Analysis Services
  • «
  • 1
  • 2
  • >
  • »
السلام عليكم
خطر على بالي مشروع بس ماعندي اي خلفيه وياليت اللي عند فكره يطرحها او اذا كان فيه ناس متخصصه لدراسة مشاريع او اي مساعده يدلنا عليهم

وانتم اهل الكرم ياعالمي عالم حواء وانا استاهل

مشروعي اللي تخمر في راسي مشروع لانتاج ملابس الاطفال البناتي والولادي والمواليد
هل هذا يعتبر مصنع واذا كان كذلك وش يتطلب من الالات
والاقمشة المستخدمه من وين نوفرها والملبوسات الشتويه نسيجها نصنعه

اقولكم انا ميح بس اخطرت الفكره ببالي واعجبتني وودي نصنع ملابسنا بانفسنا بمايتوافق مع

ديننا وعاداتنا والمشاريع ناجحه بسوريا ومصر بس مااسمع ان عندنا في السعودية شي مثل كذا
طبعا من كلامي بتقولون ماشاء الله اكيد مبنكه الاخت(يعني فلوسي كثيره لغير الناطقين)

اقولكم لا والله انا ماعندي رأس مال كبير لكن افكر ابتدي بمشروعي على البسيط وبعدها نكبر شوي شوي
وماادري ايضا هل يكون المشروع نسائي علشان اشرف عليه بسهولة بدون مااقلق زوجي

مع العلم اني موظفة يعني مانيب فاضيه بس اللي اثق فيهم كثار ولله الحمد وناوية ان سهل الله

اخلي جميع الكوادر وطنية (ايه سوق الخضره مهوب احسن منا) <<<<مابين القوسين مزح لاحد يعلم
والا اخليه رجالي وافك عمري

بعد كل هالقرق كم تتوقعون يكلف المشروع
اللي يقدر يساعدني يتفضل مشكورا
14-10-1424 هـ, 06:46 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عزيزتي نوره ترى عندنا بالسعوديه مايعترفون بالصناعه المحليه وانصحك ماتغامرين عليك بشي يوكل وانا اختك طيعني وما رح تندمين .
بعدين انت تبغين تخربين بيت مذر كير وجاكادي وادمز.......الخ لالالا حرام تسوين فيهم كذا.
واذا ملزمه سوي مشغل نسائي ولاتنسين ان العماله الجيده عنصرأساسي لنجاح المشروع.
وقبل كل شي عليك بالاستخاره.
18-10-1424 هـ, 01:18 صباحاً
 
عزيزتي lololo
الحين خلينا من المشروع انا فرحانه ان احد عطاني وجه
ابطير من الفرحة ................................لاعاد والله امزح واعرف ان اللي عنده فكره او راي ماراح يقصر

ايوه نرجع لموضوعنا
اختي بلاش التحطيم من البدايه يكفي زوجي اللي عطاني رقم خيالي لبداية المشروع على بالي اقتصادي وابيه يدرس لي الموضوع
طيب الفكره ناجحه في مصر وسوريا
هذا عدا ان شغلي يبي يصير للطبقه المتوسطة وانتي عارفه ثلاثة ارباعنا طبقه متوسطه
لان عندي وعندي كثير من اللي اعرفه توجه قوي للمقاطعه فليش مانصنع
وبعدين الذوق له دور
وانا ذويقه ومتأكده ان شغلي يبي يطلع تمام (ياشين زود الثقة)
عدا عن ذلك رغبة في توظيف المواطنات يعني يبي يصير فيه نوع من الدعم والدعايه مع انه ويعلم الله مهوب الهدف من توظيفهن هذا
21-10-1424 هـ, 04:30 صباحاً
 
أنا متأكده من شعورك وفرحتك بالرد عارفه ماهو من زين ردي بس أنه أحد رد عليك هذا نفس شعوري لمن القى أحد راد علي
بالنسبه للمشروع أنا ما أحكم عليه بالفشل
بس عادة أحنا ملولين ونتحطم بسرعه والشغله الي زي كذا يبغى لها طووووووووولة بال وعلى قول زوجك مصاريف موهينه
بعدين احنا صح اغلبنا من الطبقه المتوسطه بس ينطبق علينا المثل الي يقول (فقر وعنطزه)
23-10-1424 هـ, 11:14 صباحاً
 
اختي العزيزة نورا
ترى المشروع الي اقترحتيه مو سهل بالمرة. يعني الواحد يبدء على بسيط , اما اذا كنت مليونيرة والخسارة ما تهمك هذا شيء ثاني .

اقترح عليك تغيير المشروع من فكرة تصنيع اللي يبيلها راس مال عملاق للعمال و الماكينات والمواد. الى فكرة على القد و تناسب المراة اكثر مثل الاستيراد من الدول اللي تسافريها و البيع في محل كتكوت كبداية . و مراعاة انتقاء بضاعة مميزة مو اي كلام لان الملابس ترس البلد و الناس مش مجبورة تشتري منك .

يعني سوالف النسوان من مكياج و ملابس و تجهيزات الولادة نادر ما تخسر , بس قبل اي مشروع لازم دراسة جدوى و بالتوفيق.
23-10-1424 هـ, 05:59 مساءً
 


الساعة الآن 05:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏