تراهم كسالى اثار المملكة مايعرفونها ولا بالدراسة فالحين))وفجأة يصيرون علماء من هواة السياحة والاثأر والطبيعة 000ترى معليش بقول انهم يضحكون علينا00
خذوا عندكم مرة سافرت مع زوجي لبلد عربي على فكرة من يوم ماتزوجنا عمرة ماسافر لحاله 00ودخلنا مطعم على اساس نتعشى وجينا متأخرين وكان فيه مسرح وقلنا عادي خلنا نتفرج ويجي فنان ويغني لكن بعد ماتعشينا مانشوف الا البنات يرقصون و90% من اللي جالسين سعوديين والعوايل فيه سعوديين بس قليل قلنا بنحاسب ونمشي وانتظرنا الحساب الا كمان الجرسون جاي ومعاه خمرة ويقول اتفضلو واي نوع تبغون زوجي هنا فلتت اعصابه وقال قومي مالنا قعدة قلت والحساب قال عند الباب احاسبهم ((هذا واحنا قايلين للتكسي اللي وصلنا نبي مطعم محترم ))واحنا طالعين وانا اتحسر على الشباب الموجودين اللي بداء بالشرب واللي يرقص مع البنات واللي يشجع واللي يشيش ومبحلق عيونه هذي بداية السهرة واحنا طلعنا كيف نهايتها غير لمن وصلنا الفندق اللي ساكنين فيه زوجي قال اسبقيني لين اطمئن عالاشياء اللي حاطينها بالامانات وجاء بعدي على طول ولقي الغرفة اللي جنبنا بابها مفتوح ودخل غلط يحسبها غرفتنا الا فيها وحدة الله لايبلانا عالسرير لوحدها في وضع مزري خرج وجاني مفجوع وقلي تعالي شوفي كيف مسوية جيت عند الباب وماقدرت الا عامل التنظيف يقول لزوجي بعد مادخلت غرفتنا اذا عجبتك ادخل عندها غرفتها وراح00000 تنبسط ؟؟؟
هذا وانا معاه ظنكم اللي يروح لحاله يقدر يمسك نفسه والا اللي يروح للاثار ويتعرض لهذي الاشياء عادي ماراح يتأثر
الرد الخامس
وكان على الاخت غوالي برضه مو لصاحبة الموضوع00
الرسالة الأصلية كتبت بواسطة غوالي »
الله يعينك يا صاحبة الموضوع وطبعا الحين احنا نكتب وكل شي انتهى .
لكن حبيت انبه على بعض البنات اللي يقولون انه بمجرد ارتكابه للحرام تطلقين منه , وهذا غير صحيح, فلا تطلق منه الافي حالة الكفر الصريح والعياذ بالله.
الله يفرج همك وطمنينا عليك.
غوالي ياقلبي اسالي اي شيخ انو اذا ثبت الزنا على المحصن يجوز تقعدين معاه والا لا 000
زين ان ما قلك بلغي عنه ربي اوجب القتل بالرجم وانت بتستنين لين يكفر بالله 00
ترى الزنا من كبائر الذنوب ويستوجب القتل للمحصن هذا شرع الله الله حرم عليه الحياة وانتي تقولين لا اسكتي عنه واجلسي لين يكفر بالله 00
لكن خليني اقول يمكن ماتعرفين حكم الزناة المحصنين لذلك انصحك بقوقل ففيه كل شئ ويكفي قول الله تعالى ان الزاني لاينكح الا زانية 00وانتي تبين وحدة عفيفة تجلس مع زاني 00
هذي ردودي كانت حول تعليقات البنات واعتقد اني كنت مؤدبة معهم ولا قلت انتم تخبصون ولاشئ والاختلاف لايفسد للود قضية اي نعم نختلف بس مانتهم بعض بتهم باطلة واقول انتي تخبصين بعدين اجي اكحل الموضوع واقول اتقبلي الكلام برحابة صدر0000؟؟؟
كم مرة اقول لمن مايعجبنا موضوع اوتعليق بلاش نكتب ونتعب اصابيعنا في ردود مسيئة خلاص شئ ماعجبني مو لازم اعلق عليه واذا مرررة ما قلبي طاوعني عالسكوت اكتب رد مؤدب مو اجرح اللي قدامي
لا يجيكم سكر وضغط :(